تلقيت اليوم رسالة من صديق عزيز وواصل (عكس قاطع)مكتوب فيها إن السلطان قابوس أمر بصرف راتب شهر بمناسبة العيد الوطني الأربعين
رديت عليه :إحنا عيل راتبين العيد الوطني وعيد التحرير
طبعا كلامي أحلام ويصير كابوس بعد أخبار الجرايد إن رواتب شهر 11 راح يتأخر صرفها 3 أيام
لأن عطلة العيد طويله.
تهقون شيصير إذا إستلمنا راتب أو أثنين
هل سنؤثر على التنميه ونحرم الأجيال القادمه من المشاريع الهامه؟
هل سنصبح “مو خوش أوادم وإتكاليين”؟
هل سنتسبب بزيادة السيوله وبالتالي زيادة التضخم والغلاء؟
هل سنسبب عجز في الموازنه؟
هل سنجعل القطاع الخاص غير جذاب للموظفين مقارنة بالعمل الحكومي؟
هل إحنا مانستاهل:مانحمد ولا نشكر,طماعين ناخذ ونطلب زياده؟
هل أي دخل إضافي مايهمنا ونعتبره خرده مو محتاجينها؟
هل عمان فيها ميزه مختلفه ,أو قدرتها الماديه أفضل من الكويت؟
وفي الختام أقول لا تأخرون راتب هالشهر
T7l6m 
أمس مبارك لأصدقاء لي في عمان بمناسبة الراتب الإضافي …
يا أخوي المثل يقول من راقب عيشت الناس مات هما …
خلنا احنا يالله ولبنا سكوب و الجويهل و الصرعاوي و المجلس غير الباجين الحلوين …
have a nice weekend
🙂
مبروك عمان الفال كل سنه و لا تخافون ترى عيونا بارده D;
مبروك عليهم وعليهم بالعافيه
والفال لنا
بالمشمش
u2
سوري المثل من راقب الناس مات هما
لا طبعا كلش ماأييد
مثل ماتفضلت
كل الاحتمالات المذكورة أعلاه تنطبق علينا
ولا مجال لعدم حدوثها
😉
مبروك عمان وعليهم بألف عافية : )
شفتي شلون مانستاهل
عليهم بالعافيه
ولا تقولون شمعنى .فلوسكم زايده
حدددك يا تحلطم
الرواتب خط احمر
:)))
آآخ يالفقير
يكرف طول الشهر عشان هالراتب اللي اصلا يطير بين اقساط والتزامات قبل لا يستلمه
يعين الله
ذكرتيني بوزير الماليه بالخط الأحمر
مشتهي أعرف ردة فعله على البوست
والله يعين الفقير
ويعينا أجمعين
احنا من عيد الفطر عافسين نزلة المعاشات للحين مو ضابطينها ..
احنا عموما الكويتيين مو فارقة وايد معنا .. بس تصدق
اليوم و انا قاعدة اسولف مع السكرتيرة فقيرة عورت قلبي ..تقولي لازم هالراتب ينزل قبل العيد ..لان ريلها مسافر رايح يقدم امتحان CPA و اكتشف انه في فيز اكثر من اللي حطينه لما وصل ..تخيل انه دافع التذكرة دارس حق الامتحان و ما يدش لانه ناقصه فلوسه..
والله احنا بنعمه 🙂
صبحك الله بالنوير
صبحج الله بالنور
الحمدلله على النعمه الفضيله ويارب تديمها علينا
حياج الله
العراق البلد المتهالك اقتصاديا والبالغه ديونه اكثر من 30 مليار دولار اعلن عن صرف الرواتب قبل العيد واحنا البلد الغني بعدد سكانه القليل بتتأخر عملية صرف الرواتب 3 ايام بعد اجازة العيد ،،، والسبب واضح وبسيط ما هو إلا قلة دبره.
صح لسانك
ويمكن إضافة الكسل أيضا
مبروك لعمان والله يهنيهم ..
امم انا مالي دخل بهالسالفه ;q
بس احنا مانحمد ربنا يعني حتى لو لو صار ماراح يعجبنا
و اي اتوقع راح نسبب عجز بالـ” ميزانيه ”
و صباح التحلطم 🙂
صلحنا بدليتج
الحمد لله وناس وايد تحمد ربها وإللي مايعجبه راتبين لا يستلم ويحولهم لي آنا أستقبل الرواتب الفايضه عن الحاجه
وآنا واااااثق إنها ماراح تسبب عجز
وصباح التعليقات المستعجله
وحياج الله
احمل حكومتك على سبعين محمل .. يمكن تبي تجوعك حتى تحس بالفقراء !
مو لي هالدرجه
بالنسبة لي….أخذ الراتب في وقته، أفضل من أخذ راتبين-بتأخير- في شهر.
الموظف في نهاية الشهر، مهما كان راتبه منخفضًا، فهو يشعر براحة كبيرة حال تسلمه راتبه في وقته المحدد، خصوصًا إذا كانت هناك إلتزامات مالية عليه.
المشكله ماكو راتبين
والمعاش يقولك وزير الماليه راح يتأخر
وحياك الله أخوي غانم
سوء تخطيط وسوء ادارة
من قبل المواطن قبل الحكومة
يعني العيد ياي في موعدة ماتاخر عيل ليش تقولون توهقنا وما عندنا فلوس وبعدين الرواتب عموما ما تنزل قبل 20الشهر فلما تتاخر الى 24 ما اعتقد ان بيحوشتا الفقر ليهالدرجة
الحكومة تبي تشوف منو المواطن اللي ماراح يتحلطم وتعطية الراتبين قبل العيد
؛)
عاد انت مو ويانا 🙂
سوء التخطيط مو من المواطن
سوء التخطيط من العيد ليش إيي نص الشهر،حبكت،يا ينطر شوي أو يستعيل شوي
وإذا الرواتب على التحلطم أنا أستاهل 4 معاشات مو أثنين
حياج ليوانا