قاعد ويّا الربع . دشّ علينا واحد بليّه وقعد يقول إنه يحب,وآنا إستلمته:
جاءنا يشكو الصبابة , كم هو مِن العشق عليل
نظرت لم أصدق نفسي , رأيته هائلاً كالفيل
قلت :أتمازحنا أم تكذب ؟,بل ربما تكون هبيل
قالوا :يوز ياتحلطم ,وأرحم من كان بالحب قتيل
قلت من صجكم ؟, بذمتكم مو أمتن من خليل*
من بالصبابة ينحل والهزال على العاشق دليل
قال : مذ فارقت خلّي أصبح الزاد سلواي والخليل
قلت من يفارق خلّه , لن يقبل سواه بديل
وبديلك مثل وجهك,ربما حلوى ورهش ودرابيل
ألا تعلم أن المحب يزهد الزاد ,ويكتفي منه بالقليل
فالجوع صنو العشق ,وكل من في الصبابة هزيل
تراه طول يومه متعبا ,منهك القوى خائرا كليل
الحب والعشق والهوى قمم ,عظيم أمرهم جليل
شعور لايمكن وصفه ,ليس له بين المشاعر مثيل
يغير في طبائع المرء وأخلاقه ,يحيل الفاسد نبيل
و إن ساد الود بين الأحبة ,كانت الرمضاء ظل ظليل
العشق يا صاح “مو غشمره” ,والحب بقدر ما يؤلم جميل
قال مغاضبا وقد ساءه قولي , لك مِني الشكر الجزيل
إتهمتني زورا بأني لا أهوى ,و بمشاعر الحب بخيل
قلت لا تبكي يا أخي ,فصوتك أضحى كالصهيل**
معاذ الله أتّهمك بالبخل,إنما أنت على الحب دخيل
أخطأت حين شكوت , لمن له في العشق باع طويل
العشق يا صاحبي فتّاك , وطأه على القلب ثقيل
أسأل من عانى صبابته ,و ذاب هياما بفتّان كحيل
ربما هكذا عشق جيلكم, لستم كعشاق ذاك الرعيل
عشقهم يسمو بأرواحهم,عشقكم ليس من هذا القبيل
نهض غاضبا “خزّني”متمتما بسباب ,وهو يهمّ بالرحيل
قلت :خلوه يولّي هذا “مغازلجي” ,ما هُوَ بعاشق أصيل
*خليل:بويوسف الله يزيده صحه وعافيه ,ياكل عن ثلاثه ويروح الحمام عن عشره.
**الصهيل:صوت الحصان
T7l6m 
لووووول بدعت فيه يا متحلطم ,اسمع اغاني هالجيل علشان تعرف حبهم شلون صاير
حب take away
القصيدة عجيبة صح السانك 🙂
أشوه طلع يستاهل الزفّه
شكرا على الإطراء وصح بدنج
حياكم الله
صح لسانك
بس ليش جذي
مسكين يعني يسوي رجيم علشان يثبت لك إن متأثر
كسر خاطري لوووول
بس وين منت قاص علينا ..
نبي قصة من له في العشق باع طويل
نبي نعرف إشلون عانى صبابة …
و ذاب هياما بفتّان كحيل
صح بدنج
لا يسوي رجيم بس مايقول من هدتني حبيبتي طحت بالرهش والدرابيل
والقصه عباله وعوار راس
توني مخلص من قصه وقاعد آخذ نقاهة إستعدادا للقصة القادمة بإذن الله
بس القصه مو رومانسيه,لحد الآن
حياج الله أختي أسعدني مروركم ومشاركتكم
وييييييه فقير..
يعني يمكن التفخه من الغدد
🙂
بعدين في ناس من الحره والقهر تمتن…
كسرت مياديف الريال..
وأضم صوتي للجودي..
نبي قصه..
لا إن شالله ما كسّرنا مياديف أحد السالفه كلها من الخيال
وصج في ناس يطلعون حرّتهم بالأكل
وبإذن الله في قصه بالطريج بس يبيلها شوية وقت
تسلمين إختي على المرور والمشاركه
مساء الحب والسرور
صاج يا تحلطم في ناس وايد من ضيقة الخلق يحطون حرتهم بالاكل و يستمتعون لما يتلذذون بالاكل و يطلعون من جو الكآبه شوي
ياتحلطم اذا صج هالسالفه حرام عليك لازم تراضيه او وده على حسابك حق فوزيه دريع ولا لدكتور ايوب اشكناني مادري ما اعرف دكاتره هذيل انشوفهم بالتلفزيون 😉
لان اهم شي الصحه السمنه تأثر على القلب من صج و عليه لا يصير فيه شي عشق من صوب و متن من الصوب الثاني الله يعينه وو يحفظه و ينسيه معشوقته إذا شفته قوله تبي تنساها تخيل انها ماتت و روحها مو موجوده بهالدنيا ومع الوقت بينساها و كل ما حس بحزن يقرا قرآن والله يشرح قلبه انشالله
أنا اقول ان العشق زمان اول و الحين نفس المشاعر ما تغيرت حب روميو و جوليت وعبله وعنتر و قيس وليلى و حب المتين صاحبكم لحبيبته
انا اكتشفت هالشي من كلمات الاغاني و الشعراء إلي حبوا مرو بكل مشاعر و احاسيس الحب الحقيقيه أكيد مو تقليد لان الحب شعور غريب له مشاعرو أحاسيس خاصه
حتى لو حب مغازل صح بدايته غلط و جذبه كبيره بس مع الوقت والعشره يمكن يكبر ويصير صج
ويا ربي كل انسان يحب من قلبه ينال محبوبه والبطه رفيجكم بعد إذا صج الله يسعده ويضعفه على صحه من غير شر
و عسى أيامنا كلها حب وفرح و كل زوج و زوجه نسوا العشق تجدد عندهم هالمشاعر من حب وشوق و وله وحنان وعشق و سعاده 😉
و شكرا
مساء النور
والسالفه مو صج كلها من الخيال
والحب الصادق ما يتغير مع الزمن إهي صعقه كهربائيه تفتّر القلب وتخلي المخ ما يشتغل
اللهم آمين
وشكرا لمروركم والمشاركه
حياكم الله
هههههه و عليا حرام عليك ليش حبطته
يمكن كان امتن و ضعف من الحب p:
بس الصراحه معاك حق عشاق هالجيل كلش مو خوووش
يعطيييك العافيه 🙂
مافي إحباط للمتان إن شالله
وفي خلاف على هالنقطه ناس تقول نفس رأيج
وناس تقول العشق مايتغير مع الزمن
الله يعافيج ومنورنا مروركم