العسكر عندهم مقوله متكرره وهي “الخير يخص والشر يعم”
إللي ملاحظه إن المقوله تصير العكس إذا الشي لهم.
قبل جم يوم صدر قرار عفو بمناسبة العيد عن جميع المساجين العسكريين .وطبعا هالمساجين عسكريين كشتوا بدواماتهم جم شهر وبنص رمضان سلموا نفسهم وقعدوا أسبوع بالسجن والحين رجعوا دواماتهم ومشت معاشاتهم.ولهؤلاء العسكريين تحية خاصة مني لهم:عاشوا الشباب حاسبينها عدل.
اليوم حصّل العسكريين المتقاعدين,جيش وشرطه وحرس وطني ومطافي برتبةلواء وعميد وعقيد, من التحرير إلى 2004 على معاش إستثنائي أسوة بمن تقاعد بعد 2004 .عليهم بالعافيه وياريت كل المتقاعدين يعطونهم.
الآن نأتي إلى مربط الفرس,بجرايد اليوم خبر عن “مقدم متغيب منذ 18 شهراً ويتقاضى راتبه كاملا” طبعا البركة بزملاءه الساهرين على تنفيذ القانون .المقدم كان يتستر عليه زملاءه الضباط ويحضرونه في دفتر الأحوال .بالعربي يزورون توقيعه.
خوش ضباط ,وخوش إنضباط,وعاش الأمن.
ونعود إلى مقولتهم,ونتمنى أن يعم الشر على هؤلاء المزورين ونشوفهم بزنازين المساجين المزورين.
طبعا هالكلام يدخل في باب الأمنيات أو الأحلام الورديه لأن إللي سووا أكثر من جذي ما سوولهم شي.لكننا لا نقطع الأمل بالإصلاح,ولن نقول بالمشمش.
T7l6m 
أدا لقيت عسكري واحد، شكله صج عسكري اعشيك، و اذا لقيت شرطي بالشارع مو ماسك الاي فون و لا البلاك بري لك عشاء ثاني.
لو مو ضامن التوفير ما قلت هالكلام
وسالفة الآيفون والتوته السوده تنطبق حرفيا على معظم الموظفين
المشكله العسكر ماخذين كل المزايا وما يسوون شي