في الزمانات كنت أستغرب بالأفلام العربيه الطبيب يروح البيت حق المريض.طبعا كل كلامه كآبه والمريض يحتاج عمليه أو يطلب دوا غالي وأهله فقاره ما عندهم فلوس يشترونه,مو هذا موضوعنا.بذيج الأيام الخدمات اللي توصل لي عندك الجرايد والحليب وقلة من المدرسين الخصوصيين.تعجبت مره من واحد من الربع الجخ إييبون الحلاق يحلق لهم في البيت.
الحين ما شالله تاكل كل اللي تشتهيه في البيت والبركه بالسياكل والسيارات الدايهاتسو البيضه مالت المطاعم.حتى راعي الريجيم توصل له شركه الوجبات.وأكو شركه ما أدري شنو إسمها توصل كل الأغراض والماجله بدال لا تروح الجمعيه.الغريب حتى الأيسكريم والدونات يوصلونه لك بس قرقش مخباتك.
إستغربت من دعايات الوسيط ويعرفونها وايد حريم:(أي عمل ب 5 دنانير).لكن لا غرابة بعد أن أصبحت كل السلع يتم توصيلها للمنازل بل ولا تحتاج للذهاب إلى السوق فيمكنك الطلب بالهاتف أو الإنترنت.خدمات كثيرة أصبحت تصلك في منزلك:المستوصفات ترسل ممرضات لمرضى السكر كبار السن لحقنهم بالإنسولين,الوكالات القانونية ,العديد من المعاملات مثل إستلام بطاقاتك المصرفية ومعاملات الهجرة.ولا ننسى مندوبين الجمعيات الخيرية إللي تريح المتبرعين.
كل هذا ينبلع لكن اللي فتح الموضوع بذهني إعلان منتشر بالشوارع,تصوروا أن فحص النظر يتم الآن في المنزل ودون الحاجة لزيارة محل النظارات.
سؤال يتبادر للذهن ليش صار كل شي توصيل:رباده وكسل,أو تسويق شركات؟
T7l6m 
ليش تروح بعيد؟ الحين الأغلبية (إذا مو الكل) لي بغى يشرب ماي وهو قاعد بالصالة بالبيت .. ينادي الشغالة تجيب له قلاص الماي, مع إن المطبخ على بعد خطوات .. والبغل مافيه الا العافية وليما الحين ماحاشه لا روماتيزم ولا تيبس بالمفاصل 🙂
الشركات والمطاعم يستغلون كسل المواطن الكويتي.
قبل سنوات (تقريبا قبل سنة الألفين بشوي) كنت استغرب من واحد من الربع مايروح الفحص الفني لسيارته ويقطها على مكتب بالجمعية ياخذون منه السيارة ويخلصون المعاملة مقابل رسوم معينه
فعلا جزء كبير من الموضوع بسبب الكسل.
لكن هناك خدمات توفر على الناس الجهد
وتبعدهم عن الدوائر الحكومية سيئة الإدارة والتعامل مثل المرور
حياكم الله
بعد انت قلتها الربااااااااااااااادة
بس لو عزيمة و لا سفرة جان قام من عز نومه 🙂
الكسل والربادة راي كثير من الناس عن الموضوع
حياج الله أختي نورتينا
الأثنين …
ربادة من ناس .. و معايش لناس .. ولا هالأوادم إلي يدخلون الديرة من وين ياكلون ترى هالتوصيل فاتحه بيوت وايد منهم …
و بنفس الوقت زاحمين الدنيا … و حتى إلي على قولتك يعرفونهم الحريم .. هذوله لا رقابة صحية ولا شي تتعلم المهنه و تنطلق ماكو خساره على خبري الإعلان بالوسيط و إلي مثله ببلاش .. و الخسارة على العميل ما تدري شنو مدخل بيتك ..
الله يعين قلبج يا الكويت
صباح الخير
صباح النور
هلا بالجودي أم التعليقات المفصلة والمفيده
أنا أميل لرأيكم قد يكون السبب الكسل والنتيجة سوق يستغل هذا الكسل ويربح منه
لكن ذكرتي نقطه مهمه وهي الرقابة الغائبة عن بعض الخدمات
ولا أعتقد أن من يقدمها له خبرة فيها مثل المساج والحجامه
لكن يالله الجمهور عاوز كده وفيه ناس مستعده تدفع
حياج الله