T7l6m

ياللي ورا البنات ,ركضه تقول جلب مهدود
الأدب زين وترى الناس,صبرها له حدود
لا تفتكر نفسك قوي, عنتر زمانك ولّا نمرود
لا تغتر بنفسك ولا تعتقد, أن حضرتك فرهود*

الناس مايغرها شكل,عندها أمثالك تافه ومقرود
الناس تحشم راعي الأدب,وقلته عندك بزياده وصعود
ما ينفع الريال غير أخلاقه,ما ينفعه المال والنقود
المجالس ما تحشمك,عند الرجال بالدواوين مطرود

تجذب على البنات تسويلهم الدنيا جنه تفرشها ورود
لو إهي جيكره تصفن,تقول سبب لي جمالج شرود
وتمدح كل ما فيها تقول,يازين وجنتك لو ماعندها خدود
يازين صمتج وكلامج,وأنفاسج أحلى من دهن العود

وتقول لهم كلام مصفف,وتوعدهم ولا توفي الوعود
كلامك كله كلك ودجل, أصْدق منه وعد بلفور لليهود
إن حصّلت إللي تبيه منها,ماتلقى منك غير الجحود
ماتجاوب على مكالماتها,و على رسايلها ماكو ردود

يا بنات لا يقصون عليكم ,المغازلجي عند الذكيه مصيود
مايغرها كلامه والهدايا,ومايهمها مراسيله والوفود
العقل زينة البنت وتاجها,والأدب والأخلاق تسود
لا تعطون المغازلجي ويه,وخلّوا طريجه لكم مسدود

*فرهود:الحسن الممتلىء وولد الاسد والفرهود الغليظ السمين