T7l6m

سمعت سالفه بالدوانيه فطّستني من الضحك
و شر البلية ما يضحك
على فكره راعي السالفه يقول إنها صج مو غشمره
يقولك/لج أن أكو ياباني عاش مده طويله بالكويت
بعد مده أسلم
سألوه ليش أسلمت؟ وشلون إهتديت
قال : أنا قعدت بهالديره سنين ولاحظتها ملاحظه غير دقيقه وإكتشفت أمور واضحه ,أهمها:
تخطيط ندَري،نظام سِز،إلتزام ماكو،قوانين وجودها زي عدمها ,محد يشتغل,الكل يخوره
ومع ذلك الأمور ماشيه
قلت أكيد أكو قوّه سماويه تمّشي أمور هالبلد فآمنت بالإله إللي يعبدونه وتبنيت ديانتهم

شفتوا يإخواني المتحلطمين(آنا مو منهم) وأخواتي المتحلطمات النظره اليابانيه الإيجابيه
إللي حولت زبالتنا إلى كنز ,وفوضتنا إلى إبداع وسبب للتأمل ودافع لللإيمان

وفي المقابل،إحنا كثر ماندقق بأوضاعنا نشوف خرابيط وسوالف تخلي الواحد يكفر والعياذ بالله
فندائي لكم أيها المواطنين،وإذا أكو مقيم داش عرض،سلموا أموركم لله رب العالمين
لأن شكلنا صرنا
Hopeless case
ومثل مايقولها الطبيب بحزن بالأفلام العربيه القديمه “إحنا عملنا إللي نإدر عليه والبائي عند ربنا”

وعلى طاري المهتدين الجدد أقول الحمدلله على سلامة أحدهم وهو صديق عزيز وتّرنا اليومين إللي طافوا وقعدنا نحاتيه وندعي له بالسلامه والحمد لله طمّنا على صحته
وإن شالله دوم صحته زي البمب
ودعواتكم له ولمرضى المسلمين بالسلامه