قريت اليوم بالقبس دراسه تؤكد إنطباعات الكثيرون (آنا مو منهم )حول هذه الفئه بأنها بلاعة البيزه وما يشبعون وطماعين بالإضافه إلى إنطباعات أخرى ( الألف فوقها ضمه مو فتحه)
الدراسه أعدها بنك دولي (باركليز) ضمن سلسلة إصدارات حول ا لثروه تحت عنوان «وهم التقدم في العمر، كيف يعيد الأثرياء تحديد تقاعدهم» .
التقرير يقول أن “أغلبية الأثرياء في الخليج لا يتقاعدون أي أنهم يعملون حتى آخر رمق في حياتهم”
وتصل نسبة ربع آخر رمق خليجيا إلى 90% مقابل المعدل المنخفض في العالم (سويسرا 34%,أسبانيا44%, اليابان 46%,أمريكا54% ,بريطانيا 60%)
ياشباب ,قصدي ياشياب عليكم بالعافيه والله يزيدنا وياكم
لكن وبصراحة أقولكم كفايييه
بسكم تيمع فلوس ريحوا شوي ,سافروا راحه وإستجمام مو شغل,شوفوا لكم هوايه,لعبوا ويا أحفادكم لأن عيالكم صاروا رياييل الحين , إقروا , تعلموا الطبخ , تطوعوا بالهلال الأحمر أو أي لجنه,طلعوا تريقوا ويا الحجيات مداماتكم في المولات ,روحوا سينمات صدقوني الأفلام أونس من المكتب
توقفوا عن اللهث وراء الفلوس ترى في أشياء وايد في الدنيا أكثر متعه من زيادة صفر على شمال الرصيد
في الختام,أدري تبون تقولون كلام عيال فقاره
وأنا أقول لكم عطوني مليون وشوفوا إذا مو كل يوم أروح السينما
T7l6m 
يتم تأجيل البحث في هذا الموضوع لحين الوصول لتلك النقطه، ولكن ان سألتني عن نظري الآن للموضوع أقول عليهم بالعافيه الفلوس لكن بقانون … يعني الفلوس اللي خذوه يستحقونها؟ ما تجاوزوا حدود الصحة والقدرة والذاكرة فعليهم بألف عافيه..
أما أهل المنطق أعتقدد بقولون نفسك لأن العمر مره وحده ممكن تتكود الفلوس ونرحل ونخليها.. فحلات الدنيا مكس (mix)
وآنا أقول عليهم بألف عافيه بس هم أقول لي متى
إستانسوا بثمرة تعبكم كل هالسنين وإرتاحوا الدنيا مو بس فلوس
العمل شي حلو والعطاء والاخلاص فيه جميل ..
بس اللي صاير عندنا بالكويت way beyond that !!
الناس مثل ما قلت تبي تكمل في منهم ماعنده شي يسويه اذا قعد في البيت وفي منهم محتاج الفلس اذا عنده بنيان والا شي وفي منهن ( السيدات) اللي لا ولد ولا سند ووحيدة تقعد في البيت شتسوي؟؟ على الاقل تضيع وقت
اما اللي قاعدين على قلوبنا واهم ماوراهم شي غير مغثتنا فهذول اللي نقولهم Byebye قعدوا في بيوتكم ابرك!
والله المستعان
تخيلي أصحاب ثروات وما يبون يرتاحون!
يأخي إستمتع بحياتك
وإلا أقول إقعد يمع ليما الله ياخذ أمانتك
عليهم بالف عافية و الله يزيدك و يزيدهم و يزيدنا من طيب رزقه ان شاء الله ، الرسول عليه الصلاة و السلام يقول “ان مالك ما قدمت “، و القصد هنا ما ينفق الانسان في حياته بغض النظر فيما انفقه ، اي ما يجمعه الانسان غالبا ما يذهب الى الورثة.
اما بالنسبة للسينما بالمليون اذا عطوك اياه راح تروح انت و المدام و تاكلون نفيش و تشربون بارد يوميا لمدة مائتان و اربعة و سبعون سنة تقريبا. عليك بالعافية ، بس ما اظن يدخلون القطوة.
أكيد حاسب اسنين بدون الأخذ بالإعتبار زيادة الأسعار
و طبعا أول ما القطوه لا وأقطع لها تذكره بعد
هذا احد الاسباب ان اعمار الاوربين اطول منا
و صحتهم احسن منا
و حياتهم ريلاكس و مفيها ضغوطات
و شوفهم شلون يموتون ..
على فراشه موتت ربهم – اذا عندهم ;q –
اما احنا يموت من ضغط او سكر او سكته قلببيه
المهم يعني من الضغط والتوتر و هالسوالف
🙂
و بعدين خل فرصه لغيرك من الشباب ..
قواك الله
^_^
أهو شغال بحلاله والشباب ما يبون منه فرصه
إذا يبي يخلي فرصه الفرصه حق عياله
والله يقويج