بين ميو وبيو
طلعت من البيت شفت قطوه طالعتها وقالتلي “ميو”
رحت الخباز وقفت بالطابور يه دوري قالي “بيو”
قلت أبي خبز محمش، مو تحرقه ويصير “سيو”
عطاني الخبز محروق زفيته عصب وقالي “برو”
عباله بسكت له،رحت عند الرصيف حذفته وصرخت يالدرو
رديت البيت مغلق قلت أكسّر جوز من الأولى طلعلي سرو
(تأزّمت الأمور)
ندبت حظي ولعنت الوحده وقلت هذا إللي لك مكتوب
يمكن لو متزوج تطيح بوحده قشره وكلها عيوب
تصير حياتك معاها ضرب وقصف وحروب
لي كلمتها كلمه طقتك و لبستك التاير والتيوب
ولا وحده مسرفه تنظف حسابك والجيوب
ولا وحده جيكره بالعين غمص والويه متروس حبوب
ولا 24 ساعه عالكمبيوتر شابكه بلوج ولا جروب
ولا وحده مو صاحيه والمخ عندها مضروب
قلت شلك بالطلايب وإنت خوش ولد حبّوب
(شلت الفكره)
قررت أروح البحر أشم هوا وأتمشى
وبالرده أمر مطعم كشخه أطرّب نفسي وأتعشى
على اليال شفت واحد معاه كلب من شافني خشه
نطرني أنشكح بالقعده الكلب راعي الكلب على هشه
من شفته مقبل علي قلت مالك الا النحشه
لا تسوي نفسك عنتر وتحوشك منه نهشه
(وإنحشت والناس تضحك)
ركبت سيارتي ألهث والدنيا صاكه فيني
أفكر وآنا أسوق ليش الناس تأذيني
ليش عايش بروحي محد بوحدتي يسليني
ليش يغمرني الحزن وماكو من يعزيني
ليش أعيش الألم ومحد يواسيني
وصلت البيت ولّا عند الباب الخباز يلاقيني
خرعني. بيده حطبه يصرخ علي “بيو”
سكّتْ, ردت القطوه قالت “ميو”
إهداء إلى بوعباس بعنوان “حياة هنجري بني”
T7l6m 
هههههه حلووة
هذي ضريبة العزوبية واهو اختار هالشي خل يتحمل
🙂
لا و محسود على عزوبيته
حياج الله
اذا بو عباس عزوبي احسده ، و مو هنقري بني الا حتي فلافل و بطاط
لو تدري شنو سوى فيه الخباز عقب ما قالت القطوه الميو الأخيره
ما تحسده
الريال بطل خبز وحول توست
هههههههههههههههه
حلوة حلوة
رؤؤؤؤؤؤؤؤؤؤؤؤعه
شكرا،شكرا
أشوه يعني تأييدين إللي قص علي
وقال أقدر أصير شاعر
ههههههههه
يمكن تصير شاعر كبير
وانا وزيرة هههههههههههههه
“مو تحرقه ويصير سيو”
عـيـبـتـنـي لول .
–
الصراحة قصيدة رائعة ، ومُمتعة لأقصى درجة .
كل الشكر على الإطراء
رأيكم سرني جدا
شكرا لمروركم
ولاتباعدون
تحياتي
لوووووول
عجبتني و الله
🙂
رأي أعتز فيه خاصة إنه صادر من بونبيل
صاحب الحس المرهف
والصندوق الأسود
شكرا للطله وخلك جريب
نورتنا
ههههههههههههههههههههههههههه
عجبتني الابيات والفكرة
الله يعطيك العافية زيارة اولى
شكرا أخوي عبدالله
هذا من ذوقك
الله يعافيك
حياك الله بأول زياره
وحياك دوم