يُروى أنه في مكان ما في هذا البلد الطيب رآى شاب وسيم أنثى ظاهرة السمنه ،
فألقى على مسامعها تعليق ثقيل يفوق وزنها ثقلا,
فردت عليها بحكمة وهدوء رغم أن من يسمع كلامه يظن أنها
“بايقه حلال أبوه وبيطلّع فيها حرّته”
وهذا وصف لما جرى:
مسكين من له الظاهر والأشكال , من كلامه تعرف شكثر ناقصه حكمته
مايدري المليانه فكاهة و إحساس , إللي يبي الجوهر يلقى فيها ضالته
إللي يشتريها تبيع له الدنيا والناس , وتصير نعم الزوجه جنها عبدته
وتسويله يا دهينه لا تنكتين , وتقضي يومها كله بخدمته
تباشره ماتقصر عليه ، تحوفه وتخليه يشوف الجنه بدنييته
وتشاركه همومه وتحس فيه ، تحرص على فلوسه وتراعي حالته
تصبحه بإبتسامة وتلقمه ريوقه ، تكويله هدومه وتعدل غترته
وإن رد من دوامه غداه جاهز ، نحرص على راحته كثر معدته
الوفا فينا طبع ومن يبادلنا الوفا , نحط قلوبنا وأرواحنا براحته
الناس معادن قلوب وأرواح , جاهل غشيم إللي الشكل نقْوتَه
العمر مايدوم كيف الأشكال ، من عنده قذله اليوم يبجي باجر صلعته
ويتحسر على جسم كان بشبابه مشدود, ومع العمر إتهدّل كرشته
راعي المظاهر ما يعرف القلوب، مسكين مو حاس شكبر عقدته
لي كبر يحس بقيمة الروح ,يندم إختار الشكل إذا مرته زفّته
وتذبحه بطلبات التجميل وشد الخدود ، وإذا ما صلع تعايره بكشّته
وتبهدله جدام الخدم والهنود , لا تحشمه ولا تقدر عشرته
قال حقيقه فاجأ الكلام مغرور ، وعن المتان غير فكرته
أعذري سفيه خربط بالكلام , وسمع رد(ن) وافيه حجّته
غيّر رايه وخطته بالزواج , ما يبي إلا متينه تكون زوجته
عجبتيني يابنيّه وذوبني الكلام ، وين بيتكم دلّيني سكٌته
إلتفتت عطته مقفّاها و مشت , تركته ماردت عليه وهدته
وكانت متينه ثانيه تسمع الحوار , إستانست من شافت صدمته
وقالت بصوت مسموع بشماته : زين تسوي فيه ,يستاهل قللللللعته
وسلامتكم ,,,,,,,,
T7l6m 
ممممممم
خوش م طره اليوم ربي يديمها …
السمنة مضرة بالصحة بس بعد هو غلطان شكو يتحرش ويعلق على البنت يستااااااهل قلعته:)
اللهم آمين
أقولج شافها مليانه قال فرصه أتطنز
وقلعته
حياج يالجودي
اي والله قلعته 🙂
شفتي شلون,صج قلعته
بس مو تقرينها حق مسؤولتج إذا متينه
ولا أقولج إقريها
وسلمي عالوالد
ههههههههههه
صح لسانه…:)
يعطيك العافيه
صح بدنك
الله يعافيج
ههههههههههههههههه
جك جك جك ججكك جك جكك> اصفق لك صراحه 🙂
صح لسانك وتعييش ..
المتان صج دمهم خفيف و نيسين ..
يعطيك العافيه شاعرنا .. ماشاء الله عليك دوم مبدع متميز 🙂
قواك الله 🙂
لا داعي
مشكوره على الكلام الطيب والتصفيق
الله يعافيج وهذا بعض مما عندكم
حياج الله
يا سلام عليك يا تحلطم ، على العموم صدقت بالفعل اكثر المتانية دمهم خفيف.
اما بالنسبة للزواج ، سمعت وايد عن البنات و أوصافهم و تربيتهم و اصلهم و فصلهم ، و الحقيقة ان البنت مثل الرقية ما تعرفها الا عقب الزواج ( و هذا ينطبق على الرجال كذلك) !
مبدع كالعادة .
مو لي هالدرجه سويتنا رقي كلنا ذكورا وإناثا
لكن الزواج توافيج من رب العالمين
مشكور على كلامك المشجع
حياك الله ولا توقف تعليقات
دبدوبه حكيمه 🙂
ياهلا ويامرحبا
يا حيا الله إنجنيرتنا فقدناج من مده طويله
الحمدلله على العودة التدوينيه وبإنتظار إبداعاتج
منورتنا
صح الــســـانك
صح بدنك
:))
صح لسانك
بس ترى هالمواصفات ممكن تكن بالعصله بعد
صح بدنج
وما في شك هالمواصفات مو محصوره بالمتينه
,غذا الله عطانا عمر نكتب عن العصله
ليش لأ
حياج الله
ههههههههه
اي والله قلعته..
بس هذي قصيدة نبطيه والا نباطيه
🙂
يلا متى قصة بق بق جدام ؟؟
سلمج الله هذا النوع من القصائد يندرج ضمن المدرسة الشعرية التحلطميه
وبق بق جدام قريبا جدا إن شالله لأن وايد طلبات عليها
حياج الله يالليوان
اولا اوولا كل هذا الدبدوبة عيل ليش يقولون عني نفسية ولسان طويل دام الدبدوبة مرحة وونيسة؟
ماعندهم سالفه
صراحة كل وحدة متينة دمها شربات وكل عصقولة وييييييييييع دمها ثقيل
صح لسانك
صح بدنج
بس مانقدر نعمم