يُحكي أن رجل عيار جمبازي كلكجي تغزل بزوجته ,فنال منها مايستحق
وأنقل الحادثة كما رواها:
آنا ياي أتغزل – وجابلتني بوَيه برطامه*
ماده بوزها شبر – سألت الحبيب علامه
من كدر حبيب القلب – عديل الروح ومصدر إلهامه
خزّتني بققت عيونها – كل عين تقول رمانه
قلت وين إبتسامة القمر – وين عذوبة كلامه
وين رمز الحب – وين من كان للسلام حمامه
وين من علّق قلبي – وين من غزا روحي بسهامه
وين من تملّك مهجتي – وغرس باليوف أعلامه
قلت عقب هالحجي تبتسم -تم المرحوم على طمامه
ما سِكّتْ كملت وطريت – أحلى أيامي وأيامه
قلت نسينا لحظاتنا الحلوه – أيام لعب الجنجفه والدامه
نسيت تحت المطر نضحك – أنا بمكسر وفنيله وإنتي بيجاما
قاطعتني زفتني بأعصاب : يسوي سواته ويقول علامه!
لي الحين العيار يجذب – ما ياز عن أفلامه
قالت أشره على آدمي – ماعلى الحيوان ملامه
رد معصب قال – ياي أراضيه قط علي خمامه
أكلمه حب ورومانس – ويطلّع فيني إجرامه
إنتي علاقات عامه! – إنتي المفروض أمن وسلامه
قالت تسولف عن كل شي – وتخّش عني أخبارك الهامّه
يعلّك الضربه على سواتك – وتدوس إبّطنك نعامه
مسوي نفسك مطوع – وبالمسيد يعطونك الإمامه
طلعت متزوج علي – سكرتيرتك الجيكره أم شامه
ذوقك مثل ويهك تبن – هذي ما أشغلها عندي خدامه
يوم إنصدت فكرت أعتذر – وأتوسل تحت أقدامه
قلت معصبه ماينفع إعتذار – النحشه طريج السلامه
قلت أأأوووه تأخرت عالربع – يالله مع السلامه
وشفّط بمكانه وهو ينطلق فشّق** نحو السكّه
* برطامه :من أنواع السمك – أسم على مسمى
** فشّق : رصاصه
T7l6m 
هههههه زين تسوي فيه حرررقته p:
عاد جان زين ايوزوون الرياييل ما منهم فايده p;
استمتعت بوجودي بالمدونه 🙂
أستمتعت أكثر للمرور والمشاركه
حياج الله
نورتينا
هههههه لا صح يستاهل العيار الجمبازي
تدوم هالروح والابتسامة 🙂
صح قلعته يستاهل
الله يسلمج أختي ومنوره مدونتنا بتواجدك
مسكينه بس منطنقره ما سوت شي هذه وايد طيبه
حرني يا كرهه 😦
تشكرات
تعفوات
هين طيبه ماتشوفين نحاش بالسروه تطقه
خوش فكره للتكمله
عنف النساء ضد الرجل المظلوم
واثق من إعتراضج
حياج الله يالجودي
ههههه
استمتعت حيل بالقرايه 🙂
اكرر ماشاء الله عليكم .. قلمكم رائع ؛)
حيالله مهندسة المستقبل إن شالله
أسعدني إستمتاعكم ومروركم وكلماتج الطيبه
منورتنا دوم
ههههههههه
العيار..مسوي هالسوات وله عين يحاجيها!!
زين تسوي فيه..
افتقدنا البوستات خفيفة الدم هذي
🙂
عيل شلون صايره العياره والجمبزه
آنا مثلج فاقدها وأحس بضيق بسبب الأوضاع السياسيه العربيه
إن شالله تعدي على خير
وربي يحفظ الكويت والجميع
وايد أشياء كاتبها ومانشرتها بعض كامل وبعضها محتاج شوي مراجعه
بإذن الله الياي مافيه مغثه
بإستثناء التحلطم
حياج الله أختي منورتنا بمرورج