ماني من متابعين سكوب ولا أواطنها
بس ياجماعه شالسالفه؟
شصاير عندنا؟
أولا وين كلامنا عن التنظير والطنطنه بالديمقراطيه وحرية الرأي وإحترام الرأي الآخر وباقي الجوقه
وشلون يشققون قنفات سكوب ويكسرون لمبات الأستوديو
وين الأمن و حماية الوطن والمواطنين
وشلون نقبل بالفوضى
وإذا قبلناها على من لانحب وسكتنا فسيصيبنا طشّار
وشلون سكوب إللي نصبت أقواس النصر ونشرت جحافل المغنين والفرق الموسيقيه المدججه بالطِيران(جمع طار) بعد ماراثون الإستجوابات الأربعه تحال للنيابه بتهمة التحريض على قلب نظام الحكم بالقوه
أسئله لا أبحث عن إجابات لها ولا أريد إجابات وإللي يرحم والديكم لاتجاوبوني
فمن دواعي سروري الشخصي الجهل بها كما أن عدم معرفة إجاباتها يجنبني أمراض الضغط وتصلب الشرايين
ويكفيني لراحة البال إيماني المتجدد بمقوله مروريه تزداد مصداقيتها ويتسع نطاق تطبيقها بدءا من الشوارع إلى العديد من المجالات المحليه
توقع غير المتوقع
وفي الختام أردد مقولة أحد المدرسين العرب “السياسه بنت كلب”
وأكرر تأكيدي” ماليش دعوه بالسياسه”
T7l6m 
تصدق
تعرف لما ساعات حجي وااايد يدور براسك
بس مالك خلق تقوله
تحس ماكو فايده
تتفرج وتتحسر
وينكسر خاطرك وما بيدك شي تسويه
وتلعن ابو سلسفيل السياسه
راسي يعورني
وفيني حره
الصبح متلاسنه مع وحدة سطحية وتفكيرها على قدها
تقول الله ينصر المالك على من عاداهم
ولما قلت لها اللي سووه غلط
تقول لي ترى يصيرون لي وما ارضى عليهم
!!
شفت شلون البلد ماشيه؟
فانا وانت خل نسكت احسن
آنا ساكت من زمان
لأني إكتشفت إن إحنا العله
إحنا الكويتيين المشكله
لازم نتعدل وبعدين يصير خير
ولي متى الوضع بيصير جذي؟
نتبع سياسة “شاهد ما شافش حاجه” والاوضاع وكل مالها تاخذ منحنى خطير !!
لازم كل شي يوقف عند حده وبسنا مهازل ! 😦
إحنا شاهد شاف كل حاجه
شنو بإيدنا؟
هذي حكوماتنا وهذا مجلسنا المنتخب
الله يحفظ بلادي
فعلا الحجي صار تحصيل حاصل
بس والله ليمتى بنتم جذي؟؟
إن الله لايغير مابقوم حتى يغيرو مابأنفسهم
قبل مدة الشيء نفسه صار لقناة الراي من قبل فئة من فئات الشعب و بدون سبب (و ان وضعوا الاسباب)، و لا احد تكلم و طمطموا السالفة.
اللي صار امس هو من قبل فرع من فروع الاسرة الحاكمة ، فليش مستغربين ؟ اذا لم تؤد الفتن و مسبباتها لحظة ولادتها ، فالله المستعان و الله يستر علينا.
آآآميييين
قبل جم ساعه قريت الخبر بالجريده
ضليت ماسكه الجريده و اقول حق امي
” من صجهم ” واكررها
مو مستوعبه الي صار عدل
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
حارة كل من إيدو إلو
بالكويتي:فوضى
الله يحفظ كويتنا
انه برد جبدي الدكتور الشيخ محمد الصباح يوم يقول الكويت بلد امن وامان وسنطق القانون على الجميع..
يعني الجميع سواسيه امام القانون ..
مشكور اخو تحلطم انا الى الان ما اقدر اتكلم وودي اتكلم بس ما اقدر احس كل ما ابي اتكلم جنه داخل فمي ماء
شاكرة لك اخوي تحلطم
مع الأسف الكلام أصبح لايجدي
العفو
وحياج الله
ليش ما الجأو للقضاء ؟؟
يعني يدخلون و يخربون ليش أهما شي ازعجهم جان سوو مثل رئيس مجلس الوزراء ؟؟؟؟
كلامج صح 100 بالميه
وشفايدة القانون والمحاكم!
” فمن دواعي سروري الشخصي الجهل بها كما أن عدم معرفة إجاباتها يجنبني أمراض الضغط وتصلب الشرايين ”
ياحلو هالعبارة الرائعة من الحلطمات الجميلة
نفس الموقف لكن ما أسمعه من مشاكسات سكوب يجبرني ان أقول ” قلعتهم ” لكن الطريقة !!
تسلم يابوفلان
آنا أقول قلعتهم لو مسكرين سكوب بحكم قضائي أو صاكينهم غرامه تكسر الظهر
لكن إللي صار مومقبول في بلد يقول إنه دولة مؤسسات ويحكمه القانون والدستور
وحياك الله