Statuses

مركز مغثّة المواطن

In أخلاقيات, عام on 08/10/2010 by t7l6m

الأن وبكل وضوح وشفافيه وبضمير مرتاح أقول خدمة المواطن مايستحوووون
مسؤلينهم علقوا الحيا مع بجامتهم قبل لا يروحون المركز إللي يشرفون عليه
وأخص بالذكر مشرف مركز الضاحيه
الأخ ماله شغل بالإداره ناهيك عن الإشراف

تروح تبي تسوي المعامله مايعطيك الموظف رقم
تسأله ليش؟
يقولك ماكو موظفين (مع العلم إن أكو لوح قاعد على الكاونتر المختص بمعاملتك)
تقوله كا الموظف موجود
يرد بكل برود :بس الموظفين اليوم مضغوطين !
خووش حجي,يديده مضغوطين ,يازينهم زيناه ,وسلامتهم من الإنضغاط
رحت حق مشرفهم قلت أكيد من يسمع كلام موظف الإستقبال بيطلع من مكتبه ويخانق موظفينه
الأخ المشرف إللي لوع جبدي بكلامه الله يلوع جبده تهقون شقال؟
:إحنا اليوم وقّفنا إستقبال من الساعه 12
حطوا لوحه بمواعيد دوامكم
:لااا .مو كل يوم نوقف الساعه 12
وحنا شدرانا بمواعيدكم
:اليوم ماعندي موظفين وإحنا فاتحين من الثمان
آنا ماأذكر عقبها تفاصيل الحوار بس الشياب والشباب إللي قاعدين عنده كانوا مبطلين حلوجهم من صراخي وعقبها قال الصبِيْ المشرف على المركز ” “ياي تعايرني”
رديت عليه “خوش وزاره” وعطيته مقّفاي ومشيت عنه
وأقول خوش وزاره ماتدري شنو قاعد يصير بهذي المراكز ,وإذا درت ما تحاسب أحد
وإللي ياكل فشقي إحنا يالمواطنين

الحكمه من الموضوع :إعلان الداخليه بالشوارع “توقع غير المتوقع” طبْقوه على مراكز الخدمه
ولا تغث نفسك وياهم تعلم من تجربتي المره معاهم
ماسويت معاملتك اليوم راجعهم مره ثانيه شتسوي حاجتك عندهم
وللشباب المشرفين على المراكز تحذير:
إذا قال لكم أحد “حجّي جلبان” لا تزعلون .
إسمكم خدمة المواطن ,خدموه ولا تحسبون نفسكم معازيب عليه

و وعد مني ,الله يقدرني أحافظ عليه,ما راح أغثكم بخدمات الداخليه
تكلمت قبل يومين عن ال “مقلب الحكومي” وقبلها بفتره عن المراكز الدايخه “بعشرين وبس”
والظاهر الشباب الله يرحمهم
hopeless case

Advertisements

6 تعليقات to “مركز مغثّة المواطن”

  1. مشكلة هالاشكال أنهم يعتبرون سلطتهم ملكية خاصة إذا دخل عليهم مواطن
    وفقط صاحب السلطة والمتنفذ والإعلامي والصحفي
    إذا دخل عليهم يتراكضون له مثل أنشط الصبيان !

    • أشهد إنك صاج
      والمفروض وزاراتهم تعلمهم الهدف من عملهم
      بالإضافة إلى دورات”مهارات التعامل مع الجمهور” .

  2. مساء الخير تحلطم

    هدي و سع الصدر ما صار شي اليوم مزحومين باجر اتخلص معاملتك ما صار شي ولا العصر 🙂

    من جم يوم كانوا اعتقد إذا ماني غلطانه تلفزيون الوطن مسووين استفتاء مع المواطين

    عن رأيهم بخدمة المجتمع النتيجة الكل مدحهم تقريبا يمكن واحد إلي قال مو هلي .. إلا

    إنت ليش رايح لهم الصبح ما يبسطون العصر ؟ إلي بمنطقتنا وايد زينين أهلي يمدحونهم

    الله يعينك 🙂

    • مساء النور
      وسعنا الصدر وبطلنا نتكلم عنهم
      واللي وداني القراده ومستعيل عالمعامله
      وآنا كنت أول أقول عنهم أوادم بس إنكشفوا على حقيقتهم
      تنابل

  3. ليلحين..ماخلصت…
    بقى اتمر المستشفيات عندنا واتشوف الظيم والظلايم…

    مره ياني مريض..العياده..يشكي والشكوى لله…

    يقولي
    دكتورة يرضيج الساعه ثمان ونص وليلحين الكاتب ما ياه والطابور وصل لي الشارع؟

    المشلكة..ماقدر اشوف مريض من غير ملف ورقم..
    بس إخيتك اتحط القانون ورى ظهرها لي صارت السالفه فيها مريض

    سألته اذا اهو يبي فحص دوري..يعني دايما ايي والا اول مره ايي ويبي فحص اولي
    قالي فحص اولي
    قتله خير وبركه تعال افحصك وانخلص واكتب بالاوراق اللي عندي
    على مايجي صاحبهم الا احنا خالصين…

    ومره كنا بخفاره…

    تخيل على صلاة اليمعة الأخ طلع يصلي…وخله الكاونتر فاضي!

    ساعه كاملة المرضى تكودوا!!!

    و مره ..الكاتب يخلص شفته سبع.. يمشي اخونا بالله من غير مايسلّم اللي وراه

    بمعنى..
    انه يمشي اذا وصل الموظف اللي عقبه والا لأ..مو شغله الزم ماعليه روحه!

    وتخيل لي التسع اخونا بالله ما وصل هالحجي خفارة..تسع بالليل…

    قام الهندي العامل و يّه ممرض وممرضه باشرو الناس وقعدو يقصون اوراق!
    إتصدق…تحولو تحقيق!

    الممرضة والهندي!!

    والكاتب أبد…وزير..محد يكلمه…

    اكمل أخوي..وإلا ضاق صدرك من ورى كلامي…

    اقدر اقولك..ماشفت شي….هذي نقطة في بحر..
    انا ليلحين ماتكلمت عن الوزارة…ولا عن الشغل الاداري..
    ولا عن القوانين التعسفيه ولا عن ولا عن…
    شقووول شحجي… خلها على الله

    اسمحلي على الاطاله..بس نبرت بجرح قديم

    امتناني

    • آنا إللي ممتن وآسف إذا نبرت جرح بس والله كلامج مأساة
      الله يجزيج خير إنج تتجاوزين القوانين علشان راحة الناس ومصلحتهم
      والله يكثر من أمثالج ويمحي الموظفين إللي مايخافون من الله بالمرضى
      وشر البلية ما يضحك .ضحكت على إحالة الهندي والممرضه للتحقيق
      وختاما:
      لا مو للحين ,قلنا توبه من الكلام عن مراكز الخدمه(تقريبا)
      ولا تلوميني أتحلطم هذا الكار بتاعي
      وصاجه ماشفت شي والله يعينكم يالدكاتره بس إن شالله الكنديين يسنعون الوزاره

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

%d مدونون معجبون بهذه: