أعتذر مقدما
ويوم قلت كلامي كنت أقصده ومن صجي
وماكان في بالي أي غش أو تدليس أو مراوغه
تذكرون بوست (مولاي سهل عليهم)
قلت حدي أتابع منتخبنا في دورة الخليج بالجرايد
مباراتنا مع قطر كنت بالدوانيه وتابعت مع الربع (الريموت مو عندي ولو عندي وأغير يطقوني)
مباراتنا مع السعوديه كانت مدامتي متابعه ( وقلت لازم معاها محرم يتابع اللعب ويجابل وياها التلفزيون) ويوم صفر الحكم بلنتي علينا بآخر دقيقه رفعت الله يهديها ضغطي تقول خلاااااص رحنا فيها وآنا أسكتها وأقولها مو قول (حسافه لو مراهنها).
مباراتنا مع اليمن شفت الشوط الثاني وبطوا جبدي اللاعبين قاموا يضيعون ومتريهين.
اليوم عاد شفت اللعب مع سبق الإصرار والترصد
العيال من رجعوا من المدرسه كل واحد لبس فنيله زرقه،تغدوا وراحوا يشوفون اللعب ويا عيال خالتهم
آنا رحت بيت الوالد وخليت مدامتي بروحها
بس صراحه اليوم كل المنتخب عندي أبطال والسبع الأصلي قولجينا
كنت واثق نفوز بالبلنتيات والحمدلله فزنا
لأن الخالدي خرع العراقيين وخلاهم يشوتون بره وخلاني أطامر بالصاله جني مينون
وإسمحولي مره ثانيه أتراجع عن أقوالي وإن شالله متابع النهائي إذا الله عطانا عمر
وبإذن الله الكاس لنا
وما أنسي أبارك من كل قلبي لقطر إستضافتها كاس العالم 2022
ناس خططوا بطموح ,وإشتغلوا بجد ,وسوّقوا نفسهم بإبداع,وتابعوا بمثابره على أعلى المستويات
يستحقونها وبجداره.
ومابي أخرب فرحتكم ولاّ جان قلت “ياريت ربعنا يتعلمون منهم”
بس ماني قايلها وإذا قريتوها سوولها ديليت
T7l6m 
لووول انا بعد بدلت أقوالي
مبروك الكويت
مبروك قطر
بدون دليت 🙂
يستاهلون لاعبينا الواحد يبدل اقواله علشانهم
ومبروك للجميع وحياج الله
لوووول
حتى انا الي ما اعرف بالطمباخيه شي
تابعتها اليوم 🙂
مبرووك للكويت
وعقبال الكاس
و مبرووك قطر
و ان شاء الله نتعلم منهم > خلك متفائل
ههههه احنا الفريج كله متابع
لم صار قول علينا >> تسكع صراااخ جماعي =\
صراحه كانت مباراه شييقه جدا
يستحقون المتابعه
ربعنا بذلوا جهد كبير وفازوا على بطل اسيا
ان شالله نتعلم منهم
والبارات كانت بالنسبه لي اعصاب وتوتر الحمدلله على الفوز
وان شالله الكاس كويتي
عني أنا مسامحتك بس قول إن شااااااااااااء الله الكأس لنا يا الله يا كريم
نبي نفرح يا رب الكأس لنا …
و ربي يعطينا وياك عمر و نشوف النهائي والفوز يا رب يا كريم كويتي
🙂
آمين يارب
إن شالله لنا الكاس ويعطينا وياج طول العمر ونشوف الكويت بكاس العالم بقطر
وحياج الله
مبروك حجينا عقبال الكاس
الله يبارك فيك
وان شالله الكاس لنا يابن محمدي منورنا
مبروك لقطر الف مبروك من جد وجد و الناس خططوا عدل و عليهم بالعافية ، و اذا انت ما قلتها أنا اقوله لا زم انتعلم منهم ما فيها شئ إخوانا المصريين يقولون ” يعيش المعلم و لا يتعلم” ، أنا لاعبينا يلعبون تحت العلم الاولمبي و جارتنا تفوز بإقامة كاس العالم ، بذمتكم مو فرق.
صج استحقوها بجداره ويستاهلون
وان شالله نتعلم منهم
وياريت في ناس يصير عندها شوية دم وتحس بفداحة الفرق
حبيبي حمد منورنا بطلتك علينا
أنا بصراحة أقولك الاخ يعلم الغيب ثاني الاخ تحلطم بقولك شي ارتاح او عن شوفت النفس خل نفسيتك رياضيه بس انت تدري أنا بعيد عنك او لازم تحلطم علي كيفك وجزاك الله خير. السلام عليكم
إسمها الحاسه السادسه او بصيغة سمير غانم (الحاسه الساسه)
وما اوعدك تصير روحي رياضيه مع منتخبنا يا ابيض يا اسود واليوم فازوا وحتى لو في خلل وغلطات ما اشوفه
والتحلطم موجود بالدم تدري
جزاك الله مثله وحياك الله
وخل روحك رياضيه وتفاءل بالكاس
لا بزيدك من الشعر بيت دورة الخليج اللي مستانسين فيه مو معترف فيه بالفيفا يعني دوره وديه حتين حكام من الفيفا مايحكمون فيه لا والحين دورة الروضان اشهر منه عالميي او موعدنه كاس آسيه بنشوف الكاس لك اخ تحلطم ونشوف ولقاء بعد شهر اذا الله احيانه ونس نفسك بكاس الخليج ٩ مراة الله يعين (كاسك ياوطن) شوف العالم وين أوصلوا ونتي للحين كاس الخليج غير معترف فيه بعالم كرة القدم (قطر كاس العالم)
إهي تجي بس(دورة الخليج)
ولاحقين خير على كاس اسيا
ونعترف ان الاخرين يعملون بجهد وجدية نفتقدها
لذلك نتحلطم
ولكن لا نجلد ذاتنا ونعمي اعيننا عن الجوانب الايجابيه
تفاءل
مبروك تحلطم وتعظيم سلام “لكات ان ذا هات” او بصيغة مرادفة -قطوتك-
المفروض يعطونا اجازة يوم الاحد!
مافي اجتماع طارئ حق مجلس الوزراء؟
الله يبارك فيج وتستاهل تعظيم سلام
وبعدين صج قنوعه بس الاحد خليها احد واثنين بين عطلتين ونشبكها مع يوم الثلاثا
ونكمل اربعا وخميس بين عطلتين
بس اتوقع لذا غلبنا السعوديه ماكو دوام الاثنين
روجي الموضوع وصدقيني يصير
صراحة ودي تغير اسمك وتسمي تفائل و لي متي اتفائل بس قولي يا———-قلبي بس المشكله أني ماأقدر أردك انت تدري ليش والسلام ختام. (بيني او بينك)
ما أقدر أغير الأسم لأن التحلطم يغلب التفاؤل
تفاءل والوعد باجر
وإن شالله الكاس لنا
تحياتي
والسلام عليكم
وين المصداقيه بنقل لخبر
من كان معاك حزتها؟
أرجوك لا تتحرش بمصداقيتي
كنت بروحي حتى القطوه مو معاي
ويوز عني يا حب شمسي
مبروك لفوز الكويت ،
وان شاء الله الكاس لنا ^^
الحمدلله الأبطال يابوه الله يوفقهم ويفرحونا بكل بطوله
مبروك تحلطم علي الكاس يالحبيب او عبال كاس اسيا الله المستعان
مبـــــــرووووووك
مبـــرووك خليجي 20
الموج الأزرق
الله يبارك فيك
قلت لكم إن شالله الكاس لنا ويبناه
وإن شالله وراه كاس آسيا