Statuses

الأغلبية الماصخه

In أخلاقيات on 22/05/2011 by t7l6m مصنف: , , , ,

الأمريكان عندهم مثل يقولون فيه don’t shit where you eat
“لا تتخلص من فضلاتك البشرية في المكان الذي تأكل فيه”
يعني لا تخرّي حيثما تأكل
أو لا تبربس بالمكان اللي إييك منه الرزق
ماودي الوّع جبودكم وأترجمها بالكويتي لكن أعتقد المثل واضح و مو محتاج شرح أكثر
تذكرت هالمثل بعد هوشة النواب,وقلت اللي مسوين نفسهم فاهمين وعقلاء وممثلين للشعب هذي سوالفهم وهم أول ناس ي shit في البلد
الكويت ماوراها الا الخير وعلشان إحنا كويتيين,ومو علشان أي سبب ثاني, عايشين بخير وعز
لكن إذا كل واحد قال كيفي أو قال مالي شغل ترى قاعد يسويها بالمكان اللي ياكل منه
فياريت كل كويتي يتأمل هالمثل ويطبقه علشان يحافظ على الرزق وما يسوّي سواة النواب
و ياريت النواب يحترمون البلد ويحترمون وظيفتهم ويحترمون الناس اللي نجحتهم بالإنتخابات
ياريت الوزراء يحترمون النعمه اللي هم فيها
ياريت الموظف يقدر النعمه ويشتغل ويحلل معاشه
ياريت اللي يسوق سيارته يحس إنه إذا ما إحترم القانون معناته إنه مايحترم بلده
ياريت الشرطي يطبق القانون
والمدرس يدرّس والطالب يدرس عدل وربة الأسره تدير بالها على عيالها والزوج ما يصيع والزوجه ما تهيت بالمجمعات وتنشغل بالإستقبالات
ياريت السياسي يكون أمين والصحفي يراعي مصلحة البلد والقاضي يحكم بالعدل والأعلامي يكون موضوعي
ياريت المهندس يهندس والمحاسب يحسب عدل والطبيب يعالج والممرض يشتغل وموظف الإستقبال يستقبل ما ينحاش

لا تعتقدون أن الحل بالحكومه أو بالنواب أو بالمسؤولين,الحل بإيدكم إنتوا
لازم تقولون إللي عندكم وتنتقدون وتطالبون بالإصلاح وتصرخون بويه النائب أو الوزير إذا تيّس ,لازم تعترضون وقت الإعتراض وتأيدون وقت التأييد ولازم ما تقص عليكم الجرايد ولا توجهكم التلفزيونات البايخه الدايخه,لازم يكون لكم راي و تفرضون رايكم.
تدرون شنو المشكله؟
المشكله إن النواب والحكومه يعتقدون إنكم يهال ماعندكم راي وما تعرفون مصلحتكم.وإذا إنتو سكتوا يعني كلامهم صح!
ياريت المواطن يصير آدمي والأغلبية الصامته تصير أغلبيه ناقده ونشطه
وإذا الكل قال مالي شغل أقول الله يعين البلد ويحفظها.

Advertisements

4 تعليقات to “الأغلبية الماصخه”

  1. كل يا ليت بالمقال لها مدلولها
    بس يا ليت انت بعد ما تبطي علينا مرة ثانية
    والحمد لله انك بخير وعافية – وعمر الشقي بقي.
    تقبل تحياتي ومروري

    • إن شالله ما أبطي عليكم مره ثانيه
      بس تحملوا خابيط تطلع لكم بالنص

      وعمر الأشقى أبقى
      حياك الله يالحبيب نورتنا

  2. إييييييه…
    المواطن السنع اللي ماتهمه المصالح أهو اللي ساكت وحاشم نفسه وقانع باللي إييه من الله
    بس صج لازم لنا من وقفه والا إحنا اللي بناكلها تالي

    تسلم وخوش موضوع

    • الوقفه مطلوبه علشان لا يعتقد أحد أن الكويتيين راضين عن الغلط
      ومع الأسف في من يعتقد أن السكوت رضا بالغلط
      (على فكره بإذن الله في قصه قصيره قريبا جدا عن إسقاطات السكوت عن الغلط)
      الله يسلمج أختي
      حياج الله يالليوان أسعدنا مروركم والمشاركه

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: