“العدالة الإجتماعية أساس الضرائب والتكاليف العامه”
المادة 24 من الدستور
قرأت اليوم خبر عن ناشط سياسي يرفض تطبيق الضريبة العامة
وآنا على ثقة تامة أن معظمكم ,إذا مو كلكم ,له نفس الموقف
أنا عكسكم ,أقول مافي مشكله يطبقون الضرائب لكن على شرط :مثل مايقول الدستور بالضبط.
ليششش؟
سألتوووني
أولا ,ليش ماعندي مانع بالضرايب
لأن الضريبه تخلق مواطن يراقب
مواطن يحلل وينتقد أداء,ويحاسب على التقصير
ويحس بقيمة المرافق العامه ويشعر إنه مساهم فيها وبالتالي يحافظ عليها
ويطالب بخدمات أفضل وينتقد من لا يؤدي مهام وظيفته بالجودة المطلوبه
ويحافظ على المال العام ويصارع لحمايته من العابثين
ويراقب أداء أجهزة الدوله ويحاسب على الإسراف أو عدم إستخدام الموارد بالصورة المثلى
ويحسن إختيار ممثله بالبرلمان ليكون قوي وأمين على أمواله
ويطالب بحقوقه ويحترم حقوق الناس والدوله
ويصرخ إذا شاف أي شي غلط من النقاط أعلاه
لذلك لا تقلقوا ,ومثل مايقولون اخوانا المصريين,حطوا في بطونكم بطيخه صيفي
ولا تحاتون .ماكو ضرايب
بس مو هذي الأسباب
لأن تطبيق المادة 24 من الدستور صعب وايد
وإذا الله هداني ندردش بالموضوع متى ما الله كتب
وتحياتي من ضفاف زميل الراين والسين والتايمز والأمازون
النيل
T7l6m 
عجبتني الماده 24 🙂
رحلة آمنه و سعيده …
استمتع ورد لنا سالم..
أنا عاجبني الدستور بكبره
آمين
الله يسلمج ومشكوره
شـــــــكرن تحلطم ولو اني مافهمت شي
ماكو ضرايب
استاذي الكريم
اتفق معك بان الضرائب ترفع حس المسؤولية , ولا اتفق بأن حسهم بالمسؤولية له الدور ” الحاسم ” في صياغة القرار السياسي ولا تقولي ليش رحم الله والديك !
أعتقد أن مضمون المادة 24 من الدستور عائق رئيسي أمام التطبيق
العائق الأهم صعوبة الحصول على المعلومات المتعلقه بالدخل والثروه
ولاتقولي ثروة منو رحم الله والديك(اتغشمر)
حياك الله
أنا بعد مع الضرايب بس بشرط!!
تصير مستشفياتنا مثل الاوادم ..
مدارسنا أفضل
شوارعنا أنظف واجمل واخف زحمة!
اذا راح يتم تطبيق نظام الضرايب لازم يطبق صح والا خل يتفضلون ويستريحون 🙂
المفروض تطبيق الضرايب يكون له إنعكاسات على جودة الخدمات
ويراعى فيه العداله الإجتماعيه
وآسف إنجنيرتنا مادري شسالفة تعيلقاتك كانت معلقه
حياج الله دوم
وإنتي راعية المدونه
حطيت تعليق ..
اين ذهب؟! 😦
والله صاج
وأؤيد كلام انجنيرا..
ليش ما ندفع اذا كلة بيرد علينا بالزين؟؟
حافظك الله وترد بالسلامة
علشان ندفع وفقا “للعدالة الإجتماعيه” لازم من يجمع الضرايب يعرف الدخل والثروه ومصادر الإيرادات للمواطن
وبس
مشكوره والله يسلمج