يقول صديق وهو موظف بإحدى الوزارات:
رحت مكتب وزيرنا عندي شغله
يقول :بالطلعه وآنا راجع إدارتي شفت إثنين من المراسلين العرب واحد كان يشتغل بإدارتنا من سنين وإنتقل مكتب الوزير والثاني نفسه حلوه دايما يسلم علي ويسولف وياي
يقول: سلمت على المراسلين ,أعمارهم بالخمسينات,ووقفنا ندردش بالممر .شوي ولا إثنين من الوكلاء المساعدين إللي أعرفهم طالعين من مكتب الوكيل ومقبلين علينا
يقول:مرّ الأولي وصدّ جنا ما شافني,عقبه بشوي مر الثاني ونفس الشي ماسلم
قلتله: مايشوفون شر
يقول :الغريب إنهم كل مره يسلمون ويسولفون وياي,هالمره كشته علشان واقف ويا فقاره مساكين
ما دري شلون يسوون جذي وأهم يصلّون ويانا
قلتله: همّ مايشوفون شر
والله ياجماعه الدنيا ما تستاهل وإللي عنده مخ ما يتكبر على أحد
الكبر لله
ومن تواضع لله رفعه
وما طار طير وأرتفع إلا كما طار وقع
و Take it easy
وإللي يسوي جذي راح يسوون فيه أكثر
وإللي يتكبر تلقاه يقلقس عند الكباريه (المسؤولين الكبار وليس الملهى الليلي)
وعلى فكره هذا مو بوست توعوي أو إرشادي
هذا تحلطم متواضع على إللي يعتقد إنه أعلى من الناس
ورساله لهم ترى هالحركات تطّيحكم من عيون الناس وتخليها ما تحترمكم
T7l6m 
مادري وين راح يوصلهم تكبرهم!
العزة والرفعة بالتواضع مو بالكبر
يعطيك العافية
واضح إتجاه تكبرهم
الصرف الصحي لا محاله
والله يعافيج
على فكرة
انا شخصياً مررت بهالموقف
واجهت مسؤولي وكنت واقفه مع سكرتيرة من قسم ثاني والمسؤول اصبح الآن بمنصب أعلى
شفته وجهاً لوجه .. وسلمت عليه جان يحقرني ويمشي 🙂
صج الكبر لله
مع التحية
هذا مو بس متكبر
هذا قليل أدب
قوة
في البداية الكبر رداء رب العالمين و الله يعينهم إلي يفكرون ينازعون رب العزة في ردائه و العياذ بالله …
الشي الثاني إلي طرى لي مع سالفتك الأثنين طالعين من مكتب الوكيل و الأنثين قالبين وييوهم وما سلموا …ممم شورك ما يكون الوكيل غاسل اشراعهم .. و طالعين متعومسين ومايشوفون جدامهم ؟؟؟
الله يقويج
ويزاج الله خير على التنبيه بفداحة تكبر الخلق
وفيما يتعلق بغسلة الشراع
كل شي وارد
وحياج الله يالجودي
شكلهم مزفوفين زفه سنعه..
اعوذ بالله من الغرووووووووور 🙂
شكرن تحلطم ماتقصر
إذا مزفوفين قلعتهم
للاسف الشديد ناس بهالمناصب تكون بهالتفكير
مقاريد واللا من زين طبعهم
تواضُعُ الإنسانِ بين الورى
حِلْمٌ وذو الحِلْم امرُؤ لا يضيع
والله ياخوي المشكلة هذي اطباع بشرية مالنا قدرة على تغييرها
الحمدلله اني مااحب الكبر ولا المتكبريين
ولكني اراهم مساكين..لأنهم يحسبون الدنيا خلقت لهم وخلقوا لها
ولايعلمون انهم فيها عابروا سبيل المحظوظ فيهم من ذكرة الناس بالخير
عجبني الموضوع وهيضني
تحياتي ..
صح كلامج بو طبيع ماييوز من طبعه
والله يهديهم حق نفسهم الناس ماتبي منهم شي
وحياج الله
كل واحد يطمح إن يكون ويكون ويصبح !!
بس شنو علاقة المنصب أو الجاه أو الأهمية بالتواضع …
تأكد إنك لو صرت أعلى المرات وصرت صاحب أموااااال لا تطال .. لكن بالنهاية إنت إنسان
واستذكر الآية الكريمة في سورة الإسراء “إنك لن تخرق الأرض ولن تبلغ الجبال طولا”
تظل انسان نهايتك كفن !!!
المشكله يالمطلاع إن الناس ناسيه الكفن
وغافله عن النهايه
اللهم لا تجعلنا من الغافلين