Archive for the ‘حلمنتيشي’ Category

Articles

إحتضار وردة

In حلمنتيشي on 16/05/2012 بواسطة t7l6m مصنف: , ,

في مجلس الأمة
وردة نمت
فيه تفتحت

لبثت برهة وإختفت

أحاطت بها الأشواك
جرحتها فإختنقت

أشواكنا
ببركة المجلس إزدهرت
بحرارة لغة إنحدرت
إنتعشت
بلعاب يتطاير إرتوت
أزهرت إشواكنا ونمت
وللتهديد والوعيد طربت

فإهتزت وربت

وزهرة ديمقراطيتنا
للأشواك إستسلمت
وتوارت
ووراء جنون المجلس إحتجبت

غيابها اسعد قلوب ضحكت
ودمعت أعين لغيابها وبكت

ضحك مَن مؤامرته نجحت
ولوعوده الجماهير هتفت

ألقى تهما فصدّقت
ولكذبة الجماهير إنتشت
وقرع طبول الفوضى فرقصت

ختاما أقول,
تبا لأمة بثوب الفرقة تسربلت

فتخلفت

Advertisements

Articles

الخطير

In حلمنتيشي on 05/03/2012 بواسطة t7l6m

أنا أقشر أنا قوي أنا خطير
بنفخه مني اللي جدامي يطير
أشرب ريدبول ما أحب العصير
أبيض مجسم شعري ناعم حرير
وفوق هذاحلو بالإعجاب جدير

ما أحب الكتب وما سمعت بجرير
وأصرف فلوسي ما أعرف التوفير
أسرع وأويل بالسياقه خبير *
ماأحترم شرطي لا مره ولا ريال كبير

ماداوم لي الضحى تسمع لي شخير
مايهمني المراقب ولا حتى المدير
وشفيها إذا غبت عن الدوام شيصير
لاني مسؤول عندي ختم ولاني سفير

ماكو مثلي مالي في الدنيا نظير
ماخاف من الموج والبحر الغزير
أسوق سيكل وبنشي وأركب حصان وبعير
وبالسباقات الأول أبد ما صرت الأخير

عجيبين الناس
كل هالمواصفات ويقولون عقلي صغير
ويقولون تراك بتموت وحداني فقير

Statuses

إعترافات سياسي

In أخلاقيات,حلمنتيشي on 03/03/2012 بواسطة t7l6m

يازينها زيناه السياسه
الله ياهي متعه وناسه
تصلح للي خالي راسه
سهله ماتحتاج دراسه
ولا مطلوب منك فراسه

يكفيك تعرف النحاسه
وألفاظك متروسه طفاسه
والسلوك موصوف بالنياسه
أقشر مشهور بالشراسه

وأبشر بعدها بالقداسه
بتصير مشهور بالكياسه
بعد ماكنت رمز للتياسه

يشتم ويحطون له حراسه
والسفله يتمسحون بمداسه
كل(ن) ماد إيده بقرطاسه

بذمكتم,مو سياستنا تعاسه؟

Articles

حبها إدمان وخطر

In حلمنتيشي,حب وغرام on 19/02/2012 بواسطة t7l6m

هلا با لقمر
هلا بالموت الحمر
هلا بالندى والمطر
هلا بأغلى البشر

فرقاك على البال ماخطر
بغيبتك الساعة صارت شهر
والدمع سال عالخد إنحدر
رثيت حبي وعاتبت القدر

نهاري حزن والليل سهر
الدنيا سوده كلها هم وكدر
لا كمبل يدفيني ولا حتى كفر
والروح ذابت والقلب إنعصر

سألت نفسي ليش حبي هجر
ليش تركني ليش فيني غدر
وإذا مخاصمني ليش فجر
ليش بإيده قبري حفر

وآنا اللي أعتبره عز وفخر

تمنيت قلبي جلمود حجر
تمنيتها بعيوني أجكر من صفر*
تمنيت أشوفها وحده من البقر
وأقول عنها شهالهيلق هالغجر

ماقدرت .من حبها قلبي إنصهر
حبها إدمان حبها عالصحه خطر
حبها حق مريض السكر قند وشكر
حبها وشم مايروح, بقلبي دب الدهر

شفته عقب غيبه قلت:
شوفتك خلت حياتي ورد وزهر
لا تفارقني أهديك روحي مهر
ضحك وقال بسرعه ما نطر:
“شخبارك ؟ولهت عليك يالغبر”

*وزير سابق وحالي.

Articles

الكويتي أنفع*

In حلمنتيشي on 09/02/2012 بواسطة t7l6m

الجسم من البرد إرتعش
بالقرب من الدوة إفترش
والكل إعتجل وهو إخترش
وقفوا لمرآه الكل إندهش

أونس من هلا فبراير و جرش
أطيب من ماء ورد في مرش
أنعم من جلد الحية و”الحنش”
ألذ من شربة ماء بعد عطش

من يزهو بنفسه أمامه إنكمش
والماس من الحياء سطحه إنخدش
والبيض بقربه تواضع حتى إنفقش
حبيب الكل من لايحبه حمار وجحش

روحي في هواه ذابت وقلبي إبتلش
والجسد المرهق حين رآه صحصح وإنتعش
يهرب منه السأم والملل منه طفش
إسمه على التراث بالدبس نقش

أحضروا الخبز المسمسم فقد وصل
الرهش

*ردا على أحمد شوقي في مدح حلويات لبنان:
قالوا اذا جبت البلاد محدثا
عن حلو بيروت لأفخر معمل

اثنان حدث بالحلاوة عنهما
ثغر الحبيب وطعم حلو البحصلي

Statuses

كلام هايف

In أخلاقيات,حلمنتيشي on 24/01/2012 بواسطة t7l6m مصنف:

هلا بالفرفشه وهلا بالكلام الهايف
مابي أتحلطم على جويهل أو هايف
مابي سياسه ومن المرشحين مو خايف
مابي أقول فلان تافه وفلان جايف

تبون الصجّ,صراحه زهقان وعايف

كلنا عندنا عيون وكلكم للوضع شايف
وكلنا نقرا ونسمع والكل يدري وعارف
كل شي عندنا يتردى وحال البلد واقف
خدمات لوعه من صحه لي تربيه ومعارف

والأكل فاسد منتهي الصلاحيه أو تالف
وسياستنا تقول حرب بس ناقصها قذايف

لاتلومون من سولف عن البوري ودياي نايف
وإذا وّصوه إنتخب فلان قال هيّن ميخالف

Articles

للعطلة أحكام

In حلمنتيشي on 12/01/2012 بواسطة t7l6m

ويك إند ونكد؟
مايرهم

الويك إند لازم وناسه وسعد
الويك إند حياتك فوضى هدد
لا يواعدك أحد ولا تعطي أحد وعد
بالويك إند لاتقول حق أحد”ويهد”

بالويك إند لايهمك من قام وقعد
ومن تكلم لا تسأل شقال وشقصد
ولاتسأل بالكره من قول ومنو إنفرد
ولاتكون من إللي بالسياسه إنقرد

بالويك إند حلاته غيم مطر ورعد
وقواري على الدوة إذا الجو برد
وسوالف أحلى من العسل والشهد
لا تصرخ على ياهل ولا تقول ياولد

بالويك إند إرتاح
إعتبر نفسك شايب من الدنيا زهد