Statuses

طزززززز

In أخلاقيات on 20/03/2012 by t7l6m مصنف: , , ,

الحمدلله الكويت ديموقراطيه(وهذا إللي مضيعنا)
والحمدلله عندنا حرية رأي بنص الدستور
والحمدلله ظل عندي شوية دم يخليني أصرخ باللي في قلبي ولا أجامل أخوي ونص الدوانيه وناس غالين يضربون حاليا
لذلك أقول وبالفم المليان
طز فيكم يا موظفين الجمارك
وطز بالمضربين بالكويتيه
وطز باللي يحرضكم من النواب
وطز بالحكومه إذا طاوعتكم وعطتكم ويه
وطز بمجلس الأمه إذا ماوقف ويا الحكومه ضد عبثكم بالبلد والناس
وطز باللي واقف معاكم وما يدري إنكم تخربون البلد
وطز باللي ساكت سواء كان راضي أو مو راضي
وطز باللي مو عاجبته الزيادات وما يحمد ربه
وطز باللي يحس إنه مظلوم لأنه ما يشوف الفقر حواليه بالعالم
وطز بالنائب إللي يشكركم إنكم تبون تطيرون طيارة لندن وأمريكا لأسباب إنسانيه طز فيه لأنه ماقال لكم داوموا وصيروا رياييل
وطز باللي فرحان إن الباشوات بالجمارك طوفوا جم شاحنة خضره
وطز باللي يتطنز بسالفة لبن المراعي(الحمدلله ماني من جمهوره)
وطز بالديموقراطيه إللي تخليكم تاخذون البلد رهينه يا قراصنه
وطز بالحريه إللي ما تحترمونها ولا تعرفون قيمتها
وطز بالأمانه إللي تعرفونها وطز بمفهومكم للإخلاص والوطنية والولاء ولاؤكم واضح للدينار

ختاما ترى آنا موظف بالحكومه وطرق المعاش بس أحب الكويت أكثر من إللي ما يقول معاي طزززززززززززززززززز.

Advertisements

12 تعليق to “طزززززز”

  1. mashalla 3alaik etbared el chabd. Eli ga3d e9er la ho men 6abi3na wela tiwaqa3t eb youm fe kuwaitiyeen etheroon derat’hom chithi. ya 3asani mayta wela shayfa hal manthar .. dayman kena engol shabab ena likuwaitiyeen wagt il jad ebayen ma3danhom .. bs 3ogob hali ga3id e9eer .. i lost all kinds of hope !!

    • مع الأسف أصبح من طبايعناإيثار الدينار على ما سواه
      والله يعطيج طولة العمر وبإذن الله لن نرى إلا التعقل من كل كويتي
      ولا تفقدين الأمل بالشباب,بس الله يفكهم من شر بعض الشياب وتراهم لما إكتشفوا حجم الخطأ بحق نفسهم وبلدهم تراجعوا بس too late
      حياج الله

  2. واللي رفع سابع سما انت خير من كتبت بهالموضوع

    وطز كلمة اصلها فارسي وتعني ملح

    🙂

    كمل يالزميل كمل تراك بردت جبدي

    • هلا وغلا بالزميله
      وشكرا على الإطراء النافخ لل EGO
      وكنت أعتقد أنها تركيه وكان الأتراك يعفون الملح من الضريبة الجمركية
      فكان التجار الشوام يمرون على موظف الجمارك التركي(عندما لا يكون مضربا) وحينما يسألهم عن البضاعة يقولون له طز فكان يشير لهم بيده بالمرور
      وإذا بردت جبدج ترى آنا وصوفوني بالمأجور وكليت سب حتى بالفارسي سبوني مادريت بالكويتيه أكو موظفين إيرانيين

      حياج الله يالزميله نورتينا

  3. مادام السالفة جذي

    ترى انا موظف بالقطاع الخاص و هم أقول طزززززززززز

    لول. مقالة ممتازة

  4. هههههههه معاكم قلبا وقالبا
    واعتبرني قلت الكلمة 🙂

    • حياج الله بوك مارك وشكرا للمسانده

      بس شني الكلمه ؟

      غشمره أعرفها وترس البوست

  5. و الله إدراج قوي!
    🙂

  6. انا بعد وياكم

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: