Statuses

بالنيابه عنكم

In أخلاقيات, عام on 04/10/2010 by t7l6m

رسائل كثيره ودكم تقولونها وأسمحوا لي أقولها بدالكم وأوجه هالرسايل بالنيابه عنكم،إلى بعض إخواني وأخواتي إللي راح يعذروني على الأسلوب لأن أي أسلوب آخر يعتبر مجامله لمن لايستحق:

راعي السياره إللي واقف عند الإشاره وبينه وبين السياره إللي جدامه ميل ويخز البنات, إللي مو ملتفتين عليه, بالسياره إللي يمه،ترى الناس تقول عنك كلمه أولها “ح” وآخرها “ر” بس مو حمار

راعي الألتيما الأحمر إللي ماسك يسار ويمشي 40، يا الأخو الدائري الثاني مو ملك الوالد إمسك يمين وإمش على كيفك ترى في ناس مستعيله وإنقردَت بطريجها إللي يمر بشارع الحب

الشباب إللي يعلّون على المسجل عند الإشاره،إحترموا غيركم ترى نص إللي واقفين يتحمدون ربهم على خبالكم والنص الثاني يتطنز عليكم وعلى ذوقكم ،يعني لا طلعتوا كوول وأغانيكم طلعت بايخه

حق إللي ماخذ دور بالوطنيه وصرّخ”آنا كويتي ،مايصير كذي” ترى وايد من إللي ناطرين كويتيين والأجانب عندهم معامله مثلك،يعني عن الربربه وإحترم نفسك ترى أزعجت الناس بلغوتك

للموظف إللي قاعد ياكل أو يتكلم بالتيلفون والناس ماسكه أرقامها وناطره دورها،ترى الناس متضايقه وتدعي عليكم بعد،دوركم خدمتهم مو تتدلعون عليهم

راعي الكامري الأبيض إللي يمشي عكس السير في مواقف الأفنيوز
إستح على ويهك يعني لازم تدعم واحد مصك يبكسك علشان تحرّم تعيدها

قادة الدراجات البخاريه,إي يعني السياكل, عيب إتّخطرفون بين السيايير وتسوون سكان(مسح شامل) حق الركاب(الجنس الناعم طبعا)
ترى شكلكم يضحك وتذكروني بالمخبرين بالأفلام العربيه (أبيض وأسود)

الإعلانات

15 تعليق to “بالنيابه عنكم”

  1. اعوذ بالله اشهالناس اللي صارت لا تستحي ولا تنتخي …

  2. لووووووووووووول

    صباح التحلطم

  3. 🙂
    احنا كويتيننننننننننننن

  4. واحد من الربع كان واقف جدامه
    🙂

  5. كلمه أولها “ح” وآخرها “ر” بس مو حمار

    افتر مخي و انا احاول اعرفها

    :))

  6. الله يهدييييييييييييييييييييييييهم

  7. :)))

    عسى بس بعد كل هالتحلطم احد فيهم يحس على دمه ويحترم نفسه!

    الله كريم

  8. شكلك بتحلطم و تقرطم لين يطق ميخك ، و لا حياة لمن تنادي!
    اذا الدوريات تخالف و الشرطة تغازل ، وين انترقع !
    كل يوم الصبح عند الصباحية و بسبة كثرة السيارات اللي بدش الصباحية يوقف خط فحيحيل السريع و وايد ناس يمشون بحارة الامان (الامان) ! عادي ، الدورية تشوفهم و يمشون جدامها و وراها و بعد عادي !
    يقول الشاعر ” مات الضمير و شيعوا جثمانه لم يعد في الدنيا ضمير يذكر”
    و القانون بالكويت ” داسوا في بطنه و العنوا ابو سلسفيله ولم يعد فيها قانون يطبق”

    • سلامة ميخي
      وآنا أدري إن الخرابيط وايد وبكل الجهات
      وأترحم معاك على الضمير وأرثى لحال القانون
      لكن هذا منكر وهذا أضعف الإيمان مني

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

%d مدونون معجبون بهذه: