آنا هني وقلبي وروحي عنده
عديل الروح الحبيب الورده
إهي عسل إهي دبس إهي قنده
قلبي ذايب في هواها حدّه(1)
حَسين و لون الورد خده
وبالجمال مافي أحد قده
رقيق ,أقلام أنامل يدّه
على فرقاه مافينا شده
من أطلع أفكر بالرده
ولو بمدرسه أنطر الهدّه(2)
أموت ولا أجابس مع صده(3)
من رقته التمره عنده عرده(4)
ماتنبلع إلا مغموسه بهرده
يكفيني من الدنيا معاه حصير ومده(5)
ولو ماكو دنانير تكفيني معاه الخرده(6)
(1) حده:إلى آخر مداه.
(2)الهدّه:وقت الإنصراف من المدرسه
(3)أجابس:أقاوم
(4)عرده:صلبه,يابسه.
(5) مدّه:بساط
(6) الخرده:الفكّه,النقود المعدنيه
T7l6m 
صح السانك 🙂
و يا زينها تحلطم انا حبيتها الي التمرة عندها عرده … يا حليلها زبيييييده ..
الله يبارك لك و يهنيك
صح بدنج
تلومينه إذا تكفيه المده والخرده إذا إهي يمه
حياج الله
صح السانك
صح بدنج
حياكم الله وسامحونا على الكاربوهيدرات والسكريات اللي بالقصيده
انا في واحد ما اشتهي اشوف ويهه
اشوف ابليس ولا اشوف طرف خده
يلوع الجبد حديثه وهرجه
واسلوبه الي مثل يهال الهده
ومشيته تشبه عصيده بمله
وطلته جنها حصاله متروسه خرده
ومجلسه ما فيه فرفشه ولا بسمه
ولي غاب شوف الوناسه والفرحه
متى ارتاح يا المتحلطم من صاحبي وربعه
هدي و لا تصير عسر
ومن الزعل بتخسر
والحياة ماتسوى
بسك من القسوه
خلاص ياولد عمي
حجيك يزيد همي
إرتاح اليوم ولا تنطر باجر
والوناسه يمّك براس العاير
طول البال يامقهور
والدنيا على أمثاله تدور
خلك بالمحمر والصبور
والحداق والميرور
ياااااااااا سلاااااام
الله الله …
تحلطم ميت حب
مو شماته .. لا .. انا فرحااان لك كثير
الله يسعدك يارب
أنا أصلا ما عيش من غير حب
آنا حالة من الحب الدائم
أنا الحب متلبس بصورة بشر
آنا واثق إنك ميت من الضحك
الله يسعدك دائما
ويفرحك على طول
حياك الله يامشاغب
مروركم دائما يسعدنا
الله الله تحلطم
حبك جميل جدا 🙂
بالرغم من اني فقدت ثقتي بالحب
بس اشتقتله و انا قام اقرا حلمنتيشتك الرومانسيه
تسلم ايييدك استاذ تحلطم
هذا من ذوقكم
ولا شنو هالحب اللي فيه هرده وتمر وحصير
الله يسلمج أختي
حياج الله أسعدنا مروركم
وشكرا لإطراءكم
أنت تحب
فهمس الربيع عشقه للقلب
ولامست الروح أطراف الحب
وعانقت بعطفها اللحظات
طيور الهجرة عادت من رحيلها
واستلقت على القلب بثبات
ما أجمل الحب وما أجمل العودة
وحين تغدو الهمسات نبضات..
t7l6m
انساب منكَ الحب بجمال القلم
رائع هو الإحساس بالحب يجعل الأنامل أدوات عزف لأروع كلمات العشق لأميرتكـَ
وأنت أبدعتَ في عزفك
حروف جميلة همستها بعطر الليل
دمتَ بهذا الإبداع
أولا شكرا لمروركم
ثانيا :أصابعي,عفوا ,أناملي وبمؤازرة ذلك المستطيل المدعو بلوحة المفاتيح ,ومن وراءهم عقلي
عاجزون عن إيجاد الكلمات المناسبة للرد على كلماتكم العذبة وإطراءكم الرائع
ثالثا:أكرر شكري لكم لمروركم ووقتكم وكلماتكم المشجعة.وأقول لكم مرحبا بكم دائما .
شكرا أختي أسعدني ماقرأت وجعل صباحي مختلفا عن كل صباح:أكثر إشراقا.
أهااااااا
طلعت أنت الحب بنفسه يا تحلطم ..
إذا كان مقالتك السياسة بتسحرنا .. وتمتعنا
فمااا رأيك لو كتبت عن الحب …
جد أنت خطير ..
انا من بعد كاسة الكركدية صرت أزور مدونتك فى اليوم 7 مرات ههههههه
يبدو إننا رح نشوف أبداعات .. أقولك نصحية .. خلك من من وجع الراس حق السياسه .. تعال نخربط شوى فى الحب .. ههههههه
لك اجمل تحباتى .. من جوااا قلبى
والله ياقوس إني أقرأ كلامك وأضحك في نفس الوقت
ولا تاخذ كلامي إني أنا الحب بذاته جد كنت أمزح معاك ولّا أخوك علاقته بالحب مثل طاش ماطاش غشمره
والله ياخوك أنا من أتعب من السياسه أكتب حلمنتيشيات مره بالحب ومرات بأمور أخرى
ومرات نكتب كركديه و”قنفه”
وإذا ودّك تخربط بالحب ماعندي مانع أخربط معاك ,حاضرين
ولك مني أصدق وأخلص الدعوات بالتوفيق والنجاح والسعادة الأبديه
حياك الله أخوي قوس دائما تمتعني بكلماتك الأخوية الصادقه
يه يه يه….
وانا اقول
اللي مثلها من قده والله من قده..
🙂
واااايد عجبتني..
بس اكيد تكفيه معاها الخرده..!!!
؛)
هلا بأختي
تسلمين والحمدلله عجبتكم وحدتكم على التعليق
وسالفة الخرده لاتدققين وايد
أهم شي الكلمه راكبه
أما المضمون طوفي شوي