T7l6m

عجّافه, للحرب تطق طبول
شعر وكلام للوطن هادم

تحسب بمباراة تهتف لجول
على مدرج تشجع مهاجم

الوطن محتاج صادق القول
بشور طيّب و بالحكمه يساهم

ما نبي يتدخل بالموضوع خبول
نبي نسمع العاقل الفاهم

الناس طلبها سهل ومعقول
نبي يبقى لنا الوطن سالم

في ناس تهدد ما يحول الحول
والناس خايفه من القادم

وتخوين كويتيين أبد مو مقبول
من يسويها يدور دراهم

شعب واحد مافيه إحنا وهذول
من يعتقد غير تراه واهم

عجَاف وكلك كلام بهلول
كلام واحد مو فاهم

حبنا لبوناصر فعل مو قول
من يعاديه للدستور والوطن ظالم

أحبها لو ما تحبني
أتقرب وهي تصدني
وإن تغزلت تدقرني
حبج يا حلوه ذبحني

صوته عن شوفته يغني
وشوفته عن الدنيا تغني
جماله خالد مايفني
وإن كلمته زفني

بحسنه وذوقه سحرني
وبجماله ورقته أسرني
أشكره حبه بهذلني
خلاني أمشي وأغني

نظرة عيونه تدودهني*
وكلمه منه تذوبني
أعطيه روحي إن طلبني
لكن هوايته يعذبني

إن تقربت منه طردني
وإن تشجّعت وزرته جحتني**

عقب مده صدها مللني
يأست منها وبطلت أغني
ماوعيت إلاعلى عشا عازمتني

طلْعت كثر ما أحبها تحبني
تقولي كلامك عني يطربني
وأن تقربت مني ترى تونسني

تثيقلت,قلت شلون تزعلني

قالت يالله عاااااد سامحني

وسامحتها غصبن علي

*تدودهني:تربكني
**جحتني:طردني

صاح يشكو “دنياي خراب”
لا يلذ لي أكل ولا شراب
يتردد في روحي نعق غراب
وأضحى طموحي كالسراب

فواريت آمالي في التراب

حاولت مواساته مدحته بخطاب

قلت أنت صلب في الصعاب
وأنت منارة تعلو القباب
شامخا بارزا فوق الضباب
حكيم رأيك قولك صواب

قلت ماخطبك؟ فأسرع بالجواب
رد كالمثخن بطعنات الحراب
كعجوز خلا من جذوة الشباب

أمس دعمت وسيارتي الحين بالسكراب

قلت:كل تبن خرعتني على بالي عندك سالفه

ريوق عند الدوّة جبن وزيتون
وصباح ألوان ومن الفرح فنون
وشارع يخلو من سائق مجنون
أو زفة تأتي من الحرم المصون

وأطباق فول بعبق رائحة الكمون
وأقداح ساخنة بشراب الينسون
وموظفة كاونتر تعلف صمون
لا تهاب نظرات كائنا من يكون

إنفض عن نفسك الهم والشجون
وأترك دخان السيجار والغليون
وصحصح إفتح آذانك و العيون
وإبحث فربما تجد في الكبت مليون

ولهنا على الغشمره والسوالف الحلوه
الله يقطع الجرايد كل يوم أخبارها بلوه
ولّا حاطتلك صورة حادث أوزير او العدوه
شنو خلصت الأخبار الزينه؟شدعوه

حولوا أخبار الجرايد بدال السياسه غرام
أو قولوا أخبار غريبه وقصص عن الأقزام
أو أخبار المجتمع فلان قعد وفلان قام
ملينا من بلاوي وفضايح عيال الحرام

أخبارهم لوعه مثل ويوهم تبن وخمام
مثل أول أكسيد الكربون غاز قاتل وسام
ذكي من هدّ الجرايد وعن أخبارها صام
من يقراها يحله بطنه وركضه الحمام

يا إخواني,يا خواتي ,يا إعزاء ,يا كرام
ما تحسون البلد في النهار صارت ظلام
وإذا شفتوا الهم بعين كويتي تراه ما ينلام
لا تلومون من ترك هم البلد قام يطير حمام