ياراعي التاهو الأسود
إللي مغيم الجام
إللي كاتب كلام صيني على بابك
إللي سويته بتقاطع الروضه والعديليه والنزهه والفيحا ما يسويه واحد ذرب
يا أخي ماتقدرتحتفظ بوصاختك وتقطها بزبالة بيتكم إذا وصلت بالسلامه
تدري شنو قلت عنك لما شفتك تفتح الدريشه وتقط زبالتك بالشارع
“صج وصخ” وترى كل واحد يشوفك تسوي كذي يبي يقول نفس الكلام
فيا حلو عفيه لا توصخنا أولا لأن الشوارع مو زباله لكنها تتحول زباله بفضل جهودك إنت وأمثالك
ثانيا عيالك إذا شافوك راح يقلدونك وتستمر القلاقه ملازمه ذريتك إلى ما شاء الله
وإعتذاري للجميع بس لا تلوموني بط كبدي
T7l6m 
ياترى شنو كاتب على بابه ؟
وهل يعرف صيني ولا بس تفلسف ؟
والله مادري شنو كاتب
وإذا يعرف لغات ويوصخ بلوته كبيره
وايد الي يبطون الجبد!
ومنا إلى راعي التاهو الأسود
بس شكلي بحط لهم
إللي يبط كبدي راح أتولاه
لو انك ناشر رقمه جان فله ، علشان نعرف الوصخ
ثبت بابه
إذا عليه كتبه صينيه
السايق وصخ
ما تنلام … شي يحر والله
لما يكون الواحد مو متربي في بيتهم
و الدولة ما تفرض احترامها من خلال تطبيق القانون على مواطنينها
هذي النتيجة
لو شايفه شلون قط الوسخ بكل رهاة ماكنه مسوي شي غلط
وصح كلامك إذا مافي مخالفه لهم راح نستورد كل الشعب البنغالي علشان يخمون هالوصاخه
وحياك الله
الله يهديه اهو وامثاله
ومنا إليه
يعطيك العافية
آمين
عادي ..جدا عادي
وين المشكله ؟!!
بس ياترى اذا راح سنغافوره
هل راح يقط الوصخ بالارض وله لا ؟!
بالكويت صج صار عادي الناس ترمي وصاختها بالشارع
بس الريال حرني من كثر ثقته بنفسه وهو يسوي فعلته
وبسنغافوره يخسي يقط شي
لا تلقينه أنظف منهم
المشكله سواد الويه يطلعونه بالكويت وبره يصيرون أوادم
نسخة الى راعي الكامري الابيض اللي طلع بوجهي عكس السير في مصافط الافينيوز !!
أفا عليك مجهز بوست كامل حق إللي من طقته
وراح أبرد كبدك فيه
و حياك الله
سلامة كبدك اوريك فية عطني رقم سيارتة
واللة لونة سيارة ثانية جان علي طول مدحتو فية شعب شمات شعب البرتقالة وتلسب بالمطاعة بس شاطرين تصيدون علي يوكن اسود تاهو اسود وانيت سفاري بولين
حياك الله غير المعروف
أستغربت من تعليقك وشككتني بالبوست لأني كاتبه من فترة طويله وحديتني أقراه مره ثانيه.
وأنصحك تقراه بتمعن لأن الكلام ينطبق على أي سياره بأي لون راعيها وصخ ولا أقصد التجني على أي يوكن بأي لون
لكن الواقعةالتي كتبتها كما حدثت أن راعي اليوكن الأسود كان وصخ.
وأعتذر لكل راعي يوكن مو وصخ.
حياك الله وشكرا لمشاركتك.