Statuses

وزارات خضره وميوه

In أخلاقيات, إقتصاد on 08/05/2011 by t7l6m

الوزارات والهيئات والجهات الحكومية و الخاصة ,أيضا,في الكويت تتشابه مع أنواع الخضروات والفواكه في بعض المواصفات والخصائص,
– مجلس الأمه = البقل:المجلس والبقل مايصير إيون بالحبه(العود) لازم بالشدّه(ربطه).
-الإدارة الحكوميه = البصله: تأتي في طبقات الطبقة العليا ناشفه ومانها فايده ومغطيه على الطبقات المفيدة والطازجه
– التربيه = القرع : شكلها حلو ولونها حلو وفاضيه من داخل .المدارس شكلها حلو والتعليم خرطي
-وزارة الصحه = الرقيه :شكلها من بره واحد لكن النتيجه مو مضمونه(مره بيضه مره حمره)
-البنوك =الجريب فروت: تستهلك سعرات حرارية لهضمها أكثر من السعرات الموجودة فيها .والبنوك تاخذ منك أكثر من ماتعطيك.
– الأعلام = التبغ :دخان وايد ,يزيد ضربات القلب ويرفع الضغط, يزعج اللي حواليك وكله مضره.
-العدل(القضاء)=المنجا:حتى لو ماتاكل همب لازم تقول عنه كلام زين وتمدحه.
-هيئة الإستثمار = الملفوف: متضخمه ,كل ما تشيل ورقه تلقى تحتها ورقه ثانيه,تعمّر وماتخترب بسرعه,وإستخداماته بالطبخ قليله.
الهيئه فلوسها وايد ,والله يزيد ويبارك تزيد يوميا,إستثمارات بكل العالم,مسؤولينها يعمرون ومايبون يهدونها,وما شفنا شي من إستثماراتها في الكويت.
-الجيش = الباجلا :ناشف,غامق,ومايستوي إلا بالحرارة وضغط البخار
– المطافي = برتقال زعتري :أحمر ومتروس ماي
-البيئه=الثوم: إذا حمتّ الأوضاع فاحت ريحته.مايطلع دورها إلا بعد مصيبه.
– الموظف الحكومي مع المراجع = الصبار :ناشف من بره,لين من داخل,حامض.
– الصندوق الكويتي للتنميه = الهيل:ريحته حلوه,نكهته حلوه,غالي,ما ينزرع بالكويت.
-البلديه والأشغال= الأناناس: كبيره ,وكلها حفر من بره,لازم تشيل إللي فوق علشان تستفيد منها ,وإللي بالنص يابس وما منه فايده.
-البنك المركزي = الفاكهة الإستوائيه:ماتعرف إسمها,غاليه,وماتدري شنو فايدتها,وتتدلع على باجي الفواكه.
-مؤسسة البترول= الجزر: ربعها يعصرونها وياكلونها نيه ومطبوخه ,ويحطونها بالسلطه إذا مو عاجبكم.
-كونا = البمبر: شجرة محليه,تثمر بالصيف ,و بالداخل مادة مخاطيه.
-مجلس الوزراء = التمره:حلوه ,وتحتفظ بخصائصها لمدة طويلة.
-الهيئة العامة للصناعة = الخس الأمريكي: الأسم يوحي بأنه حقيقي,مالها الفوائد الغذائية للخس العادي.
-بنك التسليف =النخله:تاكل منها خلال,ورطب ,وتمر .البنك يوزع قروض زواج وبنيان,وترميم.
– البورصه =الطماط :كل يوم السعر نازل وصاعد وماتدري ليش.

Advertisements

4 تعليقات to “وزارات خضره وميوه”

  1. صدقت مجلس الأمه و البقل في بينهم تشابه كبير نوعا ما ..

    مسى الوزارة الجديده و توقع غير المتوقع 😉

    • ماشوف شي يديد بالوزاره اليديده
      مادري ليش إستقالت الحكومه وقعدنا حول الشهرين راحه وإستجمام
      حياج الله أختي ولا تقرين البوست الياي متروس مقثه

  2. لووول بدعت 🙂
    بس خوووش بوست ماشي مع الوضع الحالي :p

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

%d مدونون معجبون بهذه: