Articles

لا تسافرون هالصيف

In عام on 09/06/2011 by t7l6m مصنف:

بدت العطلة الصيفيه لكثير من الناس اليوم وبدأ تفكيرهم أين وكيف يقضونها.أماكن السفر العربيه تقلصت بسبب الأوضاع السياسية والأمنية .
سوريا خارج الحسبه وهواة السفر إليها كثيرين.
مصر رغم تحسن الأوضاع فيها إلا أن عديدين سيتجنبون السفر إليها.
تونس ليست أفضل حالا كوجهة للسائح.
إنسى اليمن مع إنها مو سياحية إلا بالنسبة للأوروبيين.
أوروبا وأمريكا جوها حلو بس فيزتها ,كما يقال ,لوعة جبد.
شرق آسيا من تايلند وماليزيا وسنغافوره حر ورطوبه ما أدري شلون تصييف فيها الناس.
أمريكا الجنوبيه مثل البرازيل والأرجنتين عندهم شتا وخوش دول بس عيبها شوية إجرام وبعيده.
أستراليا أنظر أعلاه مع إستبدال الإجرام بالسكارى.
اليابان عندهم تسونامي.
سيلان والهند شتبي فيهم روح السوق يوم الأحد وجنك قاعد بالهند.
لبنان غاليه على غير معنى ويستغلون الخليجيين.
دبي والبحرين نفس الكويت شيوديك؟
والسعوديه ,بدون مكه والمدينه,همّ نفس الكويت.
المغرب تخاف منها الحريم,ما أدري ليش!
الأردن بتاكل وايد كنافه ومنسف وترجع متين.

يعني مالنا إلا الكويت الصيف فيها شحلاته:
الشوارع مافيها زحمه.
المولات زحمتها أخف.
المطاعم زباين أقل وبالتالي خدمة أفضل.
البحر يازينه(في الواقع يصبح مرق).
الوزارات خاليه والمسؤولين بإجازاتهم يعني ماكو مراجعات.
وفوق كل هذا تقدر تصرف فلوس التذاكر والفنادق إللي وفرتها على كثير من الخرابيط الترفيهية في بلدنا وكذلك لرشوة العيال وأم العيال.
ختاما ,رمضان السنه والسنوات القادمه بيخرب عليكم سفراتكم فتعودوا على الكويت من الحين.
وياريت مره وحده,تعتبرون نفسكم بأوروبا وتحترمون قوانين المرور وما تقطون قراطيس وفضلات وسجاير بالشوارع.

Advertisements

10 تعليقات to “لا تسافرون هالصيف”

  1. ** اللي يسافر بالصيف ملزووم اذا كان عنده مدارس و يهال غير إنا حفظنا الأفنيوز حتى اللي يبيعون فيه ، انا اصلا ما احب السفر و اتأزم إذا بسافر بس ودي بمكان في بحر أقدر اسبح فيه براحتي احنا ديرتنا تلرا حلوه بس للأسف محد مستانس و عايش فيها و مستغلها غير الأجانب

    صباح التيركي 🙂

    • صباح النور
      الله يهني إللي يسافر ويهني إللي قاعد
      وفعلا المطارات والحجوزات وتجهيزات السفر توتر الواحد خاصة إذا الكومباني معاه وايد
      وصج الكويت حلوه ومستمتعين فيها الأجانب أكثر منا

      حياج الله أسعدنا مروركم ومشاركتكم خاصة التيركي

  2. صبااااااا ح الخيراااات كلها
    والله انا ناطرة السفرة نطرة
    مليت من روتين الدوام
    و اذا ما سفرنا ..
    قعدنا اتحسف اخد اجازة
    و الاوادم يكافينا الشر نفسيات
    مادري اول مرة يصيفون بالكويت
    ولا الحرارة زايدة فالاعصاب زايدة
    🙂
    صباحك راحة بال و يوم خفيف طينة مثل البوست

    • صباح النورااات
      وإن شالله تستمتعين بالسفر وتكون كل أموره سهله
      نفسيات الأوادم جذي طول السنه بس تتمدد بالحراره إذا تجاوزت 45

      نورتينا يالنور وفقدنا طلّاتكم ومشاركاتكم الونيسه
      حياج الله دوم

  3. صباح الخير يا تحلطم
    كيف حالك اخيي .. من زمان عنك

    تبي رايي .. سفر الصيف ما يستهويني الا اذا كان المكان اللي رايح له مافيه كويتيين وخليجيين ابد
    تعودت اروح كاردف بالصيف ويااازين هدوءها وجوها الشتوي
    السنه اللي فاتت طاحوا عليها السعوديين
    استغفر الله .. وما ابي اجمع طبعا .. بس الأشكال اللي شفتهم قمه في الوقاحه وقلة الأدب
    وتالي هلوا الكويتيين .. مدري منو موصيهم على المكان
    السنه هونت وقلت اغير المكان .. وماراح اقوله اخاف اروح الاقي ربع الأفنيوز هناك

    🙂

    راح استمتع ببحر الكويت وغبارها
    والسفر قبل العيد بيومين كالعاده

    ومساؤك طيب يالزميل

    • مساء النور أختي
      فعلا مقصرين بالتعليق لكن متابعين

      ما دري شسالفة الكويتيين والخليجيين بتخريب أماكن السياحه
      الله يهديهم حتى ويلز ما عتقوها
      والله يازين الكويت صيفا وشتاءا ولو نبعد عنها جم يوم نشتاق حق كل شي فيها حتى غبارها يصير حلو على قلوبنا
      إن شالله صيف ممتع ومثمر
      و تمنيات بسفر آمن وعودة حميدة مقدما
      حياج الله أختي جدا سعيد لمروركم ومشاركتكم
      وحياج الله دائما

  4. صباح البراد الكويتي اللي يسحسح

    ديرتنا مو لنا فلازم نهج الى جهات غير معلومه…
    بالنسبه لي احب السفر اذا ردو الاوادم عن المغثه و التميلح…
    وشرق اسيا صج رطوبه مثل ماليزيا بس رطوبه تحتمل قبل لا يهبون الاخوه الخليجين
    صارت غته ما تنطب الحين ابد…
    بلادنا حلوه.. نحاول نستمتع ويهونها علينا…
    ليما يردون المهاجرون….

    يسعد اوقاتك

    • مساء الضباب والمطر الخفيف
      السفر حلو لكن زحمة الطيران ومشاكل الحجوزات
      وفعلا أحسن وقت بعد ردة الناس لكن مشكله حق إللي عندهم عيال بالمدارس
      والصيف يقزر خصوصا إن رمضان السنه السنين اليايه بيصير نص الصيف
      حياج الله أختي
      أسعدني مروركم ومشاركتكم

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: