المفروض يصير بالنواب وبالوزراء واللي مسوين نفسهم فاهمين نفس ماصار بسعد الفرج بدرب الزلق بعد ماعرفوا الحالة المالية للدوله.
دايما أقول الخير وايد والله يزيده.بالأرقام موجودات الدولة الصافيه أكثر من 81 مليار دينار يعني 295 مليار دولار.وهالموجودات تزيد عن موجودات السنه إللي طافت ب 5443 مليون دينار يعني زياده بحوالي 20 مليار دولار.
هالخير والزياده بالخير أتت بعد إنفاق كبير وزيادة رواتب الناس والكوادر ونفقات كثيرة تحلطم عليهاإقتصاديونا ومجموعة ستة وعشرونا,ومخضرمونا من كل التخصصات.والزياده جاءت رغم الإسراف و الهدر, والبوق, ونفقات رفاهية كبار المسؤولين.
المشكله أن مدعّي الحرص على المال العام عندما يتم الحديث عن مزايا للمواطنين قاموا يهددونا بالفقر.هؤلاء هم بلاعّو البيزه ومن أسميهم “اللذين يمنعون الماعون”. مشكلة هالناس إنهم خايفين الفلوس تخلص والخير ينقطع لأن تفكيرهم بدائي وينم عن جهل.هالناس تحسب بالأرقام وينسون شيء أهم من الأرقام بكثير.ينسون البركه وينسون رب العالمين الرزاق الوهاب إللي عطانا من خيراته وبارك لنا في رزقنا.نسوا إن في ناس تحمد الله على النعمه والحمد يزيد النعمه ويبارك فيها.نسوا إن في ناس إذا ياها الرزق تدعي للناس والمسؤولين وللشيخ بالتوفيق .نسوا إن فلوسنا وتبرعاتنا حق الدول الفقيره والشعوب المحتاجه ربنا يعوضها ويزيدنا خير فوق الخير إللي عندنا.
يا من تعتقدون إنكم إقتصاديين وتحسبون بالأرقام وتحطون سيناريوهات تهددونا فيها بالفقر ترى حسبتكم غلط.
وإخذوها مني الخير يايكم بس لاتنسون تحمدون ربكم وتشكرونه على النعمه علشان تدوم النعمه علينا.
T7l6m 
كلامك ابصم عليه بالعشر صح الصح بس الي
تتكلم عنهم هذول ناس طلابين شهرة ويبون يحسسونك انك
بدون خدماتهم وارائهم الفذة راح تخرب الدنيا
ويحل علينا الدمار والخراب
يزرعون الخوف فيك علشان تظل محتاج لهم
ويظلون في اماكنهم وكراسيهم
ما اقول الا الله يرد كيدهم عليهم وفعلا دوام النعم بالشكر .
شكرا للتأييد
وإذا كانوا الشباب طلّاب شهره فهم يطلبونها من الباب الخطأ
وأقول مالت عليهم وعلى خدماتهم ومحنا محتاجينهم
لا بدونهم الأمور أفضل
الله يهديهم ويزيدنا من فضله ويجعلنا من الشاكرين
حياكم الله وشكرا للمرور والمشاركه
اصبت كبد الحقيقة ومجموعة ٢٦ والاقتصاديين مستشاري الحكومة دائما وابداً معارضين اي زياده ليش لانهم بنعيم وامورهم فوق الزينة ويمنعون الماعون باي زيادة يامعود الالف والتموين المجاني هدية الامير الله يحفظة طلعم البعض وعارضوها مايدرون بعد المنحة البترول زاد وطلعم قيمة المنحة باسبوعين تدري شنهي المشكله الاسعار نار حتى تواير السيارات ارتفعت وحنا مازلنا نرجي زيادة الخمسين وبالعافية اخذناها والاثر الرجعي مابتوا فيه موو حق مكتسب وبالعداله والمساواه انها حق لي ولك ولغيرنا
ما أقول إلا الله يهدينا ويهديهم
المشكله أنهم يبنون توقعاتهم على إفتراض إنخفاض أسعار النفط في المستقبل
وهو إفتراض غبي وغبي جدا وأقترح على اللي مسوين نفسهم إقتصاديين يدخلون مواقع إدارة الطاقة الأمريكيه ووكالة الطاقة الدولية على النت ويقرون توقعات العرض والطلب على النفط قبل لا يفتون
ولا تحاتي الخمسين بسك
عموما مصادري تقول إنها راح تنزل بأثر رجعي شهر 7
ومبروك مقدما لك وللمقهور
حياك الله تعبني ردك
يسعد اوقاتك
اي و الله صدقت …. ربي يزيد من خيره للي يحمده
بس مقيوله الرزاق بالسما و الحاسد بالارض… بس يبون لهم ماتترس عينهم الا التراب ماراح ياخذون منها شيء
وربي يعطينا من خيره بس يصدووون عناااا و نلقى خير
صباح الرحمه و صد الحساد…:)
صباح النور والرحمه و صد الحساد
صج حساد وعينهم ضيجه وأنانيين
والله كلامج عدل ياريت يصدون عنا و يفكونا من قرقتهم الفاضيه
حياج الله أختي أسعدنا مروركم والمشاركه