:الصيف ملل
::سافر
:ماعندي فلوس
::روح جم يوم شاليه
:الشاليهات راحت .شقاللولك ولد جخ ولا ولد عضو أو وزير
::يا أخي لازم ملك ,روح أجر بواحد من المنتزهات
:ماكو حجز وهم غالين
::زين خذلك شمسيه حطها على اليال وطب إسبح
:ربع الجيت سكي يخرعون ويزعجون
::شوف مكان مايروحون له أهل الجتات وإسبح على راحتك
:من صجك أسبح المايه تقول قاعد داخل بادية مرق
::أقول شرايك نسولف عن شي ثاني
:شنو تبي تسوي بعطلة الربيع؟
تحلطم …هالبوست يعور ..
صج تسبح جنك في بادية مرق ..حسبي الله عليهم
كل من تسبب بخراب البحر ماني رادتها عندهم حاريني
عساك على القوة .. وصاج غير الموضوع
كان الموضوع عالطاير
واقعي وقد يكون مؤلم
بادية المرق كان المقصود فيها حرارة ماي البحر
وحسبي الله على من خرّب البحر واللي ساكت عن الخراب والتلوث فيه
الله يقويج وغيرنا الموضوع
أعرف لك مكان زين وقريب ممشاة يوم بالسيارة بس وناسه جهز حالك ونا بمر آخذك .. لا تتوقع من بلادنا تسوى خير للمواطن ..لهالحين يعتبرون اجازات الصيف و السياحه بطر و مالها لزوم .. يالله بس يا زينها رحلات السفارى .. تحياااااااااااااااااتى لك .. وجهز حالك
الله يهديك يوم كامل بالسياره,مافي طياره
حياك الله وشكرا للدعوه
وإحنا جاهزين
تحلطم : مادرى لش طلع تعليقى عندك غير معرف ؟؟
قوس قزح
آنا إستانست قلت وحده حلوه بطلع معاها سافاري ههههههههههه
صراحه توقعت تكون إنت وإستغربت الغير معروف
حياك الله اخوي قوس وجاهزين للسافاري
هههههههههههههههه
عموما يا تحلطم لا تفقد الامل .. الباب لرحلة السفارى مفتوح و التسجيل لازال مستمر .. وارد و احتمال كبير ينضم للسفارى جنس لطيف
الموضوع عام و الدعوة مفتوحة للجنسين.. ههه
فى التعليقين السابقين انا نسيت اسجل معلوماتى تحت ..
ياخوى انت مسوى نموذج حق التعليق و كاننا داخلين مبنى ال CIA
تحياتى ومودتى لك
إحنا من عايله محافظه وبابا مع الماما علمونا عدم الإختلاط لي درجة نشرب الحليب ساده ونلحقه بالشاي
هههه
والنموذج والله مالي علاقه فيه كلها بركات وورد برس بس أعتقد يطلبون عنوان الموقع والأسم والبريد الألكتروني وهي نفس طلبات بلوقر تبعكم
حياك الله أخوي قوس أمتعتنا بالرحله