قريت اليوم خبر ضحكني من باب شر البلية مايُضحِك.الخبر يقول أن محكمة إيرانية حكمت على المخرج الإيراني جعفر بناهي بالسجن لمدة ست سنوات,ليش؟ لإنه قام بإخراج فيلم وثائقي يعارض النظام وموقف النظام من الأحداث التي تلت إنتخابات الرئاسة عام 2009.
الضحك أن الحكم تضمن بالإضافة إلى السنوات الست مايلي:
منع المخرج من السفر + منعه من مقابلة وسائل الأعلام +منعه من الإخراج لمدة 20 سنه
بذمتكم لو يطبقون هالأحكام عندنا جان تكلموا ربعنا عن قضايا أو خاضوا في مواضيع تفوق في أثرها وخرابها “معارضة النظام” وعلى رأسها الطائفيه والعبث بالوحدة الوطنيه.
أتمنى ,ومن باب الموضوعية وإزالة تهمة الطائفية عنهما, أن أرى برنامج على قناة العداله أو أقرأ مقال أو تحقيق على صفحات جريدة الدار يتناول الحكم القراقوشي “لجمهوري إسلامي إيراني” مع مقارنة موضوع إحالتهم للنيابة.
طيبه +حنّيه +رقه+حرية وديموقراطيه+قضاء يخاف الله = عمار ياكويت
بالنسبة لي وبحكم أني أتعامل مع الأمور بشكلها الظاهر ولا أحاسب النوايا أقول كيف يمكن لنظام جاء بعدما سالت دماء شعبه الذي ثار على إستبداد الشاه أن يفعل ذلك به,كيف يمارس سلطته وهو يكمم أفواه شعبه الذي أوصله للسلطة بثمن باهظ,كيف ينام وفرد من شعبه سجين رأي .وأنت يالقاضي ماتخاف من الله وما تدري أن أعظم الجهاد عند الله كلمة حق عند سلطان جائر ,وشلون قدرت تصدر حكم لايتضمن فقط حجز حرية من يدعو ويطالب بمزيد من الحريات وإنما منعه من الإبداع والكلام أيضا.
يآسي الله يكافينا شرّك.
تلك الأنظمه في حالات كهذه تجعلني أتساءل عن تشكيل كلمة ثوريه
الثاء فوقها ضمّه أو فتحه؟
T7l6m 
هههههههههههه
بدعت كله كوم و ياااااااااااآآآآآآآآآآسي كوم بصراحه ملح البوست لووووووووووول
بس صج صج
عمار يا الكويت يالي ضافتهم و قاعدين يتفلسفون
دام مو عاجبتكم بأنظمتها ليش ما تروحن لديرة أهلكم
السبب ما يقدرون يعيشون وفق النظام القمعي
الحل يقعدون هني و يسممون نظامنا و يسممونا بأفكارهم و لبحتهم
و يروحون مسقط رأسهم لتبرك و طلب الغفران
لا حولة ولا قوة إلا بالله
يا أخوي خليتني أقول كلام ما أبي أقوله
تحياتي
حياج أختي
على التعليق طلعتي إنتي الآسيه
بس فعلا إللي له ولاء لغير الكويت ليرحل إلى حيث ولاءه
فديت ديرتي الكويت اللي غيرها ماحبيت ..
اليوم نتناقش بالدوام عن الزياده ال 50 وحده قالت لي شنو احنا سيلانيات يزيدونه 50
عسى الله يعزج ياكويت ياديرتي ياكويت
الله يعز الكويت
وصديقتج بالدوام ماتحمد ربها عالنعمه
خمسين وتقول سيلانيه ,خل تحمد ربها
شوفي المتقاعدين زادوهم 10 دنانير كل سنتين
الحمدلله على نعمة الكويت اقولها مرارا و تكرارا ، و ودي ان كويتي يتشدق بالدول الاخرى اي كانت ان يطس و يعيش هناك و يشوف اشكثر يقدر يصمل !
“عومة ماكولة و مذمومة” ، و عني نفسي احب الكويت و بكل الخمال اللي بالديرة اقول الحمدلله على نعمة الكويت ، و اللي مو عاجبه يطق راس بالطوفة.
ياهلا ويامرحبا وعذراعلى تأخيري سقط تعليقك سهوا ومالاحظته
ومانستغنى عن مشاركتك لنا
الف الحمدلله على النعمه اللي احنا فيها وعسى الله يديمها
وصدقني ماكو مثل الكويت حتى أمريكا أم الدنيا ماتقايش عندنا ولا شفت ديره ماتاخذ ضرايب لا وتوزع على كل واحد الف
ربي لك الحمد والشكر مو بس ماديا لكن الأمان والحريه
وكلنا نحب الكويت وكلامنا وسيلة للتطوير (إذا الله هداهم وسمعونا )
وتهقى بتكسّر طوف
حياك ولا تباعد في قصه بالطريج إن شالله تعجبك
وضروري تعلٌق عليها
يطق راسه بالطوفه!
لاتقارن الكويت بأي دوله ثانيه
—————————-
—————————-
والجودي بدعتي..
🙂
صح كلامج مافي مجال للمقارنه
عسى الله يديم علينا العز والرحمه والخير
والجودي قلت لها يا آسيه
طلعت قشره وما تغشمر
بس صراحه بهالمواقف المفروض مافي مجاملات