ودي أحطك بقلبي وأقفل عليك بمفتاح
خوفي وأنت بقلبي ماتكون مرتاح
إنت عسل إنت قيمر يابوخدود تفاح
شوفتك تقلب حياتي سعاده وأفراح
وتخليني مسرور في قمة الإنشكاح
ومن تغيب دقيقه قلبي عليك صاح
أحزن والألم يترس روحي جراح
فرقاك حساسيه تطّلع بويهي قراح
خلّيت قلبي بإيدك كركوشة مسباح
وعصرت قلبي لين الدم منه ساح
وخليتني أشكي همي حق مهدي وبداح
ماعطوني حل ولا حتي المغازلجي فلاح
كل الحلول تفشل ماشفنا معاك نجاح
تواعدني الليل وأنطرك والصبح لاح
وتعتذر تقول صك علي أخوي صلاح
وآنا أطوّف أعذارك ودّي بس ترتاح
وحتى من غير عذر لك مني السماح
آنا أتقرب وهجرك مصوّبه علي سلاح
لي متى حالي معاك همّ وزعل وأتراح
علّمني إذا ماتحبني همي وهمك ينزاح
T7l6m 
حرني صلاح لووووووووووووول
يا حلاة المزاج الرايق و الغزل العجيب بآخر الويك إند …
ولا شكيت لمهدي و بداح وفلاح وما عطوك حل …
مو منهم شكو شاكي لهم الحال .. الله يهديك نقي عدل p;
عساك على القوة أخوي …
واسمح لي تجاوبت و رديت بشكل حيل عفوي …
أتمنى لك ويك إند سعيد لك وللاسرة الكريمه ..
الحمدلله المزاج عال العال
بس هذي من اللي خاشهم في الكبت المدعو “مسودات”
أول بيتين حطيتهم بتويتر
مهدي وبداح كان معاهم جورج بس ماركب البيت وشلت جورج
قصدي شكي حق بدوي وعيمي ولبناني يعني ما خلا أحد ما شكى له
الهه يقويج يالجودي وبالعكس نبي التجاوب العفوي
وبإذن الله ويك إند سعيد ومفرح ومثمر لكم وللأهل جميعا
حياج الله وشكرا للمشاركه
رااائع .. بجد و الله روووعة ..
أحياناً أضجك من الكلمات وأحياناً أقول آآآآه .. كلماتك جت على المواجع .. حطيت أصبعك على الجرح كذا مره
وكل ما أقول البيت هذا أحلا .. يجى البيت لى وراه يغطى عليه ..
بجد و الله مدونتك صارت بالنسبة لى اكثر من متعه …
تحياتى وودى لك
والله الرائع بجد كلامك الجميل المشجع
تسلم أخوي قوس على الإطراء الكبير لنا
وإذا صارت مدونتي لكم متعة فإن تعليقاتكم أصبحت إدمان لنا
ننتظرها ونمتع أنفسنا بما تكتبونه من عبارات بالغة اللطف
أشكرك أخوي لمروركم ووقتكم وجرعة التشجيع المسماة تعليق
حياك الله دائما
عجيييييييييييييييب
هاهاهاهها الله يمتعك بالعفو والعافيه
استمتعت
كل الود
الله يسلمج دكتوره
ويمتعكم بواسع العفو وموفور العافيه
المتعة كانت بقراءة تعليقكم وإستمتاعكم بالبوست
حياج الله دائما
قلنالك بتلعب في لعب او بعد ماشفت شي
منو يلعب بمنو؟
اللي يحب ويلاقي الهجر والصد من حبيبته وإذا تغلت عليه لازم يتعب
مع أن الشاعر قال:
الصد والهجران ماهو بطبعي
حيالله روشستر ويوز