العجّافه والمصلحجيه وايد يلمعون ناس ماتستاهل
وتخيلت هالموقف مع واحد داش مكان ويتفلسف
ويعتقد إنه أحسن من الناس بحكم فلوسه ,أو منصبه ,أو واسطاته:
وخروا عنه ,وسعوا له ياكم المواطن المثالي
قلت ماني موخر آنا مواطن وحاله حالي
قال واحد إنت مجنون ولا شارب إللي فبالي
قلت ماني سكران, ماهمني صاحبكم و فيه ما أبالي
شافني قال إنت المواطن إللي حاط حالك حالي
شكلك فقير منتّف رصيدك مثل جيبك خالي
ويا سيارتك القرمبع لو تبيعها ماتييب قيمة موبايلي
يبا لا تطالعني ,ما قالولك آنا غيرك آنا المواطن المثالي
البيبان كلها إتّفتح لي والطريج جدامي خالي
ومن الفلوس كثر ما أبي أغرف, ومال الدوله مالي
ومن البنات أطب وأتخير من ميرفت لي سالي
شفيك آنا واصل وياي إتحدّاني ,حقيقه إنك بطّالي
قلت بسّك عن الربربه, أعيد وأقولك حالك حالي
آنا مواطن هالبلد ,أهل البحر والباديه عمامي وخوالي
آنا بذراعي أشتغل ما بقت ,وبتعب يمّعت حلالي
ماعندي واسطه مثلك ,وماني مثلك بطّالي
أموت على هالبلد وعلى حب الوطن مربي عيالي
قال ماحب هالحجججججي. ماحب الكلام الخيالي
قلت شنو إنت, لا ثقافه لا فكر راسك قوطي خالي
إنت فلس ماتسوي وما أحطك نقطه بمقالي
إنت لو ما البوق ماتقدر تشتري صمونة مقالي**
قال يوز عن كلام عيال الفقاره,شرايك أضمك ويا عمّالي؟
قلت له جب إحترم نفسك ,فلوسك ماتشتريني آنا مواطن غالي
قال ما أحبك ,أكره هالنماين . وإنت وأمثالك تحت نعالي
إنقهرت قلتله تخسي ,وسويت شي مايطري على بالي
ماترددت ,بسرعه فصخت الجوتي .قطّعت على راسه ال BALI*
*BALI شاريه مع درزن دلاقات على التسهيلات
وما خلصت أقساطه للحين.
**بطاط وبيديان وزهر.
ترى الموضوع خيالي مو تسألون عسى ماتعورت, ولّا عسى ما رحت المخفر ,ولّا منو كفلك.
T7l6m 
هههه مشالله مبدع مبدع تحلطم 🙂
اي و الله مشكله يسمون هالبواوقه و اللي ما عندهم ضمير ” مواطن مثالي ”
و اللي قلبه على الكويت مبتلي بهالامراض من الحره على اللي قام يصير بالديره
و اهما عايشين حياتهم بس مثل ما قلت حسافه على الجوتي ،،
تسلم ايدك
الله يسلمج بوكيه ومنورتنا بالزياره
مانبي نعلق على المغثه بالويك إند
أهم شي عجبكم وضحكم وإستانستوا على تقطع الجوتي
حياج الله
خربتها معاه على الآخر
وصلت لي جب و عقب بالي الغالي
بدعت تحلطم و صمونة المقالي و التوضيح إلي عليها كان عجيب وايد كيفت عليه D:
<<<<< ما تبينا انسوي مدونة تحلطم 2 و إنت كل يوم والثاني منزل نص
صار مخامط Pp;
اتمنى لك ويك إند سعيد وهادي لك و لآهلك 🙂
الحمدلله عجبكم وعوض ملاقة بوست الصبح
وبعدين الله يهديج مافي مجال للمقارنة
شياب روائع الجودي لى خرابيط تحلطم
إحنا نركب كلمات وإنتي ماشالله تصيغين مشاعر وأحاسيس بكلمات
ويك إند قمة في السعادة وذروة في المتعة لك ولمن أحببت وللقراء كافة
منورتنا آز يوشوال
تصدق شو احب هل اشكال غرامي اتمتع بمسخرتهم ادورهم بطق عصي بس لمة ارد ذكرني اقولك سالف صايرتلي مع واحد من هل اشكال ماتنقال السالفة طويلة واللة المستعان
آنا عكسك ما أحبهم ولا أحب القعده معاهم
خوفك كلمه من هاللطيف وكلمه من ذاك اللطيف وتصير القصيده حقيقه
الله يردكم بالسلامه ونسمع السالفه وإن شالله نكتب عنها شي
سبحانه المستعان
الاخ العزيز تحلطم ، كما تعلم فاني متابع لكل ما تكتب و افضل مواضيع القطوة (ما ادري اذا هي قدوة و لا وحدة فرفورة و انت تقول قطوة) يوم ٢٨/١٢/٢٠١٠ راح تكون هناك جلسة حاسمة في المجلس، يا ليتك تنورنا بجم كلمة.
أولا هي قطوه مو فرفوره الله يكافينا الشر
ثانيا شلون تبيني أنورك وآنا أشوف ظلمه
ماتدري منوحليف منو،منو معتمد على منو، منو خايف من منو، منو يقصد شنو
بس أتوقع تكون أم الجلسات ويدة الإستجوابات وعمة الإستفزازات وخالة الإبتزازات
وأدعو الله أن لا تكون نتيجتها الآهات من المواطن
الناس ضايعه تفكر بها الطرف وتقول واويلاه وتفكر بالآخر وهم تقول واويلاه
الله يكتب إللي فيه الصالح ويحفظ الكويت وهالفقاره المساكين إللي ماعندهم غيرها
شاعرنا العزيز
في نظمك ونثرك انت جميل ولكن يبدو ان لديك غزارة في نشر المواضيع في الوقت الذي اعاني من فقر الوقت !
شكرا
حياك يابن محمدي
بسيطه فقر الوقت
آنا يحوشني هوس بموضوع معين وما ينتهي الا بالكتابة عنه
منورنا بطلتك وتسعدنا بالتعليق
خاب نفسك على الريال وتاليها جوتي بالي بالاقساط؟؟؟
افا والله ما كانش العشم ياتحلطم
بس تدري انك تصلح تكتب درب الزلق 2011
بصراحة حسك الفكاهي في النثر عجييييييب
🙂
مشكوره على كلامج المشجع
وياريت أقدر أكتب درب الزلق بس والله خوش فكره
حاليا قاعد أكتب قصه ثانيه مع القطوه وبإذن الله تقرونها قريبا
وحياج دكتوره ليوان منورتنا
يزاه واقل من يزاه
صح السانك
صاج”حسافة علي الجوتي بس”
أشوه .قلعته يعني يستاهل إللي ياله من بطل القصيده
صح بدنج
حياج الله
السلام عليكم
الاستاذ العزيز تحلطم الشاعر العجيب هم تحلطم
صح السانك يالغالي وبالتوفيق.
وعليكم السلام ورحمة الله وبركاته
صح بدنك ومشكور والله يوفقك ويوفق الجميع
حياك الله منورنا ولاتباعد فلدينا مايسركم إن شاء الله