لا تروح بعيد موضوعنا لا يتعلق بمصاصي الدماء الأفراد
سواء المخضرمين منهم( الكونت دراكيولا) أو المستجدين (فامبيرز و ويسلي سنايب)
فهؤلاء ينامون طول النهار ويشتغلون بالليل
موضوعنا ياكرام عن مؤسسات تعمل نهارا جهارا ولها مقار وجيوش من الموظفين ولها أكبر تأثير على الإقتصاد ,ولها حماة ورعاة وتابعين و إتحاد ايضا.
إنها البنوك ,التقليديه منها والإسلاميه
وأيضا لا تروح بعيد فلن أتناول ماتتقاضاه من فوائد ورسوم ,ولن أهجوهم على دورهم في إعسار العديد من مقترضيها لأن عندهم نواب يبون يطيحون لهم كل ديونهم (انظر بوست الفرق بين البنوك وصمونة الفلافل_إقتصاد)
موضوعي عن ممارسات البنوك تجاه موظفيهم
هؤلاء إللي كلوا تبن بالشغل
وكلوا سب من المراجعين
ودعى عليهم ناس وايد
الموظفين اللي يابولكم الأرباح
ونفذوا تعليماتكم
وتحملوا بلاويكم
وبعد سنوات من خدمتهم و عند التقاعد تصوروا شنو يسوون فيهم
يصرفون لهم مكافأة نهاية الخدمه
زين ,لا مو زين
تلقى الموظف حاسب حسابه على المكافأه وإذا راح يستلمها ولا ناقصه وايد
يسأل شالسالفه يقولون له خصمنا الفلوس إللي دفعناها حق التأمينات
يرد الموظف المصدوم:بس آنا يخصمون علي التأمينات من معاشي
البنوك :صح,بس إحنا نخصم من مكافأتك الفلوس إللي إحنا دفعناها للتأمينات بصفتنا أصحاب العمل(معازيبك)
يعني موظف البنوك معاشه التقاعدي كله من مكدته وعرق جبينه والبنوك ما تساهم بفلس حمر بالتأمينات
ناس تقول قلعتهم
وناس تقول صج البنوك بلاعين البيزه أو جعوص أو حنتوفه (شخصيه بخيله في مجلة ماجد)
آنا أقول إذا البنوك تسوي كذي بعيالها إللي خدموها توقعوا تسوي فيكم كل شي
ولا أنا غلطان
علي فكره أعرف واحد تقاعد من بنك إسلامي وخصموا من مكافأته 28500 دينار(فقط ثمانية وعشرون الف وخمسمائه) يا بلاش
T7l6m 
احنا عايشين في وسط غابة كبيرة ..
البقاء فيها للأقوى!!
البنوك – الأقساط – المرابحات وغيرها منشار كبير ظالع ماكل نازل ماكل .. والمتنتف احنا يالفقارة والمساكين
الله المستعان
إسمحيلي أقولج يا إنجنيرتنا إن إحنا الأكثر وإحنا الأقوى بس ما نعرف نجمع قوتنا لتصبح مؤثره
اخصموا من مكافأته 28500
اشبقى منها !
يازين مصاصين الدماء .. المستجدين بس
أستحيت أسأل كم بقى بعد الخصم
بس الريال كان حاسب حسابهم وقطو على صخر
لاحول ولاقوة الا بالله
اتصدق انقهرت!!!
اكيد هالمشكلة لها حل؟
يعني مو ممكن يعترضون والا يطالبون بحقوقهم؟؟؟
صباح الخير
صباح النور
لا تنقهرين وما أعتقد أن المشكله لها حل ولا يقدرون الموظفين يعترضون
لأن البنوك حويطه وأكيد مغطيه نفسها قانونيا
وحيا الله سلتنا
ما اقول الا “حسبي الله و نعم الوكيل”، لكن شتوقع من مورابي و لا مورابي متستر.
صح كلامك شنو تتوقع من مرابي
وذكرته بصيغه مختلفه آخر البوست
أأيدك
اهب
الخصم من المكافاه 28000
عيل جم المكافاه
200000 دك
بل يالحسد هذي بدل مكدته سنين وياهم,وخامين عليه وماكلين حقه وهم محسود
الرازق بالسما والحاسد بالأرض
صج مصاصي الدماء انواع وفصائل والله يستر على ديرتنا منهم!!!
آآآآمين
مصاصي الدماء عبدالعزيز المسلم لوووووول 🙂