T7l6m

نحاسه

In عام on 14/02/2011 by t7l6m

18 تعليق to “نحاسه”

1. 
   متابع جيد 14/02/2011 عند 2:16 م | رد

   الله يهنيك ويردك بالسلامة لعملك ولازم بهالفترة(اجازتك) نستغلك احسن استغلال ونطالبك بإنك إتحلطم اكثر واكثر حتى تعم الفايدة جميع متابعينك خصوصا بعدما صرت مشهور ومدونتك طلع اسمها بالجرايد (مشكور ع الكرت)

   • 
     t7l6m 14/02/2011 عند 2:49 م | رد

     جزاك الله خير
     ومشكور فضحتنا وطلعتني أشمت بزملاء العمل وأحّرهم (وهذا شبه واقع)
     لكن الزمن دوار وآخرتها راجعين للدوام وبناخذ كرتنا
     حياك الله وبإذن الله راح نزيد جرعة التحلطم
     شكرا للمتابعة والتواصل والتشجيع

2. 
   احمد محمدي 14/02/2011 عند 3:50 م | رد

   ذكرتني ايام الدراسة , كان في واحد عليه دور ثاني وايامها كنا بعز الشتا
   فكنت اق عليه نص الليل واقولة شنو شعورك وانت رايح الامتحان بهل برد وانا نايم وعلى بطانيتين ؟
   طبعا مالة داعي اقولك الاجابة !

   واجازة ممتعة وتوفيق دائم بكل الصحف

   وشكرا

   • 
     t7l6m 14/02/2011 عند 4:11 م | رد

     يعني طلعت نحيس مثلي
     دوام ممتع لك وإستيقاظا مبكرا بعد إلقاء البطانيتين في صباحاتنا الباردة
     شكرا لكلامك الطيب ومشاركتك الجميله
     وحياك الله دائما

3. 
   الجودي 14/02/2011 عند 4:57 م | رد

   وناسه القبس مبرووووك طلع التحلطم وايد أحسن P;

   تدري شنو اهم دعاء افتقده في الإجازة

   اللهم بارك لي في وقتي .. ادعيه الصبح علشان اخلص و اوصل بسرعه و كله متأخره

   أما في الإجازة اتباصر أشوف شنو أمانيي و شنو أبي و ادعي ربي براحه مو ملحوقة و اتمتع

   يا حلات الإجازة .. الله يهنيك و يبارك لك فيها 🙂

   تدري تحلطم أنا ماخذه إجازة أول إجازة طويلة في حياتي أول مره أخذ إجازة من هالنوع بدون لا أي التزامات إجازة بمعنى الإجازة و الكسل

   • 
     t7l6m 14/02/2011 عند 8:01 م | رد

     الله يبارك فيج
     وصج الناس مستانسه على التحلطم أكثر
     أنا أفقد”إن شالله ماتشب حمره”والحمدلله الإشارات ماشيه معاي
     وحا تؤليلي عن حلاة الإجازه
     آنا من كثر الراحه ولله الحمد قعدت أطفّر ربع الدوام
     الله يهنينا وياج بإجازاتنا ويبارك لنا فيها
     وعاش الكسل,المؤقت
     حياج الله يالجودي دوم منوره مدونتي

4. 
   chandal 14/02/2011 عند 8:33 م | رد

   عليك بالعافية الاجازة بنحاستها

   حتى بالاجازة اكون متشاغبة واحس وراي شي.. واذا قعدت متأخر صكني راسي!

   على طاري الزحمة.. انصح باكاونت تويتر يقزر عليك الزحمه… قام يضيق خلقي اذا شبت الاشارة خضرة

   وتستاهل الطيب تحلطم

   • 
     t7l6m 15/02/2011 عند 7:22 ص | رد

     الله يعافيج
     والمفروض الإجازه ريلاكسايشن وفوضوايشن
     عندي أكاونت بس بالزحمه الواحد يالله ولبه يتحلطم ويداحر إللي يبي يلف عليه
     تستاهلين العافيه
     حياج الله نورتينا

5. 
   homeealone 15/02/2011 عند 1:16 ص | رد

   فعلا احلي شعور
   و كنت اسبوعين اجازه و نمت و نمت و نمت
   بس الحين دواام
   😦

   • 
     t7l6m 15/02/2011 عند 7:25 ص | رد

     مع الأسف الحلو مايكمل
     والدوام ورانا ورانا
     من حظهم المدرسين بين عطله وعطله ،عطله
     ونايمين بالعطله وبالعام الدراسي

6. 
   BookMark 15/02/2011 عند 1:29 ص | رد

   ليش النحاسة؟
   وترى جذي تخلي العين عليك
   ديربالك

   لا يبه عليك بالعافية
   والفال لنا نعطل ونتنيحس 🙂

   • 
     t7l6m 15/02/2011 عند 7:28 ص | رد

     تصدقين وأنا أكتب خايف يعطوني عين بس الله الحافظ
     والموضوع طفاره أكثر منه نحاسه
     الله يعافيج وإن شالله تعطلون وترتاحون وتستانسون وما تنيحسون

7. 
   Hamad Bu-Khadhour 15/02/2011 عند 10:25 ص | رد

   اولا مبروك الخبر في القبس ، رغم قناعتي التامة بانك لست بحاجة لذلك.
   ثانيا ان الاختصار لم يكن مخلا بل مخللا.
   ثالثا اخر و اهم الثورات في العالم (المصرية)، استمدت الكثير من قوتها من الشبكة العنكبوتية ، القصد خل عنك القبس.

   • 
     t7l6m 15/02/2011 عند 1:36 م | رد

     اولا الله يبارك فيك وأخجلتني بقناعتك وتفختني بالتامه
     ثانيا فعلا الإختصار كان مخللا وطرشيا كذلك
     ثالثا رغم أهمية النت فالصحافة مهمة أيضا ودعاية بلاش ماتضر
     حياك الله وفقدنا تعليقاتك من فتره ,لا تباعد

8. 
   قوس قزح 15/02/2011 عند 11:35 م | رد

   الإجازة مهمه جداً و الأهم منها الويك اند .. ليس فقط الجسم يحتاج للكسل و الراحة و لكن العقل .. اعجبنى البوست … تحيااتى لك

   • 
     t7l6m 16/02/2011 عند 12:45 ص | رد

     فعلا كل إجازه مهمه للجسم وقبلها للأعصاب والعقل
     أسعدني جدا أن البوست نال إعجابك
     شكرا للكلام الطيب وحياك الله دائما

9. 
   المقهور 16/02/2011 عند 8:34 ص | رد

   يا كره الدوام اذا ما شفت ويهك الجميل
   ويا كره الدوام اذا شفت ويه قثيث
   ويا كره الدوام اذا طلبك الوكيل
   ويا كره الدوام اذا حاشك ازدحام طويل
   ويا كره الدوام اذا تريقت ريوق ثقيل

   • 
     t7l6m 16/02/2011 عند 11:48 ص | رد

     يازين الدوام ومسؤولينك بره
     ويازين الدوام بدون فلسفه تسبب الحره
     ويازين الدوام تشوف ربعك كل مره
     وياكره الدوام إذا مسؤولك بو عره
     ياكرهه إذا ماعنده من العقل ذره
     ودك تشوته وتقوله برررررررره
     لا تباعد وطلع مواهبك بالتعليقات
     توى مانورت مدونتنا بطلّتك علينا