إنتشرت ,بكثرة ,في الشوارع مؤخرا إعلانات وزارة الكهرباء والماء.الإعلانات كعادتها تدعونا كمواطنين ومقيمين لترشيد إستخداماتنا للمياه والكهرباء.شعار الحملة “إقتصد لتدوم”.أعتقد أن الوزارة كانت وايد ذربه بشعارها.المفترض أن الوزارة تلتزم بالشفافية وتكلمنا بصراحة وبشكل مباشر .وحينما يقترن الشعار بعبارات تمس الشخص المستهدف بالإعلان فسيكون لها تأثير فعال عليه وبالتالي تحقق الدعاية الهدف منها.
بإختصار,وبالعربي ,الإعلانات الحكومية تركز دائما على الشكليات لكن إذا تبون الدعاية تنجح لازم تكتبون كلام مباشر وصريح مثل:
– تخيل بعز الحر تنقطع عليك الكهربا,إقتصد لتدوم.
– إذا إنقطعت الكهربا تخيس الأغراض إللي بالفريزر,إقتصد لتدوم.
– سيدتي,بديل الغسالة يداك والطشت,إقتصد لتدوم.
– الحر بروحه ما ينبلع فما بالك إذا رافقته الظلمة,إقتصد لتدوم.
– هل تفضل غسل وجهك أم الحوش والرصيف,إقتصد لتدوم.
– شالفايده سيارتك نظيفه وعينك فيها قمص ,إقتصد لتدوم.
– ما ينفعك نائب ولا تنفعك واسطة إذا إنقطعت الكهربا,إقتصد لتدوم.
– تنكر,مكينة كهربا:أشياء لن تحتاجها إذا صرت آدمي.إقتصد لتدوم.
– إذا ما ودك تعيش حياة يدك ويدتك لا تلعب بالماي والكهربا.إقتصد لتدوم.
وأخيرا,
عن التبربس,إقتصد لتدوم.
T7l6m 
هههههههههههههههههههههه
صاج أهم شي إذا صرت آدمي ..
و المفروض تكون بكل اللغات و الأهم الخدم إلي الصبح ماسكه الهوز يعني اتغسل العتبه و العيون التلاقط على الشارع
و الموبايل بيدها و الهوز بالإيد الثانيه يهدر !!! قلبي يعورني كل ما امر واشوف هالمنظر الأثنين و الخميس مع الماي
الصليبي .. أقولهم حسوا يقولون لي صليبي !!! الحوش وغسلتوا الفريج كله يحوشه الرش اشماله !
تسلم ايدك على هالنص تحلطم 🙂
حيالله الجودي
يبتيها صح أهم شي إذا صار المستهلك آدمي
أما اللغات فغير مهمه لأن الخدم راح يستمرون بالموبايل والهوز بنفس الوقت
والآخرون لايسرفون إذا كانوا يدفعون الفواتير
لوووووووووووووول البوست عجيب ضحكت
حده والشي اللي يقهر الدول اللي أفقر بالنفط ما سوو هالحركة الغبيه وإذا يبونا نقتسط ونوفر شمالله يوزعون الكهربا حق الدول الثانيه يمين ويسار
الحمدلله عجبكم البوست
والدول الفقيرة بالنفط تأخذ أسعار الكهرباء من مواطنيها ومؤسساتها بأسعار عالية ونسب متصاعدة
بالتالي لا تحتاج إلى إعلانات تطلب فيها الإقتصاد عكس الكويت
حياكم الله