صديقي الواصل(عكس القاطع) صبّحني اليوم بعباره تفاؤليه قالها بتهكم شديد(يتطتز)
قال رضي الله عنه وعنا وعن المسلمين أجمعين:”أبشر إنحلت كل مشاكلنا”
شلون؟
قال:ماقريت الجرايد!
وقعد يعدد لي الأخبار الحلوه ,
أحمد الفهد :لا إنتظار للسكن.. المشكلة إنتهت
الفضاله:لا بدون في الكويت بعد خمس سنوات
مسؤول في وزارة الكهرباء والماء: قطع المياه ,كخطوة أولي,على من لا يسدد فواتير الكهرباء والماء
وأضاف ,وأمس زادوا رواتب المتقاعدين. بس خلصنا
طبعا بحكم إني متفائل وأدري إن 90% من الكلام ما راح يصير (لو متشائم جان قلت 100%)
قلت شفايدة كل هالأخبار إذا لي الحين الجرايد تربّط عصاعص والتلفزيونات سبني وأطقك
خوفك إذا إنتهت مشاكلنا العاديه يتفرغون لنا الظلاّم ويعمقون مشاكلنا “الهيكلية”
ويضربون الناس في بعض ويكَسّرونا كلنا
قلت :
يا معود ترى تعودنا على الكهربا تنقطع
و خل الشباب ينطرون 10 سنين على ماتطلع لهم قسيمه (مساكين بيشترون ماجلتهم من الخفجي والبصره نظرا لقربهما من المناطق السكنية الجديده)
وشلون نقدر نعيش بدون “بدون” الجرايد شتكتب,النواب شيسولفون عنه,وحقوق الإنسان بتعزّل
رد ,بحماس , بكلام كبير,كلام صعب ,كلام جامد(ج مصريه):
وليش ماتقول إذا إنتهت مشاكلنا العادية نتفرغ إحنا والحكومه والنواب حق “قوى الظلام” ,والمخربين, ومثيري الفتن ,وأعداء الوحدة الوطنيه
ختمتها وياه:يعني بإختصار نقدر نقول إنا وياك متفقين على عبارة ” ياكم الذيب”
بس مختلفين على تحديد الذيب منو, وياي حق منو
والله يكافينا الشر
T7l6m 
شــــــــــــــــــــــكرن
عفون
الله يكافيها الشر
طرح في الصميم
نختلف علي هوية الذيب الي درجة الشلل عن اتخاذ اي تدابير
وننسي اننا متفقون علي اهم نقطة وهي حتمية وجود الذيب
بالفعل تم الالغاء بالاعتياد لدي الغالبية
وهي اخطر مرحلة حيث يستطيع الذيب ان ياتيي في عز الظهيرة ويلج الي عمق الدار
ويقولها بلسانه ياكم الذيب
وللاسف لن يأبه أحد
ولكن لو خليت خربت
نور الله دربك
كثرت الذيابه وتعددت وجوهها .وكل له ذيب.
الخشية أن تألف الناس العيش بين الذئاب وتعتاد الخوف,والقلق,والتوتر
ولن تنفع الماديات بإزالة هذه المشاعر وسيقتصر أثرها على تجميل الواقع و طمس معالم الذيب
إن شاء الله ماتخلى وتعمر زياده بمن يحبها ويخلص لها
آمين ,وجزاك الله خير
ومنورنا
ولا تباعد
يقول المثل : دام انك متعود على عضة الجلب , لا تهاب عضة الذيب
وشكرا
أفا عليك بوشهيب
إذا ما عضينا الذيب ونتفنا الجلب
ارككككككككككككككككض ترى يايينك
ههههههههه
انت عجييييييييييب
شكرررررررررا
من ذوقج
يالزين
حياج الله
طبعا بحكم إني متفائل وأدري إن 90% من الكلام ما راح يصير (لو متشائم جان قلت 100%)
///
حلللوة
من ذوقج أختي مي
وعلى فكره نتابع مدونتج الرائعه وجهدج الواضح فيها
لكن عندي مشكله بالتعليقات
اسعدنا مروركم
وحياج الله
صدقني حتى لو انحلت كل المشاكل
ربعنا راح يطلعون غيرها وغيرها من تحت الأرض
ولا الإعلام شوظيفته؟
مو معقولة يسرحون كل الناس ويقطعون أرزاقهم 🙂
أأيدج
وياريت إعلامنا يكتفي بعرض المشاكل
إعلامنا بحد ذاته مشكله لأنه يخلق ويصنع مشاكل
وبعدين ليش يسرحونهم ,يخلونهم يغطون موضوعات أهم من إللي يبربسونه الحين
موضوعات مثل الموضه وأخبار الفنانين وأسعار الطماط والباميه
حياج الله
🙂
اممم مادري ليش تخيلت نفسي العب خروف مسلسل..تراهووو ياكم!!!
🙂
مساك الله بالخير والنوير
وعساه ويك اند مبارك
ويك إند سعيد ومريح ومبارك إن شالله
لج وللجميع
وصبحج الله بالخير وتغريد الطير
وحياج الله دكتوره
حلووووه منكم 🙂
عجبني الاسلوووب .. بس للاسف بهالديره ذيب مايكفي 🙂
قواكم الله
شكرا إختي أسما على الإطراء،من ذوقج
مشكلتنا كثرة الذيابه الله لا يوفقهم ويكافي الكويت شرهم
عسى الله يحط حيلهم بينهم ويتناهشون
حياج الله دوم