أحبها لو ما تحبني
أتقرب وهي تصدني
وإن تغزلت تدقرني
حبج يا حلوه ذبحني
صوته عن شوفته يغني
وشوفته عن الدنيا تغني
جماله خالد مايفني
وإن كلمته زفني
بحسنه وذوقه سحرني
وبجماله ورقته أسرني
أشكره حبه بهذلني
خلاني أمشي وأغني
نظرة عيونه تدودهني*
وكلمه منه تذوبني
أعطيه روحي إن طلبني
لكن هوايته يعذبني
إن تقربت منه طردني
وإن تشجّعت وزرته جحتني**
عقب مده صدها مللني
يأست منها وبطلت أغني
ماوعيت إلاعلى عشا عازمتني
طلْعت كثر ما أحبها تحبني
تقولي كلامك عني يطربني
وأن تقربت مني ترى تونسني
تثيقلت,قلت شلون تزعلني
قالت يالله عاااااد سامحني
وسامحتها غصبن علي
*تدودهني:تربكني
**جحتني:طردني
T7l6m 
وين رقيقه وسوت كل هذا ،صج لما قال عبد الرحمن رفيع “الدلع ثلثينه سب” 😉 وهذا بعد شعر حلمنتيشي؟
الزفه والطرده لزوم دلع وتغلي
وما جذب عبدالرحمن الرفيع
حياج الله سويت
هو مسكين ميت حب فيها
لكن هى بصراحة حلمنتيشتيه وااايد
هو رومانسى .. وهى عمليه تحب زبدة الكلام ..
حتى أشعارك تحلطميه يا تحلطم .. مشكور جداً .. أعجبتنى كثير ..
تحياتى و مودتى لك .
هلا قوس حياك الله
هذا دلع الحريم(لا يزعلون فضحناهم)
وهذي طريقتهم لقياس محبتهم لدى الطرف الآخر
كنت أتمنى أشعاري ما تكون تحلطميه لكن الطبع يغلب التطبع
لذلك, ربما, لن أكون رومانسيا مهما تطبعت وحاولت الكتابة عنه
لكننا لن نتوقف حتى نصبح رومانسيين رسميا وبشهادتكم
نورتنا
حلوة بصراحة وايد عجبتني
هذا الحب بلوه مسكين من يطيع امره
تحياتي
حياج الله أختي
ومثل ماقلنا وقلتي الحب بلوه
أسعدنا مروركم ومشاركتكم
أثرى مالك قلب تحلطم بسرعه سامحتها هههههههههه
… إلا سؤال جد ..
أشكره حبه بهذلني
خلاني أمشي وأغني
ليش إلي يحب يتبهذل و يمشي و يغني ؟؟؟ أنا ملاحظة الغناوي بس اعتقد الأولى لآن يكون متدوده صح ؟
محاولة جيده لتغيير المود العام في البلد
عساك على القوه
فعلا أكاد أجزم أن المحب تحوشه لوثة عقليه فيغني وهو ماشي
وعادي تبهدله محبوبته
والبهدله سببها مرحلة تفوق التدوده وتسمى التسبّه
عقب الأبيات اللي قبلها لو تطقه طراق يسامحها الحين تعزمه وما تبينه يسامحها
الله يقويج أختي
فعلا كانت محاولة فاشلة لتغيير المزاج العام
لأنهم مايخلون الواحد يرتاح ل24 ساعة متواصلة البلاوي صايره صليات(الرصاص المتواصل من البندقية )