عجّافه, للحرب تطق طبول
شعر وكلام للوطن هادم
تحسب بمباراة تهتف لجول
على مدرج تشجع مهاجم
الوطن محتاج صادق القول
بشور طيّب و بالحكمه يساهم
ما نبي يتدخل بالموضوع خبول
نبي نسمع العاقل الفاهم
الناس طلبها سهل ومعقول
نبي يبقى لنا الوطن سالم
في ناس تهدد ما يحول الحول
والناس خايفه من القادم
وتخوين كويتيين أبد مو مقبول
من يسويها يدور دراهم
شعب واحد مافيه إحنا وهذول
من يعتقد غير تراه واهم
عجَاف وكلك كلام بهلول
كلام واحد مو فاهم
حبنا لبوناصر فعل مو قول
من يعاديه للدستور والوطن ظالم
T7l6m 
الحمدلله على نعمة الكويت اللي ماكو مثلها، و صح لسانك.
تحيا الكويت عاش صباح
صح بدنك
والف الحمدلله
صح الساانك …
و الله صاج طلبنا مو صعب كل إلي نبيه وطن سالم
و الله مو صعب ولا غريب الطلب .. من غلاها نبي كل شي حلو و زين لها …
الله المستعان
و عساك على القوة
الله يقويج
وفعلا الناس بس تبي ترتاح وتحس بالطمأنينة
بالعربي نبي نهيع ما نبي أي شي ثاني
الله المستعان
وصح لسانك اخيي
…
صح بدنج
وحياج الله