ضاع الحق محد يدله
إتهامات بدون أدله
لايردهم دين لا مله
كلن عنده سيف يسله
سياستناخربانه فيهابلوه وعله
لافرد يصلح فيها لا رهط لا ثله
من لا تحركه مصالحه يحركه غله
ودّك كل سياسي من شواربه إتله
يارب من كاد للكويت َتْدمره وتشله
الوضع صار تبن ودك تغيره كله
ودك الوزير يصير للعضو خله
يلقمه نخي والعضو يقشر له باجله
T7l6m 
يا مساء النخي و الباجلا في هاللاهوب و الغبار …
أكله مناسبه لنوابنا و وزرائنا علشان يحسون و يتحركون و يشوفون الديره ..
كل من صوته من راسه يتله .. ولا لهم شغل في الديره وين وصلت ولا رأي الناس فيهم …
عوده حميده و إن كانت قاسيه اشوي بس المهم رجعت 🙂
تحياتي
مساء النور والأجواء الصافية
ويا حيا الله الزميلة الواصله
اللي خلتنا نوقف كتابة بعد آخر تعليق لها
أكثر من موضوع كان في بالي أكتب عنه بس مع الأسف كلها موضوعات سياسية تلوع الجبد
وقررت ما أكتبها
فعلا محتاجين كلام مريح وخفيف في أجواءنا السياسية الملتهبة
وطقسنا المغبر
حياكم الله وبإذن الله الموضوعات القادمة خالية من ضغط الدم والسياسه
:)))
خوش نص يالزميل دمه حيل خفيف وييه على الجرح
حسبي الله ونعم الوكيل فيهم
حيالله الزين,
والله يالزميله زهقنا من السياسه
وحسبي الله على اللي كّرهنا بكل شي
والشرهه علينا إحنا اللي معطينهم ويه ومتابعين خرابيطهم
بإذن الله راح نحاول نخفف سياسه ونرجع لسابق عهدنا التدويني