Articles

إستثمار.حمار..خيار

In إقتصاد, حلمنتيشي on 17/11/2010 by t7l6m

رفيجي بيستثمر بالبورصه قلتله شلك بالإستثمار
بورصتنا حظك نصيب بورصتنا صالة قمار
ما طاوعني الجحش ودش السوق مثل الحمار
ياني يبشرني قال شريت لي أسهم الدار
قلت شفيك ثور؟مشتهي أرنك سطار
قال هذي إسلاميه هذي دار الإستثمار
أداءها 100% وسمعتها ماعليها غبار
رديت شلِك فيهم إنت غشيم وهم شطار
والشاطر من كلامه يخليك تشوف البمبر كنار
طاوعني إترك السوق إستثمر بالبصل والخيار

(عصّب وهدني وهو يتحلطم)

دارت الأيام طاح السوق ودمه سال أنهار
والمؤشر كل يوم حمر وإنخفض أكثر من الأغوار*
سألته بشر شلون سهمك؟شلون ربعك الشطار؟
قام يبجي: سهمي بخمسين فلس عقب ماكان بدينار
واسيته قلت:ربي يعوضك إنت طيب و لد أجاويد و أخيار

مرت سنه ولحقتها سنه صادفته سألته: شالأخبار؟
إبتسم,جلجل بضحكه قال صرت من التجار
قلت شنو إرتفعت أسهمك ,إرتفع سهم الدار
قال لأ,قلت علمني ولا تخش عني أسرار
قال إنحشت من البورصه أفشل إستثمار
ومن طلعت رديت كل فلوسي دينار ينطح دينار
تاجرت بمواد البنا سميت وخشب ومسمار
مافلحت فيها وتذكرت شورك عن الإستثمار
أي شور سألتi ,قال تجارة الميوه والخضار
قمت أبيع الطماط وأشتري بصل وخيار
وحاربوني عرب وعلموني بنغاليه شطار
شوي شوي وإلا انا بالشبره من كبار التجار
وطلع كلامك صح ,الأكل أفضل إستثمار
قلت أخوك منتّف ووده يصير مثلك من التجار
ومو شرط ميوه وخضره قابل أصير تاجر صْبار**
قال بدَخّلك السوق من أوسع أبوابه تصير فورا من الكبار
شرايك تصير شريكي بمشروع تصنيع الخضار
قلت تبي تعلبها
قال لا مصنعي إختصاصه معبوج و أجار

* الأغوار :منخفض في الأردن
الصبار: تمر هندي

Advertisements

6 تعليقات to “إستثمار.حمار..خيار”

  1. بدأنا نلاحظ ان لديك ميول شعرية الظاهر عقب جم يوم بتطلع لنا بقصيدة عصماء و نحن في الانتظار

    • أشكرك إنك وصفت إللي أكتبه بالشعر
      أنا أسميه شبه شعر،سالفه نسولفها وآخر حرف متشابه
      وياريت يطلع مني مثل ماقلت
      حدي “تذكرين يوم كنت تحت الدريشه تبصبصين”
      حياك وشكرا للمشاركه

  2. لووول
    دام النصيحه نصيحتك
    الله يهدااك ليش ماطبقتها
    اخر شي صار اهوا التاجر
    و انت رضيت تبيع “صبار”
    و تكون شريك

    ودامك بالكويت
    اي شي فيه ” بلعه = اكل ” بينجح ويربحك ;q

    ماشاء الله عليك =)

    • آنا أتطنز عليه وسواها من صجه
      الرزق من رب العالمين
      أعتقد لو أفتح مطعم الناس تسوي ريجيم وترجع تطبخ بالبيت
      حياج الله

  3. لوووول ايه والله

    بصراحه عجبتني سالفتك لسوق التجار
    ولو الكل يمشي بنصيحة الشطار
    جان ما شفنا الحمار يبقى العمر حمار

    لوووووول يعني تطلع مني حركتاات ؛)~
    قوااك الله

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: