قال بوبدر من زمان ماقرينا لك قصيده
قلت عبالك شكر وطحين وتطلع عصيده
القصيده أصعب من 100 مقال بجريده
القصيده تشوف الأشياء بعين جديده
وتصير مشاعرك نار تشكل فيها حديده
قال أكتب خرابيطك ومن قال إنك تكتب شعر
سألته لو بلجنة تحكيم تعطي شعري صفر؟
قال ودّي بس أدري فيك حساس وأخاف تنتحر
قلت شدعوه مو لي هالدرجه بس أكيد أنقهر
قلت هالأيام راعي الخرابيط أهو إللي ينشهر
كل شي زين بهالزمن حتى الكلام قام ينحدر
الناس تغلط على الناس وماكو غلطان يعتذر
حطموا الأخلاق نشروا فساد وكل مبدأ ينكسر
وما يصح إلا الصحيح وبنشوف بعد الليل الفجر
وإن صبرنا عليكم اليوم باجر بيضيق منكم الصدر
وبنلاحقكم يا أهل الفساد بالسعف وغصون السدر
مايفكهّم منا أحد إذا القهر زاد ونفذ منا الصبر
وبتذكرون حكمه تقول الملاّس يطلّع إللي بالجدر
T7l6m 
نفس عميق … لما وصلت وبنشوف بعد الليل الفجر ..
و كان في بالي يا ليييييل ما اطولك …
وضحكه داهمتني لما تخيلت الشعب يركض ورى أهل الفساد بالسعف و الغصون السدر …
ترى الطقه تعور .. بالسعف
الله المستعان
شكرا لك تحلطم
بإذن الله الفجر قريب وحرام الكويت ماتاخذ مكانها بين دول القمه
وياريت ينطقون بالسعف
الله كريم وتفائلوا بالله خيرا تجدوه
الشكر لكم على المرور والمشاركه
وحياج الله يالجودي
اجمل مافي الحكاية ان الفجر قريب ..
صح لسانك اخوي … عصيده وايد حلوه 🙂
بس لو يجي هاليوم اللى نركض وراهم بالسعف و السدر
الله كريم
احترامي لك
لابد أن نؤمن بأن الحق إلى قيام الساعة
وأن نتفائل بأن الفساد والخطأ لا يدومان
وبإذن الله الفجر قريب
وسيعجل وصوله وعي الناس وحرصهم على الكويت
وآنا من الحين قاعد أتدرب على ذاك اليوم وإذا شفت أحد يركض بالممشى وماسك سعفه هذا تحلطم
الله كريم والله المستعان
حياكم الله وأسعدني مروركم ومشاركتكم وحبكم للعصيدة كذلك
صح لسانك تحلطم .. جد كانت عصيدة فى شكل قصيدة …وتعلمنا منها الكثير ..
وماشاء الله عليك عند القدرة الرائعة فى تطويع كلمات القصيدة لكى تحكى لنا طرح سياسى ناقد لاذع
بأسلوبك الراقى اللذى تعودناه …
أنت مبدع فى هذا المجال …
تحياتى لك
صح بدنك أخي العزيز
كلامك الطيب يعكس روحكم الطيبه وذوقكم
ما تقرأه مجرد خربشات تسمى مجازا قصيدة
أشكرك قوس على الكلام المشجع وتواصلكم الدائم
حياك الله .دايما تنور تحلطم وتسعده بمرورك ومشاركتك
وبنشوف بعد الليل الفجر ,والليل لو صار طويل اكيد من بعده صباح
فإن مع العسر يسراً,إن مع العسر يسرا
يا حلو التفاؤل
يا حلو العصيده وعليها بيض
آمين وبإذن الله مايطول الليل
صج نتحلطم لكن التفاؤل مانتخلى عنه أبدا أبدا
يحلوها خاصة بالبيض وبالشتا
حياج الله أختي فقدنا مشاركاتكم
في ناس يبيلهم طق على الراس بالملاس
علشان يصحى فيهم الاحساس
ويمشون مثل الاوادم وعيال الناس
وترتاح الناس من تصرفاتهم الي بلا اساس
والملاس احس علاج حق النسناس
الي منخش فوق الشجر ويحذف الناس
علا باله بهذي الطريقه يروض الافراس
يبيله تحذفه على سدره علشان يصير مثل القرطاس
اوتقله على عصيده وتخلي يصير معفس الراس
يمكن تتعدل افكاره ويدعولك الناس
قلنالك يالمقهور صكيت علينا تحلطما وتحلمنتشا
شرايك نفتحلك مدونه بفريجنا توسع فيها صدرك
وتزوع سمّك قصدي تطلع المواهب المخفية فيها
وتطق اللي ماعنده إحساس بالملاس
وتسويه مثل القرطاس ومعفس الراس
حياك يالمقهور وما عاش إللي يقهرك بس أشر عليه ونراويك فيه
شهيتني
ابي عصيدة
:$
صباح الخير
صباح النور
وصج العصيده لذيذه وتشوق مع البيض
حيا الله الزين وطلتّها علينا
روعه صح لسانك الله يعافي بو بدر اللي اثار القريحه
صح لسانج أختي
وشكرا على الإطراء
الله يسلم بوبدر وهو أحد أهم نقادي
بس هاليومين ماله نشاط مع المدونه
حياكم الله