أغنية تحمل شيء من الفكاهة والسخرية:
كلماتها كتبها الشاعر الكبير فهد بورسلي وهي وصف لحال الناس ومعاناتهم الشديدة عند شراء الماء ونقله لمنازلهم
طاق طاق طق طرباق طق طرباق على الماي
طاق طاق طق طرباق وين نولي يا مـــــولاي
شايبنا يمشي ويطيـــح نوبه يصوّت نوبه يصيـح
شَزْيَدْ من هذا التصريـح ؟ صــوَّت ولا لـه حمّـــاي
وعْجَيّزنا مثـل البطــه تشيــل القوطـي وتحطه
بذمّة من دبّــر هالخطة خلّى العـالم رايح جاي
شيل القوطي يبغـى حيل وين الحرمة ووين الشيل
كم مرة يدعمها التيـل وتْشَنْقِــــلْ مثل السبّاي
طاق وطرباق على الماي وين نولّــي يا مـــولاي
لن نتناول النقد للجهات الرسمية الوارد في القصيدة ولكن,حينما نتصور حجم المعاناة للحصول على الماء وشحه في الماضي القريب,بالمفهوم التاريخي للكلمة, وهو أمر يتذكره وعاصره أناس يعيشون بيننا حاليا,حينما نتصور مشقة الحصول على الماء نستغرب إسرافنا فيه حاليا.
ديروا بالكم على الماي.
همسه:
كانت امي الله يرحمها تقول”آنا غنيه وأحب الهديه”
والمثل صادق ومعبر.
ووصانا الرسول عليه الصلاة والسلام”تهادوا تحابوا”
فالهدية تزيد رصيد المحبة مهما كثر هذا الرصيد قبلها.
T7l6m 
الله يرحم الوالده و موتانا و موتاكم وموتى جميع المسلمين …
آمين
أنا بهديك دعاء صادق من القلب …
ربي يبارك لك في وقتك .. ويبارك لك في كل خطوة تمشيها ..
و يسدد خطاك بالتوفيق و يرزقك من حيث لا تعلم ولا تحتسب ..
اللهم آمين ..
إشرايك في هديتي ..
إجازة سعيده لك و للأسره الكريمه .. و للجميع ..
اللهم آمين
آمين ..أمين
آمين آمين يارب
عسى الله يتقبل دعائكم و شكرا لأفضل هدية في هالأيام المباركة
وبالمثل لكم بإذن الله
وتمنياتي لكم وللأهل جميعا بإجازة سعيدة وصيام عرفة مقبول
يامساء الورد والطماط والزرع حبيبي تري نسينا العمال بمزارع العبدلي حتي اهم عندهم اعمال شاقه زرع برد تحفر توصيل كلها اعمال شاقه ابي واحد مرتاح بالكويت مافيه كلمن يشتكي بس هم انقول هذي الكويت حبيبتي
هلا وغلا في بن الرويس
وصباح الورد والرويد
عمال العبدلي صج أعمالهم شاقه
الحمدلله الكل مرتاح بالكويت لكن المشكله الكل يشتكي بالكويت والسبب كثر الراحه
الله يخلي لنا حبيبة الكل الكويت ويحفظها