مسايرة للموضه
و في إطار هبّة العرب بالقمم
سنتناول اليوم عدة قمم ليس بينها القمه العربيه الطارئه ولا القمه العربيه الأفريقيه
قمم مالها شغل بالسياسه ,وهذه القمم هي:
قمة القهر : تروح المطار حدّك مستعيل ويقولون لك الطياره عليها تأخير 3ساعات
قمة السعاده : تصبح بوجه ولدك أو بنتك البيبي وهي تبتسم
قمة الدسم : بيديان مقلي
قمة الفِسَقْ : قرقيعانّا و النون هاليومين
قمة الملاقه : مسلسلات رمضان الكويتيه
قمة الخرعه : زهيوي يدبي على ويهك وإنت نايم
قمة المفاجآت : بورصتنا
قمة التهور : تسوق 180 وإنت تتكلم بالموبيل وبإيدك الثانيه صمونه
قمة الكبسات : إذا صادتك الكاميرا وإنت بالوضع أعلاه
قمة الحر : شهر 7 والكهربا طافيه في بيتكم
قمة السرور : إذا برز كويتي مبدع
قمة الغباء : تكريمه بعد مايموت
قمة الفوضى : شوارعنا
قمة الحلاة : المحمر والبلاليط
قمة الغلاء : الطماط والسمج
قمة الحماس : قبل لا تسافر
قمة الوناسه : إذا رديت الكويت من السفر
قمة القلاقه : إللي يقط وصاخته بالشارع
قمة الطموح : ماينقطع الماي والكهربا
قمة الهلوسه : مدينة الحرير
قمة الخراب : إذا سووا مدينة الحرير(تدمير البيئه ,والمواقع الأثريه,ومن المرجح جدا تدمير الذمم)
قمة النفاق : عضو مجلس الأمه يكسر القانون ويتوسط حق واحد ما يستحق
قمة الحرمنه : عضو مجلس أمه(سابق)يسجنونه سنتين ويرجّع 5 ملايين
قمة الشطاره : إللي يتخرج إمتياز بدون مدرسين خصوصيين وأهله مايعرفون الناظر أو حتى مدرس البدنيه
قمة الوقاحه : موظف ياكل صمونه(بغض النظر فلافل أو حلوم) والمراجع يطالعه وينطر
قمة المعاناة : موظف يشتغل بضمير بهالزمن
قمة البرود : واحد من الربع
وأخيرا
قمة النذاله : بوق النعل من المسايد
T7l6m 
كاااك اخر وحده اعجبتني
عسى الله يوفج خوووش مقال
وشــــــكرا
قمم روعه 🙂
انغثيت من قمة الدسم وضحكت على قمة التهور لوول وتخيلت شكل اللي يسوق ويتكلم وياكل بنفس الوقت ما تعتقد انه قمة “فلته زمانه” ؟؟ 🙂
وشخباري منو للحين يبوق نعل الاوادم من المسايد؟! للحين في هالظاهرة؟!
بوست ممتاز
قمة الروعة 🙂
تخيلي إن عندنا قمة فلتة زمانه لا وصادته الكاميرا
180 وياكل (بدون التيلفون)
والظاهره مستمره وقد تكون تشابه أسماء قصدي نعل
وبالتوفيق إن شالله بالكتاب يابنت بطوطه
لوووول
ضحك على بعضهم :))
و عورني قلبي على البعض الاخر :((
خصوصا
و اقتبس :” قمة الحر : شهر 7 والكهربا طافيه في بيتكم ”
آآآآخ جنك تدري ياارب
يعطيك العافيه :))
و صباح التحلطم والرباده
ما تمنينا مغثه من الصبح
وصباحنا همّه ونشاط
وتحلطم أيضا
قمة التضحية التبرع بأحد أعضائك لمن تحب
فعلا هذي قمة التضحيه
وحياك الله
قمم مشكور عليها …
قمة الخيانه : سرقات رسائل الماجستير والدكتوراه هاليومين!!
الخيانه يالمطلاع متروسه قمم
خيانة الضمير،والمباديء،ووصلوا لي خيانة الوطن
بس برضه حلوه سالفة الشهادات
لالالا
موشرط تكون قمه القذاره ان تقط الوصخ بالشارغ
يعنى اوصخ سيارتى
بدون تعليق
أنظر “تاهو أسود”
عجيب البوست
ترى صار لي من امس بعلق بس مايقبل ما ادري ليش؟؟
انا اقترح بدل قمة الخرعة
يصير قمة الرعب
لأن الزهاوية عندي فوبيا منهم
وييييع
وقمة الوقاحة فطستني من الضحك
عادي بقت البوست وقلتة حق ربعي بالدوام
🙂
ماقصرت
أشوه الله هداه وقبل اليوم
حياج الله
والبلوج حلالج مو بس البوست
نورتي بلوجنا التحلطمي