شلون تسبح بالبحر والدنيا غبار
شلون تبونا نتفاءل والعضو عيار
باع نفسه وضميره بدرهم ودينار
وخان الأمانه والبلد الغبي الحمار
الشرهه عليه والشرهه على الراشي
يحسب أنه بفلوسه كل شغله ماشي
ويظن أن كل الناس مثل ربعه دشاشي*
ودي أشوفه يتّكسّر على راسه الكاشي
حسبي الله على من نشر بالديره الفساد
خرّب علينا البلد, خربطها وضيّع العباد
خلى عضو الأمه مصلجي للدينار صياد
ماقام يراقب لا نفع ديرته ولا ناخبه فاد
تدهورت أوضاعنا والشعب ترسه هموم
ضيقوا خلوقنا خلونا عن التفاؤل نصوم
يا أهل الفساد والرشاوي فلوسكم زقوم
لا تفرحون ترى أي شي غير الصح مايدوم
*دشاشي:جمع دشي وهي الحمامة الدشيه.التي لا تلعب بالهواء.
T7l6m 
إذا تكسر على رأسه العنقيش زين …
تبي الكاشي وايد قويه بس الأماني مو غلط
…
وهم منا عينهم كلنا انصير دشاشي ههههههههههههههههه
عساك على القوة
الله يقويج أختي
ودي بالكاشي يطير على ذيك الروس
ولكن مثل ما قلتي الغلط غلطنا
بوعبدالرزاق اتهقي اكثر الدشاشي اي دائره
أكيد دائرتكم.