سبب خراب الدنيا وتدشّ بين الأهل مثل السوس
بسبتها بدون حرب غلبت أمريكا السوفييت الروس
إذا عندك وايد منها إبتلشت وإذا ماعندك تحوس
كثر وناستها وراها بلاوي تغير بضعاف البشر النفوس
بسبتها تغيرت ناس خشّت صلعتها بكبّوس
وسوّت نفسها زقرتيه وقامت تلبس دسوس
غيّرتها عمليات التجميل والأثرم ركّب ضروس
والمتين ربط معدته يبي يصير ضعف الدبوس
الناس قامت تعبدها ,سوّوا لها مراسم وطقوس
وفيها يلقون محاضرات ,ويعطون الناس عنها دروس
وإللي يقول الدنيا مو بس إهي قالوا تركوه مدسوس
تغنوا فيها وعنها قصدوا ,قالوا إنها تييب العروس
عرفتوها بنت اللذينه إللي تخلي الوطني جاسوس
عرفتوا عنوان الثروة ومقياسها تلك المدعوة فلوس
يا بن آدم بتاكل غداك إن كان بمرق ولا بدقوس
وبيترس بطنك أي شي عدس ولا مجبوس
لا تغتر إذا عندك ولا تحس إنك بدونها منحوس
إللي يهبش ملايين غافلين عنه ومن باق دنانير محبوس
T7l6m 
مممم
ما اييب العروس إلا الفلوس يا تحلطم ..
و مو منطق ينحبس بو الدينار و بو المليون غافلين عنه
يا خوي لهم رب عينه ما تنام . عالم السر و الجهر و خفت الأنفس ..
كلهم بيوقفون جدامه بو الدينار بو المليون و بو مية فلس بعد
ماشاء الله ما لحقت على بوستاتك اشيك من الموبايل
تبارك الرحمن الأحداث ما اتوهل
عساك على القوة ومشكووور
تحيـــاتي
حياج الله أختي
ومع الأسف اللي مو منطق ماشي بالواقع حرامية الملايين مسكوت عنهم وبو دينار بوقته واضحه ينسجن عليها
مافي شك حكم البشر غير حكم رب العالمين
آنا مثلكم مو ملحق على الأحداث وحتى البوستات على كثرتها مطوف أشياء هامه وايد مثل”الهيئة العامة لشؤون البادية”
الله يقويج والشكر لكم على التواصل والمشاركه
ههههههه
الله يعطيك العافية على هالحجي الخوش
مجبوس ..و دقوس ..مكدوس و دروس
كلها متعة نتعلم فيها شلون ناكل
بدون ما يطلع لنا كروش
يكافينا الشر
الله يعافيج على المشاركه الخوش أيضا
سررنا بإستمتاعكم بالمرق والدقوس
شكرا لمروركم
وحياكم الله أختي النور
صح اللسانك يا تحلطم
صاج الفلوس تغير النفوس و تخلي البنت تزوج شايب مزينته الفلوس و تخلي البنت بنوت تبيع نفسها عشان فلوس وماركات …..
والتخلي افقير يصير حرامي كبير و مجرم خطير
و ياليت كل الناس تزهد بهالدنيا و لا تركض ورى الفلوس
بس شنقول بعد الدين عمات عين و الواحد بدون الفلوس محروم
اكثر الناس يقولون الفقراء اسعد الناس و الاغنيه فاقدين السعاده واعيالهم فيهم امراض نفسيه كل شي متوفر لهم و مايدرون شسون وتطلع هالامراض و لا عندهم ام قلبها على عيالها بس لاهيه بالسفر والوناسه و الأبو ما يهتم فيهم بس راكض ورى الفلوس
الحمدالله على كل حال و الله يرزقنه من ماله انشالله ولا يحوجنه نمد ايدنا لأحد و يعطينه السعاده و يرزقنه القناعه و غنى النفس يارب
و يعطيك ألف عافيه يا تحلطم
صح بدنج أخت هلا
والفلوس تغير النفوس الضعيفه واللي مافيها خير أساسا
ومانبيهم يزهدون بس تكون الأمور متوازنه والناس تحمد ربها
ترى الفقير عندنا بنعمه يتمنونها ناس وايد بهالدنيا
الف الحمدلله وعسى الله يرزقنا وياكم ويعينا نحمده على النعمه
“اللهم أكفني بحلالك عن حرامك وأغنني بفضلك عن من سواك”
الله يعافيج أختي وشكرا للمرور والمشاركة المميزه
تبي الصج!!!!
غيّبت!!! الكلام دش ابعضه من قريت مجبوس!!!
أولها مرق…ثانيها دقوس
وتاليها مجبوس..واويلااااااه 🙂
كالعاده…انت غير اخوي…ربي يسدد قلمك وافكارك
تحياتي ولعائلتك الكريمة
أنا غلطت بالعنوان
وخربتها من أولها
شكرا دكتوره على كلامكم الطيب
وشكرا لمروركم
حياج الله