Statuses

كويتي مو قدوه

In أخلاقيات on 16/09/2010 by t7l6m

كويتي
متعلم وخريج امريكا بعد
شخصيه عامه فهو عضو مجلس إداره في إحدى مؤسسات المجتمع المدني
تخيلوا شخص مثل هذا يقوم بعمل يفشل
عمل لا وطني
عمل مستهجن
قد يتقبله الأخرون,والبعض قد يمارسه
وأنا اعده بمثابة فعل فاضح في مكان عام
الأخ الكويتي ,المتعلم, المتمدن نزل من سيارته ورمي كودة كلينكس بالشارع
لو بسنغافوره كان حرص على النظافه (تلقاه خايف من الغرامه)
ياللي شقول إذا إنت يا ولد البلد تسوي كذي والزباله بينك وبينها مترين
شلون تبون الوافد يحافظ على النظافه؟
شلون تبون الغُرب يهتمون وعيال البلد مو مهتمين؟
يا إخوه,ويا أخوات لازم يكون كل واحد فينا قدوه للأخرين بكل شي
بالنظافه,وبالإلتزام بالنظام والقوانين,وبالمحافظه على المرافق العامه

وحتى ذلك الحين لا تشرهون على الوافدين إذا بهدلوا بلدنا

Advertisements

10 تعليقات to “كويتي مو قدوه”

  1. بعد مرة اقول لك “عندنا و عندك خير”، ايه اعرف واحد يسوي جذيه بعد لا و جدام الدوانية اللي يقعد فيها كل يوم “مسخره” .

  2. خل ينقع شهادته ويشرب مايها

  3. بصراحه يحر و يقث وايد اتصادف واشوف هالأشكال يحرون و المشكله شدقول في مجال اتحاجيهم يعني أو اتقولهم تسنعوا ترى على فكره إلي جذي طبعه حتى في بيته ياكل و يرمي القرطاس بالأرض

    • فعلا مثل هالمشاهد والمواقف تضايق الواحد
      آنا اللي خلاني أكتب الموضوع أن الشارع كان نظيف والكلنكس الأبيض صار
      كنه حبة خال على القار وايد ملحوظ
      بالإضافه طبعا إلى موضوع أن نكون قدوه لضيوفنا من الوافدين

  4. عفوا
    انت قلت :”لأخ الكويتي ,المتعلم, المتمدن ” لا و فوق هذا زدت “شخصيه عامه فهو عضو مجلس إداره في إحدى مؤسسات المجتمع المدني” … بمعنى مختصر و اخر .. يعني مثقف ومتحضر صح ؟
    مو يقولون الجهل الحين مو معناته الاميه في القراءه و الكتابه لا الجهل في هذا الزمن يعني بالعلم والثقافه ..
    انا اشوف احنا ركزنا على جانب وخلينا اخر .. الجهل الحين مو ما اعرف اكتب .. ولا انا مو مثقف ولا انا ما اعرف حق التطور .. الجهل الحين .. يعني اني اكون امي بالاخلاق و القيم والمباءدى ..
    ماكو فايده من الشهاده والمنصب اذا كان مسواتك جذي ..
    و اكيد السالفه مو واقفه على ” النظافه ” …

    انا اقول اذا اهوا جذي الله يستر من اعياله الي رباهم 😦
    و المشهد الي صورته .. مو غريب ولا مستهجن .. بالعكس امر عادي جدا ومألوف ..
    روح السينما ولم يخلص الفلم شوف البلاوي ..
    وتشوف بنوته صغيره تقول حق امها “ماما اشيله ” .. ترد الام ” لا ماما لا هذا يخلونه ” !!! خييير ؟!!
    الله كرييم

    عذرا على الاطاله اخوي
    اسفه جدا ..
    وقواك الله

    • أولا لا تعتذرين على الإطاله لأن بإسهابك أثريت الموضوع
      لو تحتسب الأميه على الأخلاق والقيم فإني أعتقد أن ترتيبنا عالميا سيتراجع بقوه

  5. هم اعرف واحد يشرب سجاير ويقطها بره يم الكلينكس مو عدل

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

%d مدونون معجبون بهذه: