Articles

أهلا بالعام الدراسي

In عام on 22/09/2010 by t7l6m

على خلاف العاده,أول مره بحياتي أشعر بالإرتياح بسبب بدء العام الدراسي
من دخلت الروضه وآنا تحوشني كآبه هالفتره ،وإستمرت هذي العاده بعد التخرج
كانوا يكسرون خاطري عيال إخواني وخواتي و أقعد أتذكر شلون الغلقه والقمته إللي تحوشني يوم آنا كبرهم وأسقطها عليهم
يوني عيال وزاد شعوري بالمراره كل ما بدت الدراسه ،أقول بعد عمري عيالي بيرجعون حق مغثة المدارس وملاقة المواد،وبياخة بعض المدرسين والمدرسات

لكن هالمره أقول بالفم المليان، ودون أدنى شك بقواي العقليه،وبسرور شديد
فكككككككككه
وأزيد ،ماعندهم سالفه التربيه عطله هالطول،شهر كفايه

ليش،وشحقه،وشدعوه(على قولة أستاد حامد مال العربي برابعه ثانوي واللي يلفظها بلهجة أبله عطيات) التغير الجذري في مشاعري تجاه بدء العام الدراسي،وإحساسي أن هالصيف أطول صيف مر علينا

مشاوير العيال ونواديهم ،وأنشطتهم الصيفيه،وزوارتهم عيال خالاتهم،مقترنه بسفر زكيروه السايق
طول أشهر الصيف خلاهم(مجازا) يغنون لي “دريولنا عاش عاش”من كثر ما وصّلتهم

بالختام،أشوه أن العطله خلصت،وإنتهت كآبتي المرحليه، وأشوه رجع المعزب السايق وفكني من المشاوير التي لا يخلو بعضها من نجرة وصيحة اليهال وإزعاجهم إللي يدودهني ويخليني ما أعرف طريقي
وتمنياتي بالتوفيق لعيالنا صغارا وكبارا ذكورا وإناث
ودعواتي للمعلمين والمعلمات إنهم يشدون حيلهم ويا عيالنا ويدرسونهم بضمير وإخلاص من يدرس أبناءه
وجزاكم الله خير

Advertisements

14 تعليق to “أهلا بالعام الدراسي”

  1. البوست تحفة

    لووووووووووووووووول, حرام ليش شهر عطلة؟ حر موت -اب ينفعش-

    شكرا تحلطم, قلت اللي بقلبي باسلوبك المميز الظريف جدا

    حتى انا كانت تحوشني كآبة قبل بداية العام الدراسي, خاصة بمرحلة المتوسط الثقيلة,
    ونفس الاكتآب -بل اشد- قاعد يحوشني مع عيالي, بس الاسباب تختلف, باختصار خقيت ومالي خلق ادرس او اطل بورقة -ادري اني مقصرة, بس شي خارج عن ارادتي-

    ساعات ترقب بداية الاسبوع تصاحبه كآبة

    وترقب هالاسبوع بالذات يابلي القامت كله, بس الحين اردد معاك وانا بكامل قواي العقلية, لأني شاربة قهوة على زامين
    فككتيييين ثنتين مو وحدة, يا حلو الروتين والانضباط

    كل التوفيق لطلابنا وطالباتنا

    شكرا مرة اخرى وقرة عينك بعودة راس المال زكيروه

    • الشهر مو ينفعش مره وحده,إلا طعش مره
      والعفو بس هذا موضوع جماهيري ومشاعر الأغلبيه فيه متطابقه
      وجود فور يو(بالأحرف الإنجليزيه ) إنج قلتي تبا للكآبه و مرحبا بالإنضباط
      والعفو مره أخرى وبويه نبيك

  2. 🙂
    اهم شى عمر الفاطر

  3. ههههههه,الله يوفجك انشالله بحياتك

  4. ضحكتني
    شعور القمتة المصاحب لبداية كل عام ليحيني أخاف منه
    بس تحمل الزحمة دامك رحبت بالعام الدراسي
    والله يخلي اليهال 🙂

  5. كلامك دليل هام يدين الرجل الكويتي بوضوح! 🙂

    هذا دليل ان بوجود المعزب زكيروه انت راح تشيل ايدك من كل شي وتظل حنة اليهال وصياحهم ولويتهم بعيدة عنك ..

    عكسنا احنا يالأمهات الله يعينا .. أنا مكتأبه من بداية العام الدراسي .. وأحس بغلقه ومغثه لأن وراي تدريس اليهال ومتابعة واجباتهم وتحفيظهم ولوية واننا مالي مقاقة تدريس والا جان صرت مدرسة!!

    مو أهلاً بالعام الدراسي والله يعينا ويصبرنا يالأمهات ويقدرنا ان نصمد لين عيالنا يغدى شرهم ويعتمدون على نفسهم بالدراسة !!

    الله كريم 😦

    • الله يسامحج
      والفكه من الروحه والجيه لاتعني أن الواحد يشيل إيده
      وبنفس الوقت أعترف ان مسؤولياتكم يالأمهات مختلفه لكن صدقيني التعب والمحاتاه مشتركه
      الله يعينك وكل الأمهات إللي يتابعون دراسة عيالهم
      وعقبال لما تشوفونهم دكاتره ومهندسين أد الدنيا
      آمين

  6. كلامك دليل هام يدين الرجل الكويتي بوضوح! 🙂

    هذا دليل ان بوجود المعزب زكيروه انت راح تشيل ايدك من كل شي وتظل حنة اليهال وصياحهم ولويتهم بعيدة عنك ..

    عكسنا احنا يالأمهات الله يعينا .. أنا مكتأبه من بداية العام الدراسي .. وأحس بغلقه ومغثه لأن وراي تدريس اليهال ومتابعة واجباتهم وتحفيظهم ولوية وانا مالي مقاقة تدريس والا جان صرت مدرسة!!

    مو أهلاً بالعام الدراسي والله يعينا ويصبرنا يالأمهات ويقدرنا ان نصمد لين عيالنا يغدى شرهم ويعتمدون على نفسهم بالدراسة !!

    الله كريم 😦

  7. ههههه ذكرتني باختي .. بنتها البجر اول سنه بالروضه .. لمن ودتها المدرسه ردت بيتنا عند امي تبجي .. ضايق خلقها على بنتها ..لوول

    واااااااااي
    شنو هالشر ؟!! تبي العطله شهر بس ومستانس انهم ردوا للمدرسه ..
    بس عشان تفتك من المشاوير !!

    ليش كل الابهات جذي .. ؟!!
    خبري قبل ابوي مسكين يودي ويب وحط ورووح مايقول شي ..
    لي الحين يودي اعيال اخواني وخواتي المدارس و الجمعيه ..
    يقول ولهت على هالمشاوير ..
    وابهات الحين .. معتمدين على السايق !!

    تحلطمك عباره عن اسطوانه سمعتها وحفظتها طوول العطله 😦
    الله يسامحكم:(

    من ناحيه ثانيه ..
    يالله ناطرين تكملت المسلسل التركي .. اقصد ” الروايه ” العجيبه :)..

    وقواك الله

    • أول شي الله يخلي الوالد ويعطيه الصحه والعافيه
      والله يسلمه يعطي نموذج عن مثاليتنا إحنا يالأبهات
      ثانيا قولي لأختج من مجرب تخفف حساسيتها ولا راح تتعب وايد بالدنيا
      شفتي إللي طلعتيه جاسي تراه تبادل الحان البكاء مع ولده البكر حينما تلقى أول تطعيمه له في حياته
      وأخيرا المسلسل التركي: شقول ,وايد محتار ! آنا كتبت اللي صار بالدوانيه وعجب العيال وأمهم
      بس مأجل الباقي لأن السالفه مطوله ومابي امللكم و أعلقكم في كل بوست
      بس إن شالله تشوفونه رمضان القادم على……….

  8. لوووووول لو سمحت لا نجمع ابهات قبل موابهات الحين فلا تقول ” احنا ” ;q اتغشمر
    😦 عورني قلبي .. حراام كسرت خاطري .. ادمعت عيني تذكرت اعيالنا باول تطعيم :”(
    لالالا عاد شنو @@ ارمضان الياي .. ترى نشتغل عليك حنه مو طبيعيه ;q
    من ناحيه طولها فطولها ورانا دوام وغثا على الاقل نرجع نقرى شي يونسنا ويضحكنا ..
    ترى تكسب اجر فينا اوووووووووووووووه.. يمكن تدخل الجنه منا ;q

  9. .
    .

    آنـآ كنت آنطر آنك تتكلم بالموضوع هذا, لآنه يهمني
    أولآ : كفايه علينآ آلحوسه اللي آحتسنآ فيهآ عشآن نشتري ملآبس .. طبعا ( من مجمع آلآيوب ) آلله لآ يوركم آلزحمممه , مروراً بشرآء تكملة آلملآبس من أحذيه و جوآرب و وتي شيرت *لللآلعآب* مع آلشورت
    ثانياً : نروح حق آغرآض آلمكتبه من دفآتر وآقلآم وبرآيآت و مسآحآت وجنطة بس غمض عينك إذا وصلت حق معرفة قيمه آلفـآتوره لآنك آكيد رآح تتفآجئ بسعر
    ثالثـاً: آنـآ آقول آن آلمدرس مسكين , كله حآطين عليه ومآتعآتبون وزآرة آلتربية .. لآنه آهيآ آللي تحط آلمنآهج آلصعبه وأيضاً , آهيآ تحط آلآمتحآنآت آلصعبه وتجبر ولي الأمر آن يحبث عن مدرسين خصوصيين أو عن مذكرآت تثقل كآهل ولي آلآمر ( متعوب عليهآ كآهل خخ )

    وآتمنى في آلنهآيه آن تتكلم عن روآتب آلمسآكين آلمغلوب على آمرهم آلمدرسين آلكويتيين .

    \

    • شكرا على كاهل
      وبعدين إذا بتكلم عن الرواتب أتكلم عن راتبي
      بس يستاهلون المدرسين زياده للمستحق منهم واللي يشتغل بضمير

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: