بن أدم مايشبع وكثر ماعنده هم يبي زياده
والرسول عليه الصلاة والسلام قال (بما معناه) أن البني آدم لو عنده وادي من ذهب لطلب آخر.
شياب الطاري؟
آنا أول أقول أبي مليون (KD مو تقولون ليره ولا دينار عراقي أو جزائري ولا حتي دولار .يورو يمكن)
وعلى الرغم من أني ” ألفونير” و لم أصبح مليونير حتى الآن إلا إني غيرت رأيي ,لأن المليون طلع مايكفي!
رحت ويا العيال ومسز تحلطم دبي بعد إبتعاد إختياري عنها لسنوات لسبب بسيط:غاليه بدون معنى ومافيها غير المولات(أتكلم عن نفسي وربما يجد فيها آخرون مالا أبحث عنه).
بحكم أني ليس من رواد الأسواق والمولات في الكويت,وبحكم القوي على الضعيف ,تسكعت كثيرا وشفت العجب بمولات دبي,وقررت أن إللي عنده مليون مسكين ماتكفيه لا وما تسويله شي.
في فندق أتلانتس مريت على فترينة محل”بولغاري”وبحكم أني من زبائن هذه الماركه(أشتري كلونيا بولغاري بلو) شدني الفضول لرؤية المعروضات الأخرى .شفت طقم ألماس من كثر ماهو حلو ويبرق عرفت سر عشق النساء للماس طلع سعره 4 ملايين درهم إماراتي يعني ثلاثمية ألف دينار وشوية فكه(على قولة المصريين) يعني مليون دولار .
رحت مول دبي(سوري قصدي دوباي موول) صراحه بذخ من الرأس إلى أخمص القدم وأتكلم عن المبنى ولم أدخل في تفاصيل المعروضات.إذا إنحرفت يسارا من المدخل الرئيسي تقابلك محلات المجوهرات والساعات.كانت الفترينات تعج بأطقم المجوهرات والألماس الجميله والتي تفقد النساء توازنهن وبالأحرى عقولهن أو مايتبقى منها.أنا متأكد من أشكال الأطقم وأسماء المحلات وحجم الأحجار(الكريمة بنت الكريم)ونقاءها أن أسعارها لاتبتعد كثيرا عن سعر طقم البولغاري,طبعا مو مكتوب السعر عليها,شقالولك تي شيرت.
خلصنا من المجوهرات ,ومريت صدفه(وقسما بالله بدون قصد)على محل كارتيير ولا عارضين ساعة مكتب ,يعني ساعه تحطها على الطاوله مو تعلقها عالطوفه,شكلها قطعه فنية منحوته .
مو مهم الشكل,المهم السعر إللي حاطينه عليها (201,000)درهم يعني خمستعش الف دينار و خرده.
شفت موبايلات ماركة تاج هوير,خبري فيهم يصنعون ساعات,طلعوا يصنعون موبايلات يدويا لا وبسويسرا وفي نفس الفترينه موبايلات نسيت ماركاتهم بس أشكالهم تخرّع وبالتالي أسعارهم أيضا.
المهم ,خرجنا من المول حاملين ماخف وزنه وثمنه معا.اليهال خموا شغلات من محل (hershey’s) وفيه ألعاب وإكسسوارات منزلية تحاكي مصنوعات الشركة من الكاكاو( باردون قصدي جوكلت)
العبره طلع المليون مايكفي للي يبي يشتري كل إللي يعجبه
وصدق المثل القائل “إللي ماعندوش ما يلزموش”
والحمدلله ماني مديون حق أحد
وعسى الله يرزقنا وياكم الصحة والعافيه والستر
ويالله راضين بمليون.
T7l6m 
والله رحت السوق قبل يومين بييب لي شغلة حق الجامعة شفت تأثير الالف بصراحة بالناس قاع تخم الآكو والماكو واختي منهم بصراحة .. حلات الواحد يخشها نفس بعض الناس :q
http://6amoo7a.blogspot.com/2011/03/blog-post.html
قاعدين نقول المليون مايكفي
بس الحمدلله كله نعمه من رب العالمين
حياج الله أخت طموحه
بني ادم ما يملي عينه الا الترااااااااااااب
لوووووول
صح
وأكيد
وهذي حقيقه
حيا الله أهل الإمارات
الله يجعل المليون بايدك ويبعده عن قلبك
بصراحة تحلطم ومع خالص الود والاحترام لكل دول الخليج.. انا غير مكة والمدينة ما افكر ازور ولا ديرة خليجية .. ما يفرقون عن الكويت.. التغيير لازم يشمل الجو والقارة بكبرها .. ومثل ما قلت ما نبي مول ولا نعسكر بالاوتيل ٢٤ ساعة واذا بنغير رحنا نشوف فندق ثاني
جزاج الله خير على هالدعاء الحلو واللهم آمين
والله كلامج صح وماشفتي قلت إنقطاع إختياري بس حنة اليهال وسكتناهم
وخلصنا من جدول رحلات الألفيه الثالثه معاهم
حيالله جندل
وعلى فكره دبي فيها تغيير جو لبست صيفي
المثل يقول إن عشقت اعشق قمر و ان سرقت اسرق جمل
دلالة على عدم القبول إلا بأفضل الأشياء حلو
و في مثل كويتي يقول إلا عطاهم بالجدر يعطينا بالملاس و هالمثل مليق أنا ما أحبه
يعني أنا طالبة و طالبة ليش ما اطلب جدر كامل ليش أطلب الملاس ليش ما أطلب جدر ولا صفرية على قولتهم لوووول يعني الواحد يطلب من رب العالمين مو من أحد ..
بس بالنهاية أقولك القناعه كنز لا ينفع P;
المهم ترى السفر و المشترى سبحان الله له حد ولا أنا أحس جذي يعني لما تزيد سفراتك تحس بفتور من المشترى و اشوي اشوي يمكن توصل للملل يعني ما يفرق معاك !!و الغالي و الرخيص نفس الشي المهم الذوق و يكون عاجبك المهم الوناسه و تغيير الجو
و الحمد لله على السلامه لك و لمدام تحلطم و الأنجال الله يحفظهم
الله يسلمج
والله كله نعمه من رب العالمين
والفلوس إبتلاء
وتخيلي قصة عمر بن عبدالعزيز وشوفي شلون تقشف بعد الكشخه والعز
ومن ناحية مشترى السفر لاتوصين الحمدلله ماقصرنا
من ناحيتي مو من ربع الأسواق وبالسفر ما أدش السوق إلا إذا موصيني على شي
حلاة السفر ديره مافيها اسواق بس بحر ولا جبل يعني براد ولا ماي
حياج الله يالجودي والقناعة كنز ينفع وايد
صاج والله
الي ماعندوش مايلزموش
الحمد لله علي الصحة والعافية
واذا حصلك المليون بعد لاتقول لا
شتسوي بعد قزر فيها 😉
طقم للمدام وموبايل سويسري لك
الحمدلله على الصحه والعافيه ونعيم من رب العالمين
وعلشانكم بس إذا ياني المليون ماراح اقوله لا
ينفع
حياكم الله وشكرا لمروركم
الحمدلله على السلامةوقرة عينك
السفر شي حلو بس بدون الأهل والعيال
حلات السفر شباب وبعيد عن التمدن
لان اللي بطالع التمدن ما راح يكفيه حتى المليار
الله يسلمك وقرت عينك فيني يالحبيب
وشدراك شلون صاير السفر مع اليهال
وسفر الشباب حق الشباب لكن رب الأسره حلاتي مايقدر يسويها
وصدقني المليار يكفي
بس أهو يجي
حياك الله يالقاطع ماياب راسك إلا موضوع دبي
لوووووووووول
استغربت من ردك و لما راجعت إلي أنا كاتبته ضحكت
ترى قصدي القناعه كنز لا يفنى لووووووووووول مو لا ينفع سوري اطلعت لا ينفع من تأثري بالحجي إلي كتبته فوق 🙂
أول التعليق كان زين وفعلا الواحد يدعو بأفضل مايريد
الرسول عليه الصلاة والسلام قال إذا سألتم الجنة فسألوا الفردوس الأعلى
بس صراحه فاجأتيني بسالفة القناعه كنز لا ينفع
قلت مو معقوله
شكرا على الإيضاح
شحادك تروح دبي اذا انت تقول انا فقير مسكين روح دولة على قدك وخل هالدول حق اهلها ، ابي اقدملك نصيحتين اما تروح مصر احلى وارخص او تروح المباركيه بالكويت وراح تستانس اكثر ولا تنسى اذا رحت المباركيه تاخذلك قحافي من محلنا
من قالك آنا فقير ومن شكى
يعني لازم أشتري طقم بمليون دولار ولا أطلع فقير
مصر حلوه والمباركيه برضه مش بطاله بس قلنا نغير
وعلى طاري القحافي شرايك تييبلنا درزن
ولا تسوي دعايه حق رفيجك المقهور أكثر منك
حياك الله
صااااج المليون ما يكفي موووول يخلص بدقيقة
بس عاااد من كلشي نبيه ناخذه
يعني البليونير شلون يمع فلوسه
قصر على عمره جم سنه عقبها الله فتحها
يالله يرزقك مو مليون ملايين
بس تطرش على كل وحدة وواحد من البلوقرز نصيبة
كفاية الدعوة
🙂
جزاج الله خير على الدعاء الطيب
وإن شاء الله إذا يت الملايين ماراح أنسى البلوقرز
بالدعاء
حيالله النور منورتنا بمروركم
مادري اعلق عالمليون
والا على دبي..
🙂
مارحت لها ولا افكر اروح
واوافق جندل في تغيير القارة بكبرها
بس المليون..
ماني بحاجته ولله الفضل والمنه
بس ها…اذا ياني ماني رادته..
؛)
الحمد لله عالسلامه
الله يسلمج
ونستيني يوم قلتي إنج مو بحاجة المليون
قلت أدز رقم حسابي
الله يهديج مسرع ماقلتي ماني رادته
الله يرزقنا وياكم الصحة والعافيه وصلاح العيال
وإذا يانا جم مليون مانردهم ونقول الحمدلله
أنا معاك المليون مايكفي مو علشان الشغلات اللي ذكرتها .. صج كلن في قلبه شقى الليله .. انا افكر المليون لو بأخذه وابي اشتريلي قطعة ارض بمنطقة “زينه” مو “زوينه” بتكلفني أقل شي 250 ألف اذا على شارع واحد!! اذا ابيها زاوية مو أقل من نص مليون! واذا ييت أبنيها بتخلص كل فلوسي على البنيان :((( صج المليون ما تكفي p;
شفتي
قايل لكم المليون ما يسوي شي
عسى الله يرزقج بيت أحلامج وفوقه مليون
إن شالله يكفي الأثاث
حياج إنجنيرا اسعدنا مرورج
الله بالجنة تحصل احسن من المليوون
الله يجمعنا وياك في الجنه
أحلى تعليق من اللي فاقدينه
حياك الله
منور تحلطم ومدونته
منور الجريدة
http://alwatan.kuwait.tt/ArticleDetails.aspx?Id=93317
شكرا يالنور
ودي أكون متواضع وأقول الجريده منوره بكتابها وصحفيينها
بس مضطر أقول إني أأيدج
وإن شالله نبشرج بمليونج
تسلمين