قمة الإنحدار: بعض الجرايد والتلفزيونات
قمة الخراب: عمايلهم
قمة التمرد: إنهم ما يتسنعون عقب كلمة الأمير
قمة التربيه: إن الحكومه تكسر خشومهم بالقانون وتعلمهم حدودهم
قمة الظلم: السكوت عنهم ليما تروح البلد
قمة النفاق: إللي يدافع عنهم ويقول حرية راي وحرية صحافه
قمة الثواله: إللي يصدقهم
قمة الإراده: إنك ماتقراهم ولا تشوفهم
قمة الفكاهه: برامجنا السياسيه
قمة الصراخ: برامجنا الحواريه
قمة الخيال: مسلسلاتنا الواقعيه
قمة المصداقيه: مباراة منقوله عالهوا
قمة الحياديه: موعندنا
قمة الضياع: تلفزيون الكويت – مايدري وين الله حاطه
T7l6m 
بالضبط!
أشوه يعني ما أثر فيني تلفزيون الكويت
حياج الله
100% معاك باللي قلته
صح لسانك
ياريت يتسنعون ويريحونا
وحياج الله
قمة التخبط والفوضى حالنا السياسي
حياك الله
بس فكر معاي بقطاع أو موضوع عندنا بالكويت مافيه فوضى وتخبط
صدقني ماتلقى
انا للحين من مشاهدى تلفزيون الكويت
معقول انا بحاله ضياع
لا محشوم
التلفزيون إللي بضياع
أما إنت إذا ضعت عندك GPS
صح السانك والصراحه احيانا مو راحه 😦
مع الأسف
حقائقنا مؤلمه
وتفشّل
حياك الله
شكرن على القمم
بس برامجنا السياسه روووووووووعه ومن احلى البرامج
وجهة نظر
قمة المصداقيه: مباراة منقوله عالهوا
^^ حتى هذي ساعات المصداقيه تضيع فيها
خووش قمم و الله يرفعون الراس 😦
قواك ربي
بعد إذا مباراة مافيها مصداقيه
شلون تبونا نصدق البرامج السياسيه والحواريه
الله يقويج