في الزمانات قال مدرس الفيزيا “مشكلة العرب إنهم يعرفون كل شي”يقول لو تسأل بياع الخضره يسولف عن الرياضه والسياسه وعن الذره إذا مو عاجبكم(atom not corn).
في أمريكا المواطن ,وبحكم إنه يشتغل,علاقته بالسياسه منحصره بالضرائب وصارت موضه هالأيام متابعة المغامرات العاطفية والفضائح الجنسية للسياسيين.في الدول المتقدمة الناس إهتماماتها متخصصه.يعني مجموعات تهتم بالبيئة,أو التعليم أو الصحه أو بالسياسة.وحتى هذه الإختصاصات يمكن أن تصبح أكثر تحديدا مثلا بيئيا تلقى مجموعه تركز على الطاقه البديله,وبالتعليم تتخصص بعضها بالتعليم العالي وبعضها بتقديم مزايا للطلبه,وصحيا ناس تهتم بالأمراض الجايده وناس بالكحه والنشله,وبالسياسه سياسة داخلية أو معارضة للسياسة الخارجيه,وهكذا.
الوضع عندنا ليس بأفضل من باقي دول العالم الثالث.والكل يعرف كل شي.الطالب يتكلم بالقانون,والمهندس خبير في الطب,والبنجرجي يتكلم عن البيئه,والطبيب صار إقتصادي,وكل الناس صايرين سياسيين.
صراحه ما أحب السياسه,مع أني ممن يسمونهم متخصصين بها,وما أقرأ جرايدنا إلا فيما ندر ,وإذا قريت أطوّف الصفحات السياسية خاصة أخبار مجلسينا الموقرين:الأمة و الوزراء.
أمس إنكشف المستور وبان المستخبي وتبين لي ,وإن شالله لكم,بالدليل القاطع والبرهان الساطع إن كل شي عندنا غامض.الأعضاء أمس صوتوا شكل وقبلها مصوتين بالعكس,أعداء الأمس أصبحوا حبايب والحلفاء أصبحوا خصوم.الموالين أصبحوا معارضين والمعارضين أصبحوا حكوميين والطاسه ضايعه.
ما ألوم الناس إللي متابعه السياسه لأنهم مايثقون بأهل السياسه.
وشخصيا أعتقد أن العلة حكوميه لأن المجلس بيد الحكومه,ومشاكلنا صنيعة حكوميه,وتخلفنا بسبب الحكومه,وكل الموارد والخبرات والمستشارين والإمكانيات بيد الحكومه فهي بالتالي ملامة على كل شيء.
ختاما أقول ,لهواة السياسة ومحترفيها,لمن يمارسها ومن يسترزق منها
“إتقوا الله في بلدكم”.
T7l6m 
اصبت و اضم صوتي لك
“إتقوا الله في بلدكم”
تحياتي و أمانيي بغد أفضل لك و لهذه البلد
آمين يكون الغد أفضل
وإن شالله يخافون ربهم ويتقون الله في بلدهم
حياج الله أختي
وشكرا للتأييد
اتفق وياك في ان البلا من الحكومه ، لان المجلس لا يهش ولا ينش من سنتين وبعد السنتين اليايين ، ونرجع للحكومه وشوف التعيين في السنوات الاخيره كله بالواسطات ، علشان جذي لا خطة تنميه تمشي ولا خطة بوعلي ( منو بو علي ما ادري ) وما اقول الا الله يحفظ الديره من العابثين فيها واصحاب المصالح الضيجه ، ويفكنا من الناس الوصوليين الي وصلوا للمناصب بدون مجهود ( حتى دشاديشهم ما تعفست )
وسلامتك با الغالي
الله يسلمك
وماعندي بعد كلامك سوى التأييد
وضحكتني سالفة الدشاديش اللي ما تعفست
حياك الله يالحبيب
وسلامتك من القهر
متحلطم قواك الله وعانك
تصور وانا والله ماحب السياسة
واشعر بنرفزة لو تابعتها
حاصة تلك التي باتت مقرر
نقراه ونشوفه كل يوم
ماتعودنا من الزمانات اللي نشوفه الحين
شي غريب والناس بدت تاكل بعضها
الحقد والكراهية والبغضاء استشرت
بين اللحمة والشعب الواحد
وطبيعي ستتحول للبيوت
وحتى الاختلاف بالرأي السياسي
سيصيب البيت الواحد
ويفرق الأخوة بين مؤيد ومعارض
ارى مستقبل واقرى جاسوسية تبدأ
من البيت وتلك مصيبة
وفتنـة كنا لا نعرفها ولكن الواقع فرضها
وجاءت تتنقل بحكم استراتيجية الجغرافيا
وما تتناقله الاخبار
خوفنا من عاقبة الامور والله المستعان
الحين البورصة همي والله مو السياسة هههههه
يعني بيزاتنا راحت نفيش
اشتبي تقول , لكل شي سبب
اعاننا وياك متحلطم ويعطيك الصحة
^
^
^
شايب مزيون
الله يعطيك الصحه والعافيه يالمزيون
الله يكافينا شر المشاكل والبلاوي ويحفظ بلدنا ويرد كيد الكائدين إلى نحورهم
الحال من بعضه والفلوس من نفيش رجعت ذره
وإن شالله تستعدل البورصه
حياك الله أخوي
وإن شالله مؤشر البورصه كل يوم خضر
اي و الله …
ربي يهديهم و ينور بصيرتهم قول امين …
مو يقولك عط الخباز خبزه لو اكل نصه
و اهني الله خير كل من يخبز خبز محروق و ينفالهم فاهمين
اللهم آمين ويهدينا وياهم
رضينا الخباز ياكل نص الخبز
المشكله ربعنا ما يخبزون ويبيعون الطحين
حياج الله أختي
أسعدنا مروركم ومشاركتكم