أجبرتني الظروف للخروج اليوم الضحى حوالي الساعه 11 وإضطريت أوقف السياره بعيد وأمشي للمكان إللي رايح له.بصراحه الجو كان روعه وفوق الخيال(بالظل).لحظتها فكرت لو يخيروني بين مليون دينار أو يصير الجو طول السنه مثل هالجو.لا يخفى عليكم ترددت بالإختيار والحمدلله إنه مو سؤال عليه درجات جان يمكن سقطت.
بإختصار,يخرب بيت اللي ما يتحسن مزاجه من هالجو.
هاليومين مرت علي جم نكته ضحكوني:
-شرطي الله رزقه ,فتح مخفر.
-مصري يسأل كويتي:هو صحيح إنتو بتشتموا وإنتو تتكلموا؟
الكويتي:لا تصير حمار وتصدق كل شي تسمعه.
-واحد من العيال يقط بعض الكلمات بالإنجليزي.أخوه إذا سمعه يقوله:شدعوه يدّك إذا ركب الناقه يقول لها:
Let’s go baby.
هالأيام أغنيه وايد على بالي بسبة أميرتنا الصغيره وإن شالله تعجبكم.
والآن أترككم مع الطرب الجديد لأولياء الأمور والآباء.
T7l6m 
الجو فعلا حلووووو والمطر لطيف خالص والمزاج عالي بسبت الجو البديع والاغنيه تناسب الجو الحلو
الجو الحلو يترك أثرا جميلا في النفس
ويخلي المزاج عالي و يبشر بالتفاؤل ويصنعه.
حياكم الله
والحمدلله كانت الأغنية على قدر جسامة الحدث,أقصد لطفه.
البوست هذا والي قبله يستاهلون الامتياز 🙂
فعلا منو ما يتحسن مزاجه بالجو الحلو
يعطيك العافية .. والطرب اليديد أتوقع صار ملزوم كل الآباء يتعايشون معاه
الله يعافيج
وصراحه الجو الحلو يخلي المزاج حلو
ويطلّع البوست مغثه free
والطرب اليديد مو بس تعايشوا وياه الآباء,المشكله قاموا يسمعونه بروحهم وصكوا على عيالهم
حياج الله أختي بوك مارك نورتينا
مساء الورد والله يوم قريت نكتت المصري ضحكت صج هذا طبع الكويتي مايتوب
صباح الورد والفل والياسمين
وريوقكم فول وكنافه
شفت عاد مسكين المصري سأل وإنقرد بالجواب
حياك الله يابن الرويس
تصدق..
صاجه بوك مارك..موبس يستاهلون امتياز
لا ومرتبة شرف بعد
نوفمبر على ديسمبر لين يهل فبراير..مانبي شي يعكر مزاجنا لا سياسه لا بطيخ
بصراحه الواحد شبع هم وغثا..
وآنا مني مليونين بس يصير جونا جذي طول السنه
لك مني ما أييب طاري السفر أبد..
يازين الكويت..
ياربي لا تحرمنا منها وتحفظها..
وهالطرب صار مقرر يومي :)عند كل البيوت اللي فيها بنوتات
والله ياريت يكملون إحسانهم ونرتاح على طول من الهموم ونفتك من الغثا
وفي مايتعلق بالمليونين سيتم موافاتكم برقم حسابنا
صج الجو ما شالله عجيب وياريت طول السنه جذي
واعندي إضافة على المقرر الغنائي لبيوت البنوتات فهذه شهادة من اهلها
حياج الله يالليوان وبإنتظار معاودتكم النشاط التدويني
منورتنا دائما