كنت ,مثل كثير منكم,في حزن شديد بسبب مايجري
وكتبت ما كتبت وتلقيت تعليقات من أعزاء شاركوني أحزاني وتخوفاتي
ولكن هل نستسلم
هل نسلم أمورنا لليأس أو اللامبالاة
هل نكتفي بالبكاء على حالنا
هل نكون كالنعام وندفن رؤسنا بالرمال
هل نحقق لأعداءنا وأعداء الكويت مبتغاهم
هم يريدوننا يائسين
منقسمين
عاجزين
مستسلمين
نكفر بكل مافيه خير لنا ولبلدنا
يريدوننا أن نؤمن بأن الكويت مؤقته
غير قابلة للإستمرار
منهزمة أمام الفساد والمفسدين
وأنها بقبضتهم ولا فكاك لها منهم
إنهم ميكروبات تنمو في جو مثالي من التوتر والتأزيم
يفرحون بإنقسامنا
ويهللون ليأسنا
وينتشون لخلافاتنا
يتوهمون نجاحهم بتقسيمنا إلى سنه وشيعه
ويترقبون نتائج خطتهم بتقسيمنا إلى بدو و حضر
يراهنون أننا أغبياء ننساق وراء خططهم
يراهنون أننا غوغاء يوجهنا إعلامهم الفاسد المضلل
فهل نكون كما يريدون
وهل نساعدهم بتحقيق أهدافهم
وهل نكون الوقود الذي يحترق ويحرق الكويت معه
إذا توزعت ولاءاتنا بين القبيله والطائفه والمنطقه
وإذا أخذنا مواقفنا بتشنج وعصبيه وتحماسنا للتصعيد
فقد نجحوا
سلاحنا ضدهم أن يكون ولاءنا للكويت فقط
وأن تكون مواقفنا لصالح الكويت وبعد تفكير وتأمل
ويكون ميزان مواقفنا العدالة قبل الموضوعيه والحق فوقهما
وأن نفتح قلوبنا وعقولنا لبعض
ويكون التسامح والأخوه والتعايش عقيدتنا ونهج حياتنا
وفي الختام اقول والله أن بإيدكم جوهره لا تضيعونها
وإذا مو مصدقيني سألوا الشياب
وأرجوكم لا تقولون طلباتك صعبه أنتوا قدها وقدود
الكويتي واعي ومحد يقدر يضحك عليه
T7l6m 
أنا اقول ياتحلطم. انهم أوصلوا حق الذي كان مخطط والأثبات بعض الاعضاء مجلس الأمه اللي كان لهم مواقف مشرفه مانسمع لهم صوت اليوم ليش لأن مسكو عليهم موقف صار قبل حوالي سنتين او سبحان مغير الأحوال كانو لما يصير موقف من اول النواب اللي يوقف بويه الغلط بس الحين وينه اليوم ليش لأنهم صادو ووصلو حق اللي يبونه و فرقو بين الشعب صارت الطائفيه والقبليه والحبل على الجرار والله مستعان
ما وصلوا للي يبونه وان شالله ما يوصلون
والنواب جزء من المواجهه مع المفسدين لكن الدور الرئيسي لنا احنا يالمواطنين
والله المستعان
مع الأسف في ناس ما عندها شغل ،
غير إنها تسوي طائفية بمختلف أنواعها ..
–
الأحوال بالديرة ما تبشّر بالخير ..
ما يحطّون اعتبار للقوانين ..
ولا كأنّه في دستور ..
ما قول إلّا الله يستر من اللي ياي ..
الله يصلحهم
وإذا كانت الأوضاع ما تسر يجب ان لا نستسلم ونتحبط
لازم نشتغل ونلتزم بالقوانين ونكون نموذج للأخرين
وتفائلي باللي ياي
اليوم قررت اني اكون متفائله من الوضع
اشجع كل الي حولي و الي يقول خلاص رحنا
ماخلص اليوم الا التفاؤل طار =\
ما ادري شنو الصح و شنو الغلط
ا حول و لا قوه الا بالله
ماكو الا هالدعاء :”اللهم أحيني ما علمت الحياة خيرا لي وتوفني ما علمت الوفاة خيرا لي واجعل حياة زيادة لي في كل خير واجعل الوفاة راحة لي من كل شر واذا اردت بعبادك فتنة فاقبضني اليك غير مفتون ” ~ آمين ~
و الله يرحمنا برحمته 😦
آمين
ولا توقفين تفاؤل ترى هذا اللي يبونه
إستمري بالتفاؤل وخلي إيمانج بربج و برحمته وحكمته كبير
وبثي التفاؤل باللي حواليج
وثقي بقناعاتج
وشعب فيه ناس مثلج وشرواج ما ينكسر
أكيد إن شاء الله دوم شامخه 🙂
ويا جبل ما يهزك ريح حلو جذي أخوي
مليت من جو التأزيم و كل اشوي رافعين الديرة وراضينها ترى ما تهون علينا و صعب إلي يسوونه أحسه مواقف و تصفيات حساب وين الكويت في هذا كله …
وبكون متفائلة و بحبج يا كويت أكثر و أكثر
الله يخليج لي و يحفظج من كل شر
تعجبيني يالجودي
هذي الروح اللي نبيها بكل كويتي
ومدام في ناس تحب الكويت وتتألم لألمها وتفرح لفرحها مايقدرون الظلام والمفسدين عليها
وبإذن الله شامخه بأهلها اللي يحبونها ويخافون عليها وهم وايد لكن لازم صوتهم يطلع ويصرخون بوجه الغلط
الله يحفظ الكويت واهلها
جزاك الله خيرا اخ تحلطم او الله يعين الجميع والله مستعان —————ماسمعناك
جزاك الله مثله والله المستعان
مقصر سافرت وفوقها فرق التوقيت بس القلب معاكم
يا عيني عليك..
الله يكثر من امثالك
صدقني رجعت امس اقول
احنا بخير وفينا خير
بس تدري ريلي رايح عزا امس وحاول يكسر تفاؤلي لأن
شاف وزير الداخلية قاعد يمه شايب
والشايب مسكين يقوللة حيلكم فيهم زين تسوون
جان يرد علية الوزير الهمام :
بعد ما شفتوا شي الياي اعظم
جان اقول فعلا ماشفتوا شي
بتشوفون جيل الغزو اللي وعا على التشرد
اشلون بيشبص بهالقاع بايدة وضروسة
وبتشوفون احفاد الطواوييش اللي ما هزتهم الطبعة وكسرة سوق القماش
شلون يحمونها بارواحهم وعيالهم
وبتشوفون احفاد من مات بالصريف ومن شال اعلام الكويت في هجمة عبدالكريم قاسم
اشبيسوون..بنحبها لو كان هذا بس اللي نقدر نسويه..هم بنتم نحبها
وتحيا الكويت
غصب على اللي ما يرضى
شرايك فيني؟؟؟
🙂
فيها راي يالليوان
اقرا وانا اضحك وعيني تدمع
هذا اللي نبي
اشبيسوون..بنحبها لو كان هذا بس اللي نقدر نسويه..هم بنتم نحبها
وتحيا الكويت
وإن شالله دوم شامخه فيج وبأمثالج من الكويتيين