Articles

طلبات رجل*

In قصص on 17/03/2012 by t7l6m

خرا.قربنا الخمسين و لي الحين لا مره ولا حماره.الواحد شبع من الدنيا و يتمنى يصير عنده ولد يشيل إسمه .المشكله وين تلقى إللي في بالك.طلباتي سهله لكن المشكله بالحريم.كل إللي أبيه حريتي وما طلبت زياده.
يعني أبي وحده ما تقول وينك؟وين رايح؟متى ترجع؟
ماتقول لا تسهر ,أو لا تروح الدوانيه ,أو لا تروح الشاليه أو البر ويا ربعك.ولا تقول ليش تسافر ويا ربعك وما تاخذني معاك.
ماتقول ودني,وييبني.
ماتقول إشترلي,وسو لي,وسفرني.
مابي وحده تناجرني ,وتحنّ على مخي.
مابيها كل ساعه تتصل علي,إذا أبي شي آنا أتصل.
مابيها كل ساعه تدز لي مسج وإذا ما رديت عليها تزعل.
صج نسيت ما أبيها تزعل وتبرطم,ما أبيها تتحلطم وإتقرطم.
إذا علقت عليها أو على لبسها أو تصرفاتها لا تسويها قصه.إذا كلامي زين إبتسمي وإذا مو زين طوفيها.
ما أبيها 24 ساعه على التيلفون أو هايته من سوق لي مجمع ومن عرس لي إستقبال,المناسبات ما تخلص.
وعلى طاري المناسبات مو يوم وترك تقول لي عندنا عرس فلانه تصيرلي ,أو إستقبال علانه صديقتي وأبي أشتري نفنوف يديد أو هديه.هدومج ترس الكبت شوفي لج نفنوف منهم,والهديه مسؤوليتج.
إذا قاعد أشوف مباراة يعني مندمج لا تزعجيني بالسوالف أو الأسئله.وياريت مرّه وحده تشجع نفس الفرق إللي أشجعهم لتجنب المشاكل والخلافات.
بعدين آنا ريال أبي إستقرار يعني المفروض أرجع البيت غداي جاهز وقبل لا أطلع دشداشتي وغترتي مكويين ناطريني ألبسهم.

شفتوا شلون طلباتي بسيطه.طبعا المواصفات الثانيه عاديه وماودي أتشرط يعني أبيها صغيره,حلوه,بيضه,طويله,رشيقه,أنيقه,متعلمه,خجوله,مؤدبه,مثقفه بس مو شرط تتكلم لغات.

*النسخة الذكورية لهمس إمرأة(البوست السابق).

Advertisements

2 تعليقان to “طلبات رجل*”

  1. من الاخر انت ما تبي كويتية !

    و لن ازيد!!!!!!!!!!!!!!!!!!!!!!!!!!!!!!!!!!!

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: